டாக்டர் கலைஞர்

மருதமலை மாமணியே முருகய்யா.....

2011-01-30T17:19:00.001+05:30

கோடி கட்சிகளிலே நல்ல கட்சி எந்த கட்சி ?
கொங்குமணி தமிழ்நாட்டினிலே புனித கட்சி எந்த கட்சி ?
தேடி வந்தோர் இல்லமெல்லாம் செழிக்கும் கட்சி எந்த கட்சி ?
தலையாய தலைவரெல்லாம் இருந்த கட்சி தி.மு.க கட்சி....
திருக்குவளை மாமணியே கலைஞரைய்யா
தொண்டர்கள் கொண்டாடும் வேலய்யா அய்யா
(தி.மு.க)

தேர்தல் நந்நாளில் மைக்குடன் எந்நாளும்
தொண்டர்களை கொண்டாடும் எங்கய்யா
(தி.மு.க)

கோடிகள் கொடுத்தாலும் தலைவனை நான் மறவேன்
நாடியென் வினை தீர நீ உடனே வருவாயே
அஞ்சுகத்தாய் பெற்றெடுத்த ஆறுமுகன் நீயே
எழுபிறப்பிலும் எங்க தலைவன் நீயே ஆ..
(தி.மு.க)

சக்தித் திருமகன் எங்கள் தலைவரை மறவேன் நான் மறவேன்
மக்கள் பிரச்சனை தீர்த்திட முதல்வராய் வருவாய் மீண்டும் வருவாய்ய்
தமிழ்நாட்டின் தலைமகனே அழகிய தமிழ்மகனே
தொண்டரெல்லாம் உனதுபலம் அதுவே உனது வெற்றிபலம்
காலமெல்லாம் முதல்வராக இருப்பாய் தலைவராக
அதிபதியே குருபரனே அருள்நிதியே சரவணனே
பனியது மழையது நதியது கடலது
சகலமும் உந்தொரு கருணையில் எழுவது
வருவாய் முதல்வராய் கலைஞரய்யா

இலை மலர்ந்தால் ஈழம் மலரும்

2011-01-14T00:40:00.001+05:30

கார்ட்டூன்

2010-07-15T16:39:00.000+05:30

முதல்வரை தாஜா பண்ணும் பச்சோந்தி பா.ம.க.

2010-07-15T16:16:00.000+05:30

கலைஞர் பிறந்த நாள் - குழந்தைகளுக்கு தங்க மோதிரம், செயின்

2010-06-03T16:09:00.002+05:30

நன்றி - http://www.tutyonline.net/view/31_4483/20100603160617.html

கார்ட்டூன்

2009-10-08T23:35:00.002+05:30

குஜராத் கள்ளச்சாராயம் - "சோ" அய்யா கார்ட்டூன் போடுவாரா

2009-07-20T16:10:00.001+05:30

தமிழ்நாட்டில் என்ன நடந்தாலும் அதில் குற்றம் குறை கண்டுபிடிப்பவர் நம்ம சோ ராமசாமி அவர்கள். தமிழ்நாட்டில் வெயில் கொளுத்தினால் அதுறகும் தி.மு.க. மீது பழி மழை பெய்தால் அதற்கும் தி.மு.க. மீது பழி என்று குறை சொல்லுபவர். இவருக்கு பத்திரிக்கை வேறு இருப்பதால் உடனே கார்ட்டூன் வேறு தீட்டிவிடுவார். கலைஞர் என்றால் காய்ச்சி எடுக்கும் அவரது கார்ட்டூன்கள் ஜெயலலிதாவோ மற்ற இந்துத்வ தலைவர்கள் என்றாலோ வெண்சாமரம் வீசும். சென்ற வாரம் குஜராத்தில் கள்ளச்சாராயம் குடித்து கிட்டத்தட்ட 150 வரை மாண்டதாக செய்தி வந்ததை பற்றி அவர் ஏதும் அலட்டிக் கொண்டதாக தெரியவில்லை. இதுவே தமிழ்நாட்டில் நடந்து இருந்தால் உருப்படியாக கருத்து எதுவும் சொல்ல தெரியாவிட்டாலும் தன்னுடைய நக்கல் பேச்சால் தமிழக அரசை காய்ச்சி எடுத்து இருப்பார். இன்னும் சில மாதங்களுக்கு இன்றே காட்டூன் வரைந்து ஓயாமல் வெளியிட்டு வருவார்.

குஜராத் கள்ளச்சாராயம் பற்றி அவர் ஏதும் கார்ட்டூன் வரைந்தாரா என்று தெரியவில்லை. ஆனால் சோ ஆதரவு தளம் என்று அறியப்பட்ட தளம் ஒன்றில் தான் இங்கே இணைக்கப்பட்டுள்ள படம் இடம் பெற்று இருந்தது. இந்த கார்ட்டூன் துக்ளக் இதழில் இடம் பெற்றதா என்று தெரியவில்லை ஆனால் அவர்கள் ஆதரவு கார்ட்டூன் என்பது மட்டும் கார்ட்டூனை பார்த்தாலே தெரிகிறது. இதே சம்பவம் தமிழ்நாட்டில் நடைபெற்று இத்தனை பேர் மாண்டு இருந்தால் இவர்கள் எல்லாம் மாண்டுவிட்ட அப்பாவிகளுக்கு போராடும் போராளிகளாக மாறி இருப்பார்கள். ஆனால் சம்பவம் நடைபெற்றதோ சோ ராமசாமி அவர்கள் ராம் ராஜ்ஜியமாக நினைக்கும் குஜராத்தில் அல்லவா. அதனால் 150 பேர் உயிரை குடித்த கள்ளச்சாராயத்தை குட்டி பிசாசு என்று அலட்சியமாக கருதுகிறார்கள். இங்கே இன்னொரு கவனிக்க வேண்டிய விஷயம் என்னவென்றால் இந்த கள்ளச்சாராய மார்க்கெட் குஜராத்தில் கொடிகட்டி பறக்கிறதாம் அந்த மார்க்கெட்டுக்கு ஆளும் பா.ஜ.க. ஆதரவு இல்லாமல் அது இந்த அளவுக்கு வளர்ந்து இருக்க முடியாது என்று சொல்லப்படுகிறது. சோ அய்யாவுக்கு இது கூட தெரியாமல இருக்கும்

பா.ம.க. இனி மெல்ல அழியும்

2009-07-10T15:28:00.001+05:30

சில தினங்களுக்கு முன் பா.ம.க. மீண்டும் சாதியை கையில் எடுக்கிறது என்ற செய்தியை மீள் பதிவிட்டு இருந்தோம். இப்போது கலைஞர் அவர்களும் அவ்வாறே ஒரு அறிக்கையை வெளியிட்டு இருக்கிறார். தேர்தலுக்கு தேர்தல் கூட்டணி மாறி மாறி பச்சோந்தி தனத்தை பச்சையாக கடைப்பிடித்து வந்த பா.ம.க. வுக்கு தேர்தல் தோல்வி செவிட்டில் அறைந்த மாதிரி இருந்தது. ஆனால் தோல்விகான பொறுப்பை ஏற்கும் பக்குவம் இன்னும் அதற்கு இல்லாததையே தொடர்ந்து நடைபெற்றுவரும் நிகழ்வுகள் காட்டுகின்றன

முதலில் பணம் வென்றது என்றார்கள் அப்புறம் அதிகாரம் வென்றது என்றார்கள். பின்னர் ஓட்டு இயந்திரத்தை குறை சொன்னார்கள். வெற்றி பெறும் போது நன்றாக இயங்கும் ஓட்டு இயந்திரம் தோல்வி அடைந்துவிட்ட போது மட்டும் கோளாறாக தெரிகிறது. திடீரென்று இனி வரும் தேர்தல்களில் கூட்டணி இல்லை என்று அறிக்கை வந்தது. இப்படி எந்த வழியில் செல்வது என்ற குழப்ப நிலையில் தான் இன்று பா.ம.க. இருக்கிறது

வேறு வழி எதுவும் தெரியாததால் இறுதியில் பா.ஜ.க. நிலைமைக்கே வந்துவிட்டது பா.ம.க. பா.ஜ.க. ஒவ்வொரு தேர்தலின் போதும் மத வெறியை கிளப்பும். தேர்தலில் தோல்வி அடைந்தால் மத வெறியை இன்னும் அதிக ஆவேசத்துடன் வெளிப்படுத்தும். மதத்தை கைவிட்டதால் தான் ராமர் தேர்தலில் கைவிட்டுவிட்டதாக சொல்லி மதவெறியை ஊதி ஊதி பெரிதாக்கும் அதே மாதிரி தேர்தலில் தோல்வி அடைந்த பின் பா.ம.கவுக்கும் ஞானோதயம் வந்துவிட்டது போல் இருக்கிறது. மீண்டும் வன்னிய எழுச்சி என்று ஜாதியை தூக்க ஆரம்பித்துவிட்டது.

தேர்தல் தோல்வியில் இருந்து பாடம் கற்றுக் கொள்ளாமல் சாதி சாதி என்று வெறி பிடித்து அலைந்தால் பா.ம.க. இனி மெல்ல அழியும்

அஞ்சாநெஞ்சன் ஆடும் அதிரடி ஆட்டம்

2009-07-02T16:12:00.000+05:30

தென் மாவட்ட மக்களை கவர முதல்வன் பட பாணியில் களம் இறங்கிய மு.க.அழகிரி, அதிரடி நடவடிக்கை மூலம் 100க்கு 100 என்ற கணக்கில் தேர்தலில் வெற்றி பெற வியூகம் வகுத்துள்ளார்.

தமிழக முதல்வரின் மகனும், மத்திய அமைச்சருமான மு.க.அழகிரி கடந்த காலங்களில் மதுரையில் தனது செல்வாக்கை பயன்படுத்தி கட்சியினருக்கு பல்வேறு பொறுப்புகளை பெற்றுத் தந்தார். தற்போது, திமுக தலைவர் கருணாநிதியால் தென் மண்டல அமைப்பு செயலாளர் என்ற பொறுப்பு அளிக்கப்பட்டது.

அதன் மூலம் தென் மாவட்டத்தைச் சேர்ந்த திமுகவினருக்கு பொறுப்புகளையும், பதவிகளையும் இவர் கை காட்டும் நபருக்கே கட்சி மேலிடம் வழங்கி வந்தது. கடந்த மக்களவைத் தேர்தலுக்கான தொகுதி வேட்பாளர் நியமனத்திலும், தொகுதியை திமுகவினருக்குப் பெற்றுத் தருவதில் வாக்குறுதியும் அளித்து அதை நடைமுறையிலும் கொண்டுவந்து வெற்றி பெற்றார்.

இந்நிலையில் மு.க.அழகிரிக்கு மத்திய அமைச்சர் பதவியும் அளிக்கப்பட்டது. அமைச்சர் பதவியேற்ற பின்னர், முதல்வன் பட பாணியில் மு.க.அழகிரி மக்கள் குறை தீர்க்க அதிரடி நடவடிக்கைகளில் ஈடுபட்டு வருகிறார். திமுகவினருக்கு மட்டுமே ஆதரவாக செயல்பட்டுவந்த அவர் கடந்த சில நாட்களாக திட்டப் பணிகளில் மக்களுக்கு பயன்படும் வகையில் அதிக கவனம் செலுத்தி வருகிறார்.

இவருடைய அதிரடி நடவடிக்கையை கேள்விபட்டு தென் மாவட்டத்தை சேர்ந்த ஆதரவற்ற மக்கள் மனுக்களுடன் அவரது வீட்டை முற்றுகையிடத் துவங்கியுள்ளனர். சமீபத்தில் கூட தனது வீட்டில் காத்திருந்த முதியவரை அழைத்து, அவரது மனுவை பெற்றுக் கொண்ட அழகிரி, முதியோர் பென்ஷனுக்காக பல ஆண்டுகளாக அலைவதைக் கேட்டறிந்து, விருதுநகர் மாவட்ட ஆட்சியரைத் தொடர்பு கொண்டு, 64 வயதான அந்த முதியவர் அவர் ஊருக்குச் செல்லும் முன்பே அதிகாரிகள் அவரது வருகைக்காக காத்திருந்தனர். 24 மணி நேரத்தில் அவரது பிரச்சனையையும் தீர்த்து வைத்தனர்.
இதேபோன்று, தூத்துக்குடியில் ஒரு திருமண விழாவிற்கு வந்த அழகிரியை சந்தித்து, தூத்துக்குடி செல்வ விநாயகபுரத்தை சேர்ந்த சாந்தி என்ற பெண் தனது 4 மகன்களயும் கடந்த ஜனவரி மாதம் சென்னை கேளம்பாக்கம் அருகே உள்ள உறவினர் வீட்டுக்குச் சென்றபோது அருகே உள்ள கல்குவாரி குட்டையில் தண்ணீரில் மூழ்கி உயிரிழந்த சம்பவத்தை வருத்தத்துடன் மனுவாக வழங்கினார். மனுவை வாங்கி படித்த மு.க.அழகிரி ஆட்சியர் கோ.பிரகாஷை வரவழைத்து சம்பவ இடத்திலேயே பாதிக்கபட்ட பெண்ணுக்கு உதவி வழங்க நடவடிக்கை எடுக்குமாறு வலியுறுத்தினார். இப்படி அழகிரியின் அதிரடி நடவடிக்கை தொடர்ந்துகொண்டே இருப்பதாக மதுரை அரசியல் வட்டாரங்கள் தெரிவிக்கின்றன.

சமீபத்தில், தூத்துக்குடி திருமணவிழாவில் பேசுகையில் கூட திமுகவினருக்கு ஒரு கட்டளையிட்டார். ஒன்றியம், நகரம், மாவட்ட அளவிலான நமது கட்சியைச் சேர்ந்தவர்கள் அடிதட்டு ஏழை மக்களுக்கு கிடைக்க வேண்டிய அரசு நலப் பணிகளை ஒவ்வொரு மாவட்ட ஆட்சியர்களிடமும் மனுவாக வழங்கி அதைப் பெற்றுத் தரவேண்டும் என திமுகவினருக்கு கட்டளையிட்டார்.

அழகிரியின் இந்த அதிரடி நடவடிக்கை வருகிற சட்டமன்ற தேர்தலில் 100க்கு 100 என்ற வெற்றியை பறிப்பதற்காக இருப்பதாக தெரிகிறது. எப்படியோ பலநலதிட்டங்கள் பொதுமக்களை சென்றடைந்தால் நல்லதுதானே?

முதல்வன் பாணியில் மு.க.அழகிரி

சாதியை மீண்டும் கையில் எடுக்கும் ராமதாஸ்

2009-07-01T15:15:00.002+05:30

சாதிக் கட்சியாக தோன்றிய பாட்டாளி மக்கள் கட்சியின் 11 ஆண்டு கால தேனிலவு முடிவுக்கு வந்து விட்டது. கடந்த 1998ம் ஆண்டு முதல் நடைபெற்ற ஒவ்வொரு தேர்தலிலும் வெற்றி வாய்ப்புள்ள அணியில் இணைந்து தேர்தலை சந்தித்து கணிசமான அளவு எம்எல்ஏக்கள் மற்றும் எம்பிக்களை பெற்று வந்தார் டாக்டர் ராமதாஸ்.

இந்த முறையும் அஇஅதிமுகவுக்கு வெற்றி வாய்ப்பு இருப்பதாக கருதப்பட்டதால் திமுகவிலிருந்த விலகி அதிமுக கூட்டணியில் இணைந்தார். அன்புச் சகோதரியிடம் 7 இடங்களைப் பெற்று போட்டியிட்ட ராமதாசுக்கு வாக்காளர்கள் பட்டை நாமம் அளித்தனர்.

கடந்த 1983ம் ஆண்டு வன்னியர் சங்கத் தலைவராக இருந்த ராமதாஸ் நெற்றி, மார்பு மற்றும் முதுகில் பட்டை நாமம் போட்டுக் கொண்டு ஆயிரம் பேருடன் சென்னை மெரினா கடற்கரையில் உட்கார்ந்து கொண்டு வன்னியர்களுக்கு பட்டை நாமம் தானா என்று கேள்வி எழுப்பினார். சரியாக 26 ஆண்டுகளுக்கு பிறகு மக்கள் தேர்தலில் அவருக்கு பட்டை நாமம் அளித்து விட்டனர்.

தேர்தலில் தோல்விக்கு திமுகவின் ஆள்பலம், பணபலம், தேர்தல் முறைகேடு போன்றவற்றை காரணமாகக் கூறிக் கொண்டிருந்த ராமதாஸ் தற்போது வன்னியர்கள் மத்தியில் தமக்கு சரியும் செல்வாக்கை சரி செய்து கொள்ள மீண்டும் சாதிப் போராட்டத்தை கையில் எடுத்துக் கொள்ளத் தொடங்கிவிட்டார்.

வேலு}ரில் இன்று நடைபெற்ற பாமக பிரமுகர் பூண்டி நடராஜன் இல்லத் திருமண விழாவில் கலந்து கொண்டு பேசிய ராமதாஸ் எங்களுக்கு பட்டை நாமம்தானா என்று கடந்த 1983ம் ஆண்டு எழுப்பிய கேள்வியை தற்போதும் எழுப்ப வேண்டிய நிலை வந்து விட்டதாக கூறியிருக்கிறார்.

சென்னை உயர்நீதிமன்றத்தில் வன்னியர் சமுதாயத்தை சேர்ந்த ஒருவர் மட்டுமே நீதிபதியாக உள்ளார். தலைமைச் செயலகத்தில் ஒரு அரசுத்துறை செயலர் கூட வன்னியர் இல்லை என்று தற்போது மீண்டும் இல்லை புராணம் பாடத் தொடங்கிவிட்டார்.

வன்னியர்களுக்கு 20 சதவிகித இட ஒதுக்கீடு அளிக்க அரசு சார்பில் அறிவிக்கப்பட்ட போதிலும் மேலும் 107 சாதிகள் மிகவும் பிற்படுத்தப்ப்டோர் பட்டியலில் இணைந்ததால் வன்னியர்களுக்கு 10 சதவிகிதம் கூட இட ஒதுக்கீடு கிடைக்கவில்லை என்று கூறியிருக்கிறார்.

ஆட்சி அதிகாரத்தில் இருந்த போது வன்னியர்களை மறந்துவிட்டு, மது, போதை, புகை போன்றவற்றுக்கு எதிராக குரல் கொடுத்து வந்த ராமதாசுக்கு ஆட்சி அதிகாரம் போனவுடன் மீண்டும் வன்னியர்களின் நிலைவு வந்து விட்டதோ என்று எண்ணத் தோன்றுகிறது.

ஆட்சி அதிகாரத்திற்கு வரும் முன்பாக வன்னியர்களின் கோரிக்கைகள் பற்றி பேசி பின்னர் அதை மறந்துவிட்டு, தற்போது அவை நிறைவேறாமல் இருப்பதற்கு இமயமலையில் போய் முட்டிக் கொண்டால் விமோசன் கிடைக்குமா என்று புலம்பத் தொடங்கியிருக்கிறார்.

ராமதாசின் இந்தப் புலம்பல்கள் தோல்வியால் ஏற்பட்ட விரக்தி என்பதை வன்னியர் சமுதாய மக்கள் புரிந்து கொள்வார்கள் என்றும், இனியும் அவரது பேச்சுக்கள் எடுபடாது என்றும் வன்னியர் சமுதாயத்தை சேர்ந்த சிலர் கருத்து தெரிவித்துள்ளனர்

ராமதாசின் புலம்பல்

முதல்வர், துணை முதல்வருக்கு பத்திரிக்கையாளர் பாராட்டு

2009-06-30T16:07:00.001+05:30

ராமநாதபுரம் மாவட்ட தமிழக அரசியல் வார இதழின் மாவட்ட நிருபர் கிஷோர் மீது தாக்குதல் நடத்தப்பட்ட வழக்கில், துரித நடவடிக்கை எடுத்த முதல்வர் கருணாநிதி, துணை முதல்வர் மு.க. ஸ்டாலினுக்கு கரூர் பத்திரிகையாளர்கள் சார்பில் பாராட்டு தெரிவிக்கப்படுள்ளது.

ராமநாதபுர மாவட்ட தமிழக அரசியல் என்ற வார இதழின் மாவட்ட நிருபர் கிஷோர் என்கிற ரவிச்சந்திரன் ராமநாதபுரம் நகர திமுக செயலாளர் ரத்னம் மற்றும் சிலரால் காரில் கடத்தப்பட்டுள்ளார். மேலும் நிருபர் கிஷோரை கடுமையாக தாக்கியுள்ளனர்.

இந்த செயலுக்கு சென்னை பிரஸ் கிளப், கரூர் மாவட்ட பத்திரிகையாளர்கள் மற்றும் பல்வேறு மாவட்டத்தைச் சேர்ந்த பத்திரிக்கையாளர்கள் கடும் கண்டனம் தெரிவித்துள்ளனர்.

நிருபர் கிஷோருக்கு உரிய பாதுகாப்பு வழங்க காவல் துறையினரிடம் ஏற்கனவே மனு அளிக்கப்பட்டுள்ளது.

இந்த சம்பவத்தில் ஈடுபட்டவர்கள் மீது தமிழக முதல்வர் கருணாநிதி பாராபட்சம் பாரமல் கடும் நடவடிக்கை எடுக்க முன் வர வேண்டும் என்று வலியுறுத்தி இருந்தனர்.

இந்த நிலையில், ராமநாதபுரம் தி.மு.க., நகரச் செயலர் ரத்தினம் பிடியில் இருந்த நிருபர் கிஷோர் முதல்வர் கருணாநிதி, துணை முதல்வர் ஸ்டாலினின் நடவடிக்கையின் பேரில் விடுவிக்கப்படடுள்ளார். மேலும் நகரச் செயலர் ரத்தினம் தி.மு.க.,விலிருந்து நீக்கப்பட்டுள்ளார்.

இது தொடர்பாக தி.மு.க. பொதுச் செயலர் அன்பழகன் வெளியிட்டுள்ள அறிவிப்பில், ராமநாதபுரம் நகர தி.மு.க., செயலர் ஆர்.ஜி.ரத்தினம், கட்சிக் கட்டுப்பாட்டை மீறியும், கட்சிக்கு அவப் பெயர் ஏற்படும் வகையிலும் செயல்பட்டு வருவதால் தி.மு.க., உறுப்பினர் உட்பட கட்சியின் அனைத்துப் பொறுப்புகளிலிருந்தும் தற்காலிகமாக நீக்கி வைக்கப்படுகிறார் எனக் கூறியுள்ளார்.

பத்தரிக்கையாளர்களின் உணர்வுகளை அறிந்து புரிந்து தக்க தருணத்தில் நேர்மைக்கு துணை நின்று நிருபர் கிஷோரை உயிருடன் மீட்ட தமிழக துணை முதல்வர் மு.க. ஸ்டாலின், ரத்தினம் மீது உடனே நடவடிக்கை எடுத்த தமிழக முதல்வர் கருணாநிதி அவர்களுக்கு பாராட்டு மற்றும் நன்றியை தெரிவித்துக் கொள்வதாக கரூர் மாவட்ட பத்திரிகையாளர்கள் கூறியுள்ளனர்

நன்றி: தட்ஸ்தமிழ்

அல்-ஜசீராவில் நக்கீரன்

2009-06-25T09:49:00.000+05:30

டிரான்சிஸ்டரும், டேப் ரிக்கார்டரும் - நினைவலைகள்

2009-06-24T20:38:00.000+05:30

கால ஒட்டத்தின் சுழற்சியில் காணாமல் போன் விஷயங்கள் சில தொலைந்து போன விஷயங்கள் பல. அப்படி நினைவுகளுக்குள் கரைந்து போன விஷயங்களை அசை போடுவது தான் இந்த இடுகை. ஒரு பத்து இருபது வருடத்துக்கு முன்னெல்லாம் பல வீடுகளை அலங்கரித்த முக்கியமான மனமகிழ் சாதனம் தான் டிரான்சிஸ்டர். இது ஒரு வகையில் வானொலி மாதிரியே பயன்பட்டாலும் இதற்கு ஏன் டிரான்சிஸ்டர் என்ற பெயர் வந்தது என்று சிறுவயதிலேயெ அடிக்கடி குழம்பிக் கொள்வேன். எங்கள் தெருவில் ஒரு சிஸ்டர் (தமிழில் அக்கா) சதா நேரமும் அந்த டிரான்சிஸ்டரையே வைத்து பாட்டு கேட்டு கொண்டு இருப்பார்கள். சிஸ்டர்கள் எல்லாம் அதிகம் விரும்புவதால் ஒரு வேளை அதனால் தான் அதற்கு டிரான்சிஸ்டர் என்ற பெயர் வந்திருக்குமோ என்ற அளவுக்கு சிந்தித்து இருக்கிறேன். கொஞ்சம் வளர்ந்ததுக்கு அப்புறம் கரண்ட் போனால் வானொலி இயங்காது ஆனால் டிரன்சிஸ்டர் பேட்டரி கட்டையில் இயங்கும் என்ற ஒரே ஒரு வித்தியாசத்தை மட்டும் கண்டறிந்தேன். அதன் பிறகு கொஞ்சம் கொஞ்சமாக டிரான்சிஸ்டர் வெகுஜன புழக்கத்தில் தன் சிறப்பை இழந்தது

எங்கள் தெருவில் ஒரு இஸ்திரி கடை இருந்தது அந்த கடைக்காரர் ஒரு டிரான்சிஸ்டர் வைத்து இருந்தார். அவர் அதிகாலையில் வந்து தனது கடையை திறக்கும் போது அந்த டிரான்சிஸ்டரை ஆன் செய்தால் இரவு கடையை மூடிவிட்டு போகும் போது தான் அதை நிறுத்துவார். பல சமயங்களில் அந்த இஸ்திரி கடை டிரான்சிஸ்டர் தொல்லையாகவே தெரிந்தாலும் மாலை வேளைகளில் கரண்டு போய் வீட்டுக்கு வெளியே வந்து உட்கார்ந்து இருக்கும் போது அது மட்டுமே பொழுதுபோக்காக அமையும். அப்படி ஒரு நாள் கரண்டு இல்லாத மாலை நேரத்தில் வீட்டுக்கு வெளியே நண்பர்களுடன் பொழுதை கழித்து கொண்டு இருக்கும் போது தான் அந்த டிரான்சிஸ்டர் வழி வந்த செய்தியில் இலங்கைக்கு விஜயம் செய்த ராஜீவ் காந்தியை ஒரு சிங்களவன் துப்பாக்கியால் தாக்கிவிட்டான் என்ற செய்தியை சுடச்சுட கேட்டோம். உடனே தெருவில் போவோர் வருவோர் உட்பட அந்த இஸ்திரி கடையை சுற்றி செய்தி கேட்பதற்கென்றே கூட்டம் கூடியது. செய்தி முடிந்தவுடன் பெரிசுகள் எல்லாம் இந்த விஷயத்தை துவைத்து காயப்போட்டு கொண்டு இருந்தார்கள். இணையத்தில் ஏதாவது ஒரு விஷயம் கிடைத்தால் அதை வைத்து வலையுலகில் சில காலம் ஓட்டுவோமே அது மாதிரி அந்த அரசியல் ஞானிகள் பேசிக் கொண்டு இருந்தார்கள். அவர்களில் சிலரின் வாதங்கள் நன்றாகவே இருக்கும். ராஜீவ் காந்திக்கு இலங்கை வலை விரிக்கிறது என்றும் இந்தியா இலங்கையை நம்பக் கூடாது என்றும் அவர்கள் பேசியது நன்றாக நினைவு இருக்கிறது

இந்த டிரான்சிஸ்டரிலேயெ இன்னொரு வகை உண்டு அது பாக்கெட்டு டிரான்சிஸ்டர். இது முக்கியமாக இளசுகளின் பேவரைட்டாக இருந்தது. இன்றைய தேதியில் ஏதோ ஐபாடு வாய்ப்பாடு என்றெல்லாம் பிலிம் காட்டி கொண்டு திரிகிறார்களே இவர்கெளுக்கெல்லாம் முன்னோடி தான் இந்த பாக்கெட்டு டிரான்சிஸ்டர், டிரான்சிஸ்டரின் மின்யேச்சர். கைக்கு அடக்கமாக இருக்கும். அரபு நாடு ஒன்றுக்கு சென்று திரும்பி வந்த சலீம் பாய் பல நாட்களாக இந்த பாக்கெட்டு டிரான்சிஸ்டரை வைத்து தான் பிலிம் காட்டிக் கொண்டு இருந்தார். நாங்கள் கிரிக்கெட் ஸ்கோர் கேட்பதற்கு அவரை தான் நச்சரிப்போம்

டிரான்சிஸ்டருக்கு இணையான மற்றொரு மனமகிழ் சாதனம் டேப் ரிக்கார்டர். இது இன்னும் புழக்கத்தில் இருந்தாலும் வெகுவாக குறைந்துள்ளது. இப்போதெல்லாம் முழு நேர மியூசிக் சேனல்களின் ஆக்கிரமிப்பால் வீடுகளில் வெறும் ஆடியோவை மட்டும் கேட்பது கணிசமாக குறைந்துவிட்டது. டேப் ரிக்கார்டரில் கேசட்டு போட்டு பாடல் கேட்பதை விட அதில் நம் குரலை பதிவு செய்து அதை கேட்பதில் தான் அலாதி பிரியம். எங்கள் வீட்டுக்கு டேப் ரிக்கார்டர் வந்த போது அதை நாங்கள் எதிர்பார்க்காததால் கேசட்டு எதுவும் இல்லை அதுவும் இரவு நேரம் ஆகிவிட்டது அதனால் பக்கத்து வீட்டில் சென்று கேட்டோம். கிறுத்துவரான அவரோ புதுசா டேப் வாங்கியிருக்கீங்களா முதலில் யேசு பாட்டை போடுங்க என்று சொல்லி சில கிறுத்துவ பாடல் கேசட்டுகளை கையில் கொடுத்தார். பிரீயா கிடைக்கிற மாட்டுக்கு பல்லையா பிடிச்சு பார்க்க முடியும் என்று அன்று இரவு மட்டும் கிறித்துவ பாடலகள் ஒலிபரப்பினோம். கேசட் கொடுத்தவருக்கும் அதை கேட்டு சந்தோஷம். எப்படா விடியும் அடுத்த நாள் அப்ப வரும் என்று தூங்கினோம். அடுத்த நாள் வந்தது, நண்பர்கள் வீட்டுக்கு சென்று இருக்கிற கேசட்டுகளை எல்லாம் அள்ளிக் கொண்டு வந்து அலற விட்டுட்டோம்ல

இதுக்கு எத்தனை மார்க் போடுவாங்க?

2009-06-24T15:46:00.007+05:30

இப்பெல்லாம் நாலு வரியில பதிவு போட்டு அதுக்கு சம்மந்தமே இல்லாம நச்சுன்னு ஒரு படம் போட்டாதான் மார்க் போடுவாங்களாம். இது கூட தெரியாம பல பேர் மாங்கு மாங்குன்னு எழுதறாங்களேனு நெனச்சா பாவமா இருக்கு. அதான் நமக்கும் ஒரு ஆசை நமக்கு எத்தனை மார்க் போடுவாங்கன்னு. என்ன இருந்தாலும் இந்த காலத்து யூத்துக கூட எல்லாம் போட்டி போட முடியுமா நம்மால? ஏதோ நம்ம ரேஞ்சுக்கு ஏத்த மாதிரி ஒரு படத்தை போட்டிருக்கேன் ஏதோ பாத்து போடுங்க பாஸு பார்டர்ல பாஸ் ஆனாலும் ஓகே தான் பாஸு.

இந்த படத்தில் ஏதாவது ஸ்பெல்லிங் மிஸ்டேக்கு இருக்கா? இருந்தா படத்தை எடுத்த போட்டோகிராபருக்கு மார்க்கை குறைச்சுட்டு நமக்கு சேர வேண்டிய மார்க்கை குடுத்துடுங்க பாஸு

ஆர்.எஸ்.எஸ். அமைப்புக்கு இலங்கை அனுமதி

2009-06-23T19:55:00.001+05:30

இலங்கையில் போரினால் பாதிக்கப்பட்ட தமிழர் பகுதிகளில் நிவாரணப் பணிகளை மேற்கொள்ள ஆர்.எஸ்.எஸ். கிளை அமைப்பான "சேவா இன்டர்நேஷனல்' என்ற அமைப்பிற்கு இலங்கை அரசு அனுமதி அளித்துள்ளது.

இலங்கையில் நடைபெற்ற உள்நாட்டுப் போரினால் லட்சக்கணக்கான தமிழர்கள் கொல்லப்பட்டுள்ளனர். லட்சக்கணக்கான தமிழர்கள் வீடு உள்ளிட்ட அனைத்தையும் இழந்து அகதிகளாக வாழ்ந்து வருகின்றனர்.
இலங்கை அரசு அமைத்துள்ள அகதி முகாம்களில் மட்டும் சுமார் 3 லட்சம் தமிழர்கள் சிறைச்சாலையைவிட கொடுமையான சூழலில் அடைக்கப்பட்டுள்ளதாக ஊடகங்களில் தகவல்கள் வெளியாகின.

இந்நிலையில் இலங்கையில் அவதிப்பட்டு வரும் தமிழர்களுக்காக ஐரோப்பிய நாடுகளில் உள்ள தமிழர்கள் சேகரித்து அனுப்பிய நிவாரணப் பொருள்கள் அடங்கிய "வணங்காமண்' கப்பலை இலங்கை அரசு திருப்பி அனுப்பிவிட்டது. அந்தக் கப்பல் தற்போது சென்னை துறைமுகத்துக்கு வெளியே நிறுத்தப்பட்டுள்ளது.

இந்நிலையில் இலங்கையில் போரினால் பாதிக்கப்பட்ட தமிழர் பகுதிகளான வடக்கு மற்றும் வடகிழக்குப் பகுதிகளில் நிவாரணப் பணிகளை மேற்கொள்ள ஆர்.எஸ்.எஸ்.ஸின் கிளை அமைப்பான "சேவா இன்டர்நேஷனல்' உள்ளிட்ட சில அமைப்புகளுக்கு இலங்கை அரசு அனுமதி வழங்கியுள்ளது.
"உணவு, உடைகள், வீட்டு உபயோகப் பொருள்கள், கம்பளிப் போர்வைகள், குடைகள், கொசுவலை உள்ளிட்ட அத்தியாவசியப் பொருள்கள் இலங்கையில் உள்ள தமிழர்களுக்கு விரைவில் அளிக்கப்படும்' என்று சேவா இன்டர்நேஷனல் நிர்வாகிகள் தெரிவித்தனர்.

"சுனாமி ஏற்பட்டபோது சேவா இன்டர்நேஷனல் அனுப்பிய குஜராத்தைச் சேர்ந்த மருத்துவக் குழுவினர் இலங்கையில் மருத்துவச் சேவையில் ஈடுபட்டனர். அதேபோல தற்போதும் குஜராத்தில் இருந்தும், தமிழகத்தில் இருந்தும் மருத்துவக் குழுவினர் இலங்கைக்குச் செல்வார்கள்' என்றும் அவர்கள் தெரிவித்தனர்

நன்றி: தமிழர் பகுதிகளில் நிவாரணப் பணி: ஆர்.எஸ்.எஸ். அமைப்புக்கு இலங்கை அனுமதி

அறிமுகம்: குட்டி உடன்பிறப்பு

2009-06-22T19:50:00.000+05:30

கழகத்தின் அடுத்த தலைமுறை களத்தில் இறங்கிவிட்டது. களப்பணி ஆற்றுவதற்கு இன்னும் வயது ஆக வேண்டும் இந்த குட்டி உடன்பிறப்புக்கு. ஆனால் இணையத்தில் கழகப்பணி ஆற்றுதவற்கு இப்போதே தயாராகிவிட்டார். நமது முந்தைய இடுகையான பஜ்ஜி பதிவுக்கு வந்த ஒரு பின்னூட்டம் மூலமாக தான் கண்டுகொண்டோம் இந்த சீறும் சிறுவயது சிங்கத்தை. அந்த பின்னூட்டத்தை வாசித்தவுடன் அனுபமிக்க ஒரு கழக தோழராக இருக்க வேண்டும் என்ற எண்ணத்தில் அவரை தொடர்பு கொண்ட போது தான் தெரிந்தது அவர் இன்னும் சிறுவர் அணி தான் என்று. சிறுவர் ஆனாலும் ஆற்றலில் வியக்க வைக்கும் அறிவு நிரம்பவே இருக்கிறது. தொடர்ந்து இணையத்தில் பதிவுகளை வாசித்து வந்து கொண்டு இருக்கிறார். அவரை இணையத்தில் எழுத அழைத்த போது அவர் சற்றும் அதை எதிர்பார்க்கவில்லை. அதனால் அவர் சார்பாக அவரது பின்னூட்டத்தை இங்கு இணைத்து இருக்கிறோம். கூடிய விரைவில் நம் குட்டி உடன்பிறப்பு தன் சொந்த பெயரியேலேயே எழுதுவார் என்று எதிர்பார்க்கிறோம்

==================================================================
உடன்பிறப்பு பஜ்ஜி என்றவுடன் ஒரு நினைவு வருது பகிர்ந்துக்க ஆசை.

ஒரு தடவை மயிலாடுதுறையிலே 1965ம் ஆண்டு. நான் பிறக்கவில்லை. எங்க தாத்தா, கோ சி மணி ஆகியோர் ஒரு பொது கூட்டத்துக்கு ஏற்பாடு. அண்ணா,சிறப்பு பேச்சாளர். அண்ணாநடிப்பிசை புலவர் கே ஆர் ராமசாமி அவர்களிடம் காரை இரவல் வாங்கிகிட்டு ஓட்டுனர் கிடைக்காமையால் டி. என் ராஜரத்தினம் அவர்களின் ஓட்டுனரை கூட்டிகிட்டு அண்ணா காஞ்சியில் இருந்து கிளம்பியாச்சு.

நம்ம அண்ணா கொள்ளிடம் ஆற்றை தாண்டி வரும் போது ஆற்று மணல் பார்த்தவுடன் காரை நிப்பாட்டிட்டு படுக்கை போட்டுட்ட்டாரு.

இங்கயோ செம கூட்டம். எத்தனை நேரம் தான் சமாளிப்பது. அப்ப உடனே ஒரு கார் ஏற்பாடு செஞ்சு அன்னிக்கு கோவில் திருமாளம் என்ற ஊர்ல இருந்த கலைஞரை தூக்கிகிட்டு வந்தாச்சு.

கலைஞருக்கு அப்போ உடல் நிலை சரியில்லை. பேச முடியாதா நிலை. ஆனா அவருவந்து மேடையிலே உட்காந்து கிட்டு N. கிட்டப்பாவை முழங்க சொல்லிட்டூ உட்காந்து இருக்கார்.

கூட்டம் நடப்பது நகராட்சி பூங்கா. அப்ப கீழே ஒரு நடமாடும் பஜ்ஜி கடை. பஜ்ஜி வாசம் மூக்கை துளைத்ததாள் கலைஞர் கூட ஒன்னு வாங்கி சாப்பிட்டார்.

கலைஞரே சாப்பிட்ட உடனே கூட்டம் முழுக்க அண்ணாவின் வருகையை மறந்து விட்டு பஜ்ஜி கடைக்கு போயிடுச்சு. 10 நிமிஷம் எல்லா வாழைக்காய், வெங்காயம் எல்லாம்போச்சு.

இதை கலைஞரும் கவனித்து கிட்டே இருக்கார்.

ஆச்சு. அண்ணா வந்தாச்சு. அண்ணாவுக்கு பஜ்ஜி வாசம் பிடித்து போக கலைஞரை பார்த்து "ஒரு பஜ்ஜி வாங்குங்க தம்பி"

அதுக்கு கலைஞர் அண்ணாவிடம் "ஏன் அண்ணா உங்களுக்கு ஆதித்தனாரை பிடிக்கும் என்பது எல்லோருக்கும் தெரியும். அதனால ஆதித்தனார் பஜ்ஜி சாப்பிடனுமா? என்று கேட்க அண்ணாவுக்கு புரிஞ்சு போச்சு.

மேடையில் இருந்த யாருக்கும் இது என்ன என்பது என தெரியலை.

என்ன கூத்துன்னா வாழைக்காய் எல்லாம் தீர்ந்து போன்ன பின்னே தின தந்தி பேப்பரை கட் பண்ணி மாவில் துவைத்து பஜ்ஜி வியாபாரம் நடந்து கிட்டு இருந்தது. மேடையில் இருந்தாலும் கலைஞர் அதை கவனிச்சு கிட்டு இருந்திருக்கார்.

உங்க பஜ்ஜி பதிவிலே இதை நான் ஆசை ஆசையா பதிகிறேன்!

பஜ்ஜிமணம், பஜ்ஜிகூடு, பஜ்ஜிலிஷ், "சூடான பஜ்ஜிகள்", பஜிவர்கள் மற்றும் பஜிவர் கூட்டம்

2009-06-19T20:42:00.002+05:30

இது உங்களுக்கு தெரிஞ்ச கதை தான் ஆனா திரைக்கதையை மட்டும் வித்தியாசமா அமைக்க முயற்சி செய்து இருக்கிறேன். கலைஞரும் பொறுப்புகளை எல்லாம் தளபதிகிட்ட கொடுத்துவிட்டு மீண்டும் கலைச்சேவை ஆற்ற கிளம்பிவிட்டார். அதனால் நமக்கும் கதை, திரைக்கதை பக்கம் ஆர்வம் வந்துவிட்டது. ஓக்கே, இப்போது கதைக்கு போகலாம். இது ஒரு வரலாற்று கதை என்பதால் எல்லா விஷயங்களையும் தொகுத்தால் பல பாகங்களாக விரிவடையும் அதனால் இது ஒரு நல்ல அறிமுகமாக தொகுக்கப்பட்டுள்ளது.

ஒரு ஊரில் ஒருவர் முதன் முதலாக பஜ்ஜி கடை ஆரம்பித்தார். அந்த கடையில் பஜ்ஜி சுட ஆரம்பித்தால் ஊர் முழுவதுமே பஜ்ஜிமணம் கமழும். இதனால் கடையில் கூட்டம் அலைமோத ஆரம்பித்தது. இந்த கடையை பஜ்ஜிமணம் என்றே அழைப்போம். அதே ஊரில் இன்னொரு பஜ்ஜி கடையும் வந்தது. ஒரே ஊரில் இரண்டு பஜ்ஜி கடைகள் இருந்தாலும் இரண்டாவது கடையிலும் பஜ்ஜி விற்பனை நன்றாகவே நடந்து வந்தது. இந்த கடையின் பெயர் பஜ்ஜிகூடு என்பதை இந்நேரம் நீங்கள் யூகித்து இருப்பீர்கள். போக போக பஜ்ஜி சாப்பிடுபவர்கள் அதிகமானார்கள். இதனால் இவர்களுக்கு பஜிவர்கள் என்ற பெயரும் வந்தது. பஜிவர்கள் பஜ்ஜி கடையை தவிர சில சமயங்களில் ஸ்டார் ஓட்டல்களிலும் சந்தித்து கொள்வார்கள். இந்த சந்திப்புகள் பஜிவர் கூட்டம் என்று அழைக்கப்படும். பஜிவர் கூட்டம் என்று அழைக்கப்பட்டாலும் இந்த சந்திப்புகளின் போது இவர்கள் ஆர்டர் செய்வது என்னவோ போண்டாவை தான்

ஒரு நாள் திடீரென பஜ்ஜுகூடு கடை மூடப்பட்டது. பஜ்ஜிமணம் கடையும் கை மாறியது. இந்த சமயத்தில் பஜ்ஜிமணம் கடையின் மணம் பக்கத்து ஊர்களுக்கும் பரவ ஆரம்பித்தது. இந்த கடையின் சிறப்பம்சம் என்ன வென்றால் இந்த கடையில் ஒரு ஓரத்தில் ஒரு பத்து பஜ்ஜிகளை சூடான பஜ்ஜிகள் என்று வரிசைப்படுத்தி வைத்து இருப்பார்கள். இந்த சூடான பஜ்ஜிகளை வாங்குவதற்கு கூட்டம் முட்டி மோதிக் கொண்டு வரும். பல சமயங்களில் இந்த சூடான பஜ்ஜிகளை வாங்குவதற்கு ஏற்பட்ட கூட்ட நெரிசலில் கலவரமே நடந்து இருக்கிறது. இதனால் பஜ்ஜி மணம் கடை அவ்வப்போது சூடான பஜ்ஜிகளை எடுப்பதும் மீண்டும் வைப்பதுமாக இருந்தது

பஜ்ஜிமணத்தின் ஆதிக்கம் நிலவி வந்த பஜ்ஜி உலகில் திடீரென ஒரு புதிய பஜ்ஜி கடை தோன்றியது. இந்த கடையை பஜ்ஜிலிஷ் என்று அழைப்போம். இந்த கடை ஒரு புது விதமான யுக்தியை அறிமுகப்படுத்தியது. நீங்கள் அந்த கடையில் நீங்கள் சாப்பிட்ட ஐட்டம் உங்களுக்கு பிடித்து இருப்பதாக சொன்னால் மட்டுமே அதை அவர்கள் தங்கள் கடை ஷோ கேசில் வைப்பார்கள். இந்த முறை நல்ல வரவேற்பை பெற்றது. இதனால் பஜ்ஜிலிஷ் கடையும் அல்லோலகல்லோலப்பட்டது. பஜ்ஜிமணமும் காலத்திற்கேற்ப பல மாற்றங்களை செய்து தன்னுடைய பஜிவர் வட்டத்தை இன்னும் விரிவுபடுத்தியது.

பஜ்ஜிமணம் மற்றும் பஜ்ஜிலிஷ் ஆகிய கடைகளின் வெற்றியை பார்த்த பக்கத்து ஊர்களிலும் பல கடைகள் தோன்ற ஆரம்பித்தன. பஜிவர்ஸ், பஜ்ஜிவெளி, பஜ்ஜிப்பதிவுகள், பஜ்ஜிடி, பஜ்ஜிமம் போன்ற கடைகள் தோன்றி பஜ்ஜி மார்க்கெட்டை ஏகத்துக்கும் ஏற்றிவிட்டன. இதுவரை பஜ்ஜி மார்க்கெட்டை கண்டு கொள்ளாமல் இருந்த பத்திரிக்கைகளும் தொலைக்காட்சிகளும் கூட பஜ்ஜி உலகத்தை திரும்பி பார்க்க ஆரம்பித்து இருக்கின்றன. இந்த முன்னேற்றங்கள் பஜ்ஜி உலகில் எத்தகைய மாற்றத்தை ஏற்படுத்தும் என்று வெள்ளித்திரையில் காணவும்

இந்த கதைக்கு வரும் ஆதரவை பொறுத்து தொடர்ந்து கதைகள் வெளிவரலாம் இல்லை என்றால் கேப்டன் விஜயகாந்த் மீண்டும் நடிக்க வந்த மாதிரி நாமும் மீண்டும் அரசியல் பதிவுகளுக்கு வரும் நிலை உருவாகலாம். அதனால் கதை உங்களுக்கு பிடித்து இருந்தால் தவறாமல் மரியாதையாக உங்கள் ஜனநாயக கடைமையை ஆற்றிவிட்டு செல்லவும்

யாழ்ப்பாணத்தில் உதயசூரியன்

2009-06-18T15:48:00.001+05:30

யாழ். மாநகரசபைக்கான தேர்தலில் தாங்கள் உதயசூரியன் சின்னத்திலேயே போட்டியிடப் போவதாக த.வி. கூ. தலைவர் வீ . ஆனந்தசங்கரி தெரிவித்துள்ளார்.

கூட்டுக்கட்சிகள் இதற்கு இணக்கம் தெரிவித்தால் அவர்களுக்கும் இடமளிக்கப்படும் என்றும் தமிழர் விடுதலைக் கூட்டணியின் தலைவர் வீ.ஆனந்தசங்கரி தமது ஆதரவாளர்கள், பொதுமக்கள் ஆகியோரை வவுனியாவில் சந்தித்துக் கலந்துரையாடியபோது தெரிவித்துள்ளார்.

தமிழர் விடுதலைக்கூட்டணி, ஈபிஆர்எல்எப் பத்மநாபா அணி, ஜனநாயக மக்கள் விடுதலை முன்னணி (புளொட்) ஆகிய அரசியல் கட்சிகள் ஒன்றிணைந்து பொதுச்சின்னமாகிய குத்துவிளக்கு சின்னத்தில் வவுனியாவில் போட்டியிடுவது என்று முன்னர் தீர்மானித்திருந்தன. எனினும் தற்போது, ஜனநாயக மக்கள் விடுதலை முன்னணி (புளொட்) தமது சின்னமாகிய நங்கூரம் சின்னத்திலேயே போட்டியிடப்போவதாகத் தெரிவித்திருக்கிறது. இது செய்து கொண்ட ஒப்பந்தத்திற்கு முரணானது என்பதனால், அதற்கு தம்மால் இணங்க முடியாது என்று ஆனந்தசங்கரி தெரிவித்துள்ளார்.

முன்னர் இணங்கியபடி, குத்து விளக்கு சின்னத்தில் வவுனியாவிலும், உதயசூரியன் சின்னத்தில் யாழ்ப்பாணத்திலும் கூட்டாகப் போட்டியிடத் தான் தயாராக இருப்பதாகவும், அதற்கு மற்ற கட்சிகள் தயாரில்லாவிட்டால் யாழ்ப்பாணம், வவுனியா ஆகிய இடங்களில் தாங்கள் தனித்து உதயசூரியன் சின்னத்தில் போட்டியிடப்போவதாகவும் தமிழர் விடுதலைக் கூட்டணியின் தலைவர் வீ.ஆனந்தசங்கரி தெரிவித்துள்ளார்

நன்றி: பாரிஸ்தமிழ்

சட்டப்பேரவையா? நாடக மேடையா?

2009-06-17T19:20:00.001+05:30

சட்டப்பேரவையில் வழக்கமாக ஆளுங்கட்சி மற்றும் எதிர்க்கட்சி உறுப்பினர்களுக்கு இடையே தான் காரசாரமான விவாதம், மோதல், அமளி, ரகளை எல்லாம் நடக்கும்.

ஆனால் தமிழக சட்டப்பேரவை வரலாற்றில் முதல் முறையாக எதிர்க்கட்சி உறுப்பினர்கள் தங்களுக்குள் மோதிக் கொண்ட சம்பவம் இன்று அரங்கேறியிருக்கிறது.

நடிகர் எஸ்.வி.சேகர் கடந்த சட்டமன்ற தேர்தலில் அதிமுக சார்பில் மயிலாப்பூர் தொகுதியில் போட்டியிட்டு வெற்றி பெற்றவர். ஆனால் கடந்த இரண்டு ஆண்டுகளாகவே கட்சித் தலைமைக்கும் அவருக்கும் இடையே நல்லுறவு இல்லை.

எஸ்.வி.சேகர் அதிமுகவில் இருந்து திமுகவுக்கு தாவப் போவதாக ஏற்கெனவே இரண்டு, மூன்று முறை செய்திகள் வெளியானது. ஒருமுறை தலைமைச் செயலகத்திற்கு சென்ற அவரை அதிமுகவினர் வந்து குண்டு கட்டாக தூக்கிச் சென்ற சம்பவமும் நிகழ்ந்துள்ளது.

இந்த நிலையில் இன்று சட்டப்பேரவையில் அதிமுக உறுப்பினர்கள் அனைவரும் வெளிநடப்பு செய்த போது சேகர் மட்டும் வெளிநடப்பு செய்யாமல் அவையில் அமர்ந்திருந்தார். பின்னர் அவர் துணை முதலமைச்சராக பொறுப்பேற்றுள்ள ஸ்டாலினை வாழ்த்தியும் பேசினார்.

இதனைப் பொறுக்காத அதிமுகவினர் எஸ்.வி.சேகருக்கு எதிராக கோஷங்களை எழுப்பியுள்ளனர். பின்னர் பேசிய சேகர், அதிமுகவினரால் தமது உயிருக்கு ஆபத்து என்றும் குற்றம்சாட்டியுள்ளார்.

அதிமுக உறுப்பினர் கலைராஜன் இனி பேசினால் போட்டுவிடுவேன் என்று தம்மை மிரட்டுவதாகவும், சட்டசபையிலேயே இப்படி சொல்கிறார் என்றும், தன் அருகில் அமர்ந்துள்ள உறுப்பினர்கள் தம்மை துரோகி என்று கூறுவதாகவும் தெரிவித்தார்.

அப்போது குறுக்கிட்டு பேசிய கலைராஜன், நாளைக்கே பன்றிக் காய்ச்சல் வந்து சேகர் படார் என்று போய்விட்டால் அதற்கு நான் பொறுப்பாக முடியுமா என்று கேட்டுள்ளார்.

இந்த விவாதம் அவைக்குறிப்பில் இருந்து நீக்கப்பட வேண்டும் என்ற எதிர்க்கட்சிகளின் கோரிக்கையை சபாநாயகர் மறுத்துவிட்டார்.

சட்டப்பேரவை என்பது மக்கள் பிரச்சனைகள் பற்றி விவாதிக்க வேண்டிய இடம். அங்கு கொள்கை ரீதியிலான மோதல்கள் இருந்தால் அது வரவேற்கத்தக்கதுதான். ஆனால் ஆளுங்கட்சிக்கும் எதிர்க்கட்சிக்கும் மோதல் என்ற நிலை மாறி தற்போது எதிர்க்கட்சி உறுப்பினர்களே தங்களுக்குள் மோதிக் கொள்ளும் இடமாகவும் சட்டப்பேரவை மாறியிருப்பது பரிதாபத்திற்குரியது தான்.

இதுபோன்ற நிகழ்வுகள் இனி சட்டப்பேரவையில் அரங்கேறாமல் உறுப்பினர்கள் கவனத்துடன் செயலாற்ற வேண்டும் என்பதே மக்கள் விருப்பம். தங்கள் கட்சிக்குள் உள்ள வேறுபாடுகளை சட்டப்பேரவையில் வைத்துக் கொள்ளாமல் கட்சி அலுவலத்தில் வைத்துக் கொள்வது ஜனநாயகத்திற்கு நல்லது

நன்றி: நிகழ்வுகள்

பிராமணர்களே இல்லாத கட்சி ?!!?

2009-06-17T10:09:00.006+05:30

ஒரு வாதத்திற்காக ஒரு கேள்வி கேட்கிறேன். நம் பெரு மதிப்பிற்குரிய திரு.சோ ராமசாமி அவர்கள் கொங்கு வேளாளர் பேரவையில் சேருவாரா. என்ன இது பைத்தியக்காரத்தனமான கேள்வியாக இருக்கிறதே என்று தோன்றுகிறதா. இதுக்கே இப்படி நினைத்தீர்கள் என்றால் இன்னும் கேளுங்க. சரி சோ ராமசாமியை விடுவோம். வேறு ஒரு பிராமணர் அதே கொங்கு வேளாளர் பேரவையில் சேருவாரா. இது அதைவிட பைத்தியக்காரத்தனமாக இருக்கிறதா. இன்னும் கேளுங்கள், இப்போது பிராமணர் எதுக்கு கொங்கு வேளாளர் பேரவையில் சேர வேண்டும் அவர்கள் பிராமண அமைப்பில் தானே சேருவார்கள் என்ற யதார்த்தம் இந்நேரம் உங்களுக்கு புரிந்து இருக்கும்

இப்போது கொங்கு வேளாளர் பேரவையை சேர்ந்த ஒருவர் எங்கள் கட்சி தான் பிராமணர்களே இல்லாத கட்சி அதனால் நாங்கள் தான் உண்மையான திராவிட கட்சி என்று தம்பட்டம் அடித்தால் உங்களுக்கு என்ன தோன்றும். இங்கே உதாரணம் தான் வேறு. உண்மையிலேயே ஒரு சாதி கட்சியை சேர்ந்த சிலர் இப்படி தான் தாங்கள் உண்மையான திராவிட கட்சி என்று சொல்லி வருகிறார்கள். என்னவோ பிராமணர்கள் எல்லோரும் இவர்களின் சாதிக் கட்சியில் சேர்வதற்கு விண்ணப்ப படிவத்தை நிரப்பி வைத்துக் கொண்டு இவர்கள் கட்சி வாசலில் இரவு பகலாக கியூவில் நிற்பதை போல் இவர்கள் கொடுக்கும் பில்டப் இருக்கிறதே அப்பப்பா காமெடியிலும் செம காமெடி

ஆனால் இப்படி தங்கள் கட்சியில் பிராமணர்களே இல்லை என்று சொல்லி திராவிடம் பேசும் இவர்கள் அமைச்சர் பதவி பெறுவதற்கும், ராஜ்ய சபா உறுப்பினர் ஆவதற்கும் கையேந்தி நிற்பது என்னவோ பிராமணர் ஆதிக்கம் செலுத்தும் கட்சியாக இருந்தாலும் திராவிடத்தை தூக்கி கடாசிவிட்டு அந்த கட்சி வாசலில் காத்து இருப்பார்கள். இந்த பச்சோந்தி தனத்தை எல்லாம் சுட்டி காட்டினால் அவர்களுக்கு மறக்காமல் பார்ப்பன அடிவருடி பட்டத்தையும் கொடுத்து மகிழ்வார்கள் இந்த நவீன திராவிடர்கள்

திராவிடம், திராவிடம் என்று பேசிக் கொண்டே சக திராவிட கட்சிகளுக்கு குழி பறிப்பதில் வல்லவர்கள் இவர்கள். திராவிடம் என்பதெல்லாம் தங்கள் சாதி வெறியை மறைக்கும் வெறும் கருவி தான் இவர்களுக்கு

தமிழ்மணம் (புதிய) ஓட்டளிப்பில் உள்ள சிக்கல்

2009-06-16T09:17:00.004+05:30

தமிழ்மணம் பல அதிரடி நடவடிக்கைகளை எடுத்து பல பதிவர்களுக்கு சுண்ணாம்பு தடவியது நினைவிருக்கலாம். ஒரு சில நல்ல பதிவர்களை தவிர்த்து பலரும் பரபரப்புக்காக தலைப்பை வைத்து கல்லா கட்டி வந்தார்கள். உள்ளே மேட்டர் இருக்கிறதோ இல்லையோ ஏதாவது ஒரு தலைவர் அல்லது பிரபலத்தை மிக கேவலமாக விமர்சித்து தலைப்பு வைத்து பிழைப்பு ஓட்டிக் கொண்டு இருந்தார்கள். நாளடைவில் இந்த வித்தையில் வல்லுநர்களாகவும் ஆனார்கள். இப்படியே ஒப்பேற்றி வந்ததாலோ என்னவோ அவர்களுக்கு வேறு நல்ல மாதிரி எழுதுவது என்றால் என்ன என்பதையே மறந்துவிட்டார்கள் போலும். தமிழ்மணம் வாக்கெடுப்பில் வந்த மாற்றத்தால் இவர்கள் நிலைகுலைந்தது என்னவோ உண்மை. அதனால் ஏதோ நல்லவனாக மாறிவிட்டது போல் சில இடுகைகள் எழுதினார்கள். ஆனாலும் அடிக்கடி ஏற்படும் அரிப்பை தீர்த்துக் கொள்ள பழைய பாணி இடுகைகளையும் அவ்வப்போது எழுதி வருகிறார்கள்

நம்மை பொறுத்தவரை தமிழ்மணம் மாற்றத்தை வரவேற்கிறோம். நாம் என்றுமே தமிழ்மணம் ஓட்டுகளை கணக்கில் எடுத்துக் கொண்டதில்லை. ஏனென்றால் கலைஞர் என்ற சொல்லை பயன்படுத்திய குற்றத்திற்காகவே பல பதிவர்களின் இடுகைகளுக்கு தொடர்ச்சியாக நெகட்டிவ் ஓட்டுகள் போட்டு அவர்களை காய வைத்து வருகிறது ஒரு கூட்டம். அதுவும் நம்மை பற்றி கேட்க வேண்டுமா நம் வலைப்பதிவே கலைஞர் பெயரில் அல்லவா இயங்குகிறது அதனால் என்ன தான் மாய்ந்து மாய்ந்து எழுதினாலும் நம்முடைய இடுகையை வாசிக்காமலேயே நேராக நெகட்டிவ் ஓட்டு போடுவதற்கென்றே ஒரு கூட்டம் நம் வலைப்பதிவுக்கு வருகை தருகிறது

இந்த வலைப்பதிவில் உள்ள பழைய இடுகைகளை சென்று பார்த்தால் பெரும்பாலும் மைனஸிலேயே ஓட்டு எண்ணிக்கை இருக்கும். என்ன தான் மைனஸ் ஓட்டுகள் குத்தினாலும் நம் மனம் தளரவில்லை. நாம் தான் ஜன்நாயக வழி நடப்பவர்கள் ஆயிற்றெ. ஓட்டெடுப்பில் தோல்வி அடைந்தால் இயந்திரம் சரி இல்லை என்று சொல்வதற்கு நாம் ஒன்றும் எதிர் கட்சிகள் அல்லவே. சென்ற தேர்தலில் வெற்றி பெற்ற போது இதே இயந்திரங்கள் தானே இருந்தன அப்போது மட்டும் அடக்கி வாசித்தார்களே

இப்போது மீண்டும் தமிழ்மணம் ஓட்டெடுப்புக்கு வருவோம். தமிழ்மணம் தற்போது வாசகர்கள் வாக்களிக்க விரும்பினால் ஓபன் ஐடி மூலம் வாக்களிக்க வலியுறுத்துகிறது. இதில் எந்த குறையும் இல்லை. ஆனால் ஒரு முறை நீங்கள் வாக்களித்துவிட்டால் அதே இணைப்பில் இருந்து வேறு கணக்கை பயன்படுத்தி மீண்டும் வாக்களிக்க முடியாது. இது நல்ல விஷயம் தானே இதனால் கள்ள ஓட்டு போடுவது தடுக்கப்படுகிறதே என்ற கேள்வி எழலாம். இது மிகவும் சரி தான். ஆனால் ஒரே இணைப்பை பயன்படுத்தும் இருவர் இந்த முறை மூலம் வாகளித்தால் ஒருவரின் வாக்கு தான் பதிவாகும். அடுத்தவர் வேறு இணைப்பை பயன்படுத்தி தான் வாகளிக்க முடியும்.

விக்கிபீடியாவை கண்டு விக்கித்து நின்றவர்

2009-06-15T20:49:00.002+05:30

தமிழ்விக்கிபீடியா குறித்த வலைப்பதிவர்கள் சந்திப்பு நடந்தது அனைவரும் அறிந்ததே. இதன் தொடர்பில் ஒரு வலையுலக பிரபலம் எழுதிய இடுகையை வாசிக்க நேர்ந்தது. இந்த பிரபலம் தான் விக்கிபீடியாவை ஆதரிப்பது இல்லை என தெரிவித்து இருக்கிறார். இதில் ஒன்றும் விஷயம் இல்லை ஒரு விஷயம் ஒருவருக்கு பிடித்து இருப்பதும் பிடிக்காமல் போவதும் அவரவர் விருப்பம். ஆனால் தான் விக்கிபீடியாவை ஆதரிக்காததற்கு காரணமாக அவர் சொன்னது தான் மிகப்பெரிய நகைச்சுவை

விக்கிபீடியா ஒரு சிலரால் ஆக்கிரமிக்கப்பட்டுள்ளதாம். அதனால் தான் இவர் அதை ஆதரிப்பது இல்லையாம். அடங்கொன்னியா, போன மாதம் வரைக்கும் அதாவது தேர்தல் முடியும் வரைக்கும் வலை உலகை இவர்கள் ஆக்கிரமித்து கொண்டு இவர்கள் போட்ட ஆட்டம் அவ்வளவு எளிதில் மறந்துவிடுமா. தாங்கள் கூட்டம் சேர்த்தால் அது எணைய புரட்சியாம் அதுவே பிறர் கூட்டம் சேர்த்தால் ஆக்கிரமிப்பாம்

மேலும் விக்கிபீடியாவில் அன்புமணி ராமதாஸ் பற்றி அவதூறாக எழுதி இருக்கிறார்களாம். அடங்கொய்யால, கலைஞர் பற்றி நீங்கள் எழுதாத அவதூறா. சின்ன ஐயா பற்றி எழுதினால் சினம் சீறிக் கொண்டு வருகிறதோ. அதுவே கலைஞர் பற்றி எழுதினால் கல்கண்டாக இனிக்கிறதோ. இவர் அன்புமணி பற்றிய அவதூறை திருத்தினாராம் அது அடுத்த நாள் காணாமல் போய்விட்டதாம். விக்கிபீடியாவில் திருத்தம் செய்தால் என்ன திருத்தம் செய்யப்பட்டது என்பதை பார்க்கும் வசதி இருக்கிறது. அவர் சொன்ன திருத்தம் அங்கு காணப்படவில்லை என்று ஒருவர் அவருக்கு பின்னூட்டம் இட்டிருக்கிறார்

தன் வாதத்துக்கு வசதியாக டோண்டு ராகவன் போன்றோர் தங்கள் வலைப்பதிவில் பக்க சார்பாக எழுதிகிறார்களாம் அதனால் அதை அவரால் புரிந்து கொள்ள முடிகிறதாம். பக்க சார்பு பற்றி இவர் எழுதுவதை விட வேறு என்ன பெரிய நகைச்சுவை இருக்க முடியும். டோண்டுவை உதவிக்கு அழைத்ததன் முலம் தானும் தன் வலைப்பதிவில் சொந்த விருப்பு வெறுப்பை தான் எழுதுகிறேன் அதனால் தன்னால் டோண்டுவை புரிந்து கொள்ள முடிவதாக சொல்லாமல் சொல்கிறார்

விக்கிபீடியா கூட்டம் நடந்த இடம் வேறு இவருக்கு வயிற்றெரிச்சலை கிளப்பிவிட்டுள்ளது. கறுப்பு சிவப்பில் பூணூல் ஊடுறுவிவிட்டதாக அரற்றிக் கொள்கிறார். அவர் அளிக்கும் உவமையை பார்த்தால் அ.தி.மு.க. கட்சிக் கொடிக்கான விளக்கத்தை கொடுப்பதாக தெரிகிறது. இது தேர்தல் நேரத்தில் கூட்டணி வைக்கும் போதும் அ.தி.மு.க.வுக்கு வாக்கு கேட்கும் போதும் தெரியவில்லையோ. இதற்கு மேலும் தொடர்ந்து எழுதினால் பார்ப்பன அடிவருடி என்ற அரிய பட்டத்தை நமக்கு இலவசமாக அளித்துவிடுவார் அந்த அன்பு நண்பர்

தினமலர் கார்ட்டூன்

2009-06-15T09:00:00.004+05:30

இங்க பார்றா ஒடன்பருப்புக எல்லாம் ஓப்பனா தினமலரை கோட் பண்றாங்க அப்படின்னு சொல்றாங்க. இப்படி சொல்பவர்களின் யோக்கியதை என்ன தெரியுமா. கடந்த தேர்தலில் ஓப்பனா அ.தி.மு.க.வுக்கு ஓட்டு கேட்ட சிங்கங்கள் தான் இவர்கள். கலைஞர் ஆரிய திராவிட போராட்டம் பற்றி பேசினால் விமர்சனம் செய்யும் இவர்கள் நாம் தினமலரை கோட் செய்தால் அதே பல்லவியை இவர்களும் வெட்கமே இல்லாமல் பாடுகிறார்கள்

புலிகள் மற்றும் ஜெ பற்றி திரு.சோ ராமசாமி

2009-06-14T18:32:00.003+05:30

சிங்களவனை விட அதிக தமிழர்கள் கொல்லப்பட்டது புலிகளால் தான் என்று துக்ளக் விழா கூட்டத்திலே முழங்குகிறார் திரு.சோ ராமசாமி அவர்கள். மேலும் புலி ஆதரவை ஜெ ஒடுக்கி வைத்து இருந்தார் என்றும் கூறி ஜெயலலிதாவை மெச்சி உச்சி குளிர்கிறார் திரு.சோ அவர்கள். கலைஞர் ஆட்சியில் புலி ஆதரவாளர்களுக்கு எல்லாம் குளிரிவிட்டு போச்சு என்றும் குறைபட்டு கொள்கிறார். ஆனால் வலை உலகில் எல்லோரும் கலைஞரை துரோகி என்று அழைத்து தங்கள் அரிப்பை தீர்த்து கொள்கிறார்கள்

“வீடியோ கான்பரன்சிங்” மூலம் திறப்பு விழா

2009-06-14T10:27:00.000+05:30

ராமநாதபுரம், சிவகங்கை, புதுக்கோட்டை மாவட்ட மக்களின் நீண்டகால கனவாக ராமநாதபுரம் கூட்டு குடிநீர் திட்டம் இருந்து வந்தது. இந்த திட்டம் முழு மையாக நிறைவேற்றப்பட்டு இன்று முதல் குடிநீர் வினியோகம் தொடங்கியது. முதல்-அமைச்சர் கருணாநிதி சென்னை தலைமை செயலகத்தில் இருந்து “வீடியோ கான்பரன்சிங்” மூலம் ராமநாதபுரம் கூட்டு குடிநீர் திட்டத்தை தொடங்கி வைத்தார்.

குடிநீர் திட்ட தொடக்க விழா ராமநாதபுரம், போலீஸ் ஆயுதப்படை மைதானத்தில் இன்று காலை நடந்தது. துணை முதல்வர் மு.க.ஸ்டாலின் கலந்து கொண்டு 600 மகளிர் சுயஉதவிக்குழுக்களுக்கு சுழல்நிதியும், அரசு நலத்திட்ட உதவிகளையும் வழங்கினார்.

நகராட்சி நிர்வாக செயலாளரும், குடிநீர் வழங்கல் துறை நிர்வாக அதிகாரியுமான நிரஞ்சன்மாடி வரவேற்று பேசினார். குடிநீர் வடிகால் வாரிய மேலாண்மை இயக்குனர் திட்ட இயக்குனர் சுவரண்சிங் திட்ட விளக்க உரையாற்றினார். குடிசை மாற்று வாரிய அமைச்சர் சுப.தங்கவேலன் முன்னிலை வகித்தார்.

தமிழக அரசு தலைமை செயலாளர் ஸ்ரீபதி வாழ்த்துரை வழங்கினார். விழாவில் அமைச்சர்கள் சாத்தூர் ராமச்சந்திரன், தங்கம் தென்னரசு, தமிழரசி, முன்னாள் எம்.பி. பவானி ராஜேந்திரன், முன்னாள் அமைச்சர் தென்னவன், ரித்தீஷ் எம்.பி, எம்.எல்.ஏ.க்கள் அசன்அலி, ராம் பிரபு, முருகவேல், உள்பட பலர் கலந்து கொண்டனர். முடிவில் மாவட்ட கலெக்டர் வாசுகி நன்றி கூறினார்.

ரூ.616 கோடியில் நிறை வேற்றப்பட்டுள்ள இந்த திட்டத்தின் மூலம் ராமநாதபுரம், சிவகங்கை, புதுக்கோட்டை மாவட்டங்கள் நிரந்தர குடிநீர் வசதியை பெறுகின்றன.

குறிப்பாக ராமநாதபுரம், பரமக்குடி, ராமேசுவரம், கீழக்கரை, சிவகங்கை ஆகிய 5 நகராட்சிகள், முதுகுளத்தூர், மண்டபம், சாயல்குடி, தொண்டி, ஆர்.எஸ்.மங்கலம், கமுதி, அபிராமம், இளையான்குடி உள்பட 11 பேரூராட்சிகள் 18 ஊராட்சி ஒன்றியங்கள், 3 ஆயிரத்து 163 ஊரக குடியிருப்புகளில் உள்ள மொத்தம் 20 லட்சம் பேர் இத்திட்டத்தின் மூலம் பயன் பெறுகிறார்கள்.

2 ஆண்டுகள் 5 மாதங்களில் கூட்டு குடிநீர் திட்டப்பணிகள் நிறைவடைந்துள்ளன. இதன் மூலம் இந்த பகுதியின் குடிநீர் தேவை நிறைவேற்றப்பட்டுள்ளது.

செய்திக்கு நன்றி: மாலைமலர்

வீரத்தளபதியின் விவேகம்!

2009-06-11T15:54:00.002+05:30

முதல்வன் படத்தில் முதல்வராக நடித்த ரகுவரனை டி.வி., நிருபரான அர்ஜூன் பேட்டி எடுப்பார். அப்போது பல சிக்கலான கேள்விகளை கேட்டதும், நீ ஒருநாள் முதல்வராக இருந்து பார்? என்று கேட்பார் ரகுவரன். இதையடுத்து ஒரு நாள் முதல்வராக பொறுப்பேற்கும் அர்ஜூன் பொதுமக்கள் தங்களது குறைகளை போன் மூலம் தெரிவிக்கலாம், என்ற அறிவிப்பை வெளியிடுவார். ஒருநாள் முதல்வர் அர்ஜூனிடம் ஏராளமான மக்கள் போனில் குறைகளை தெரிவிப்பார்கள். அ‌தனை பொறுமையுடன் கேட்கும் அர்ஜூன் உடனுக்குடன் நடவடிக்கைகளை எடுத்து மக்கள் மத்தியில் செல்வாக்கான முதல்வராக ஆகி விடுவார்.

முதல்வன் அர்ஜூன் பாணியில் ராமநாதபுரம் தொகுதி எம்.பி., நடிகர் ஜே.கே.ரித்திஷ் அதிரடி நடவடிக்கைகளில் இறங்கியிருக்கிறார். ராமநாதபுரத்தில் லோக்கல் டி.வி., சேனல் ஒன்றில் 3 மணிநேரம் லைவ்வாக பொதுமக்களிடம் குறைகளை கேட்டார். ரித்திஷிடம் போனில் பேசிய பொதுமக்கள், இலவச தொலைக்காட்சி கிடைக்கவில்லை என்பதில் தொடங்கி, மின்சார பிரச்னை, தண்ணீர் பிரச்னை, சாலை வசதி என பல பிரச்னைகளை அடுக்கிக் கொண்டே போனார்கள். ரித்திஷூம் சளைக்காமல்அனைவருக்கும் பதில் சொன்னதுடன் நிற்காமல், உடனுக்குடன் நடவடிக்கை எடுக்குமாறும் சம்பந்தப்பட்ட அதிகாரிகளிடம் போனில் பேசினார். ரித்திஷின் இந்த அதிரடி நடவடிக்கை ராமநாதபுரம் தொகுதி மக்களை கவர்ந்தது. இதனை பலரும் போனில் தெரிவித்தார்கள். இதையடுத்து தொடர்ந்து மாதந்தோறும் பொதுமக்களுடன் இதுபோன்ற கலந்துரையாடல் நிகழ்ச்சியை நடத்தவிருப்பதாக தெரிவித்தார்.

சினிமா துறையில் இருந்து எம்.பி.,யான ஜே.கே.ரித்திஷ், சினிமா பாணியிலேயே மக்களுக்கு தேவையான வசதிகளை அதிரடியாக செய்து கொடுக்கிறார் என்பதுதான் ராமநாதபுரத்தின் ஹாட் டாக்...!

நன்றி : தினமலர்

"பசங்க" - இன்னொரு "அஞ்சலி"

2009-06-11T14:34:00.003+05:30

என்னாது "பசங்க" படம் வமர்சனமா அதுவும் இத்தனை நாள் கழித்தா. காந்திய சுட்டுட்டாங்க தெரியுமா அப்படின்னு கேட்காதீங்க. படம் வெளிவந்த உடனேயே அதை முதல் நாள் முதல் ஷோவிலேயே பார்த்துவிடும் அளவுக்கு மனவலிமை எல்லாம் நம்மிடம் கிடையாது. நல்ல படத்துக்காக பொறுமையாக காத்து இருந்து பார்ப்பது தான் நம்ம வழக்கம். அந்த வகையில் பார்த்தது தான் பசங்க. அப்படி ஒரு நல்ல படம் பார்த்துவிட்டால் அதை பற்றி ஒரு நாலு பேரிடமாவது சொல்வதும் ஒரு வழக்கம் அந்த வகையில் தான் இந்த இடுகை

பல வருடங்களுக்கு முன் வந்த அ ஞ்சலி திரைப்படத்தை அவ்வளவு எளிதில் மறந்துவிட்டிருக்க முடியாது. குழந்தைகளை மையமாக வைத்து எடுக்கப்பட்ட படம் என்று பெரிய அளவில் விளம்பரப்படுத்தப்பட்ட படம். மணிரதனம் என்ற பிரம்மாண்ட இயக்குநர் இயக்க இளையராஜா என்ற மற்றொரு பிரம்மாண்டமும் இணைந்து கொள்ள் அப்புறம் என்ன படம் பெரிய வெற்றி பெற்றது தவிர்க்க முடியாத ஒன்றாகிவிட்டது. அஞ்சலி படத்தில் இடம் பெற்ற கிளைமேக்ஸ் காட்சி பெரிதும் பேசப்பட்டது. இப்போது வந்திருக்கும் பசங்க படத்திலும் கிளைமேக்ஸ் அஞ்சலி படத்துக்கு இணையாகவே இருக்கிறது

அஞ்சலி படத்தில் நடித்தவர்கள் பலரும் சிறுவர்களாக இருந்தாலும் அவர்களின் பேச்சு மற்றும் செயல்கள் முற்றிய பெரிசுகளுக்கு இணையாக காட்டப்பட்டது. அதை குறை சொல்ல முடியாது. அப்போதைய காலகட்டத்தில் அப்படி பாத்திரங்களை அமைத்தால் தான் எடுபடும் என்ற நிலை இருந்தது. உதாரணத்திற்கு சிவாஜி படங்களை இன்று பார்த்தால் சிலருக்கு நாடகததனமாக் தோன்றும் அது போல. பசங்க படத்தில் வரும் சிறுவர்கள் மிகவும் இயல்பாகவே காட்டப்பட்டு இருக்கிறார்கள். பசங்க படத்தில் எந்த பிரம்மாண்டமும் இல்லை என்றாலும் கதை மற்றும் திரைக்கதையை நம்பி எடுத்து இருக்கிறார்கள்

பள்ளிப் பருவத்தில் ஏற்படும் பல நிகழ்வுகளை நம் கண்முன் மீண்டும் வந்து நிறுத்தி இருக்கிறார்கள். சிறுவயது பிரச்சினைகள் ஓவ்வொரு தலைமுறைக்கும் சுழற்சியாக் தொடர்ந்து கொண்டே இருக்கும் என்பதை சொல்லி இருக்கிறார்கள். படத்தின் பிற்பகுதியில் சில இடங்களில் நாடகத் தன்மை தென்பட்டாலும் அது திரைக்கதையின் ஓட்டத்துக்கு எந்தவித ஊறும் விளைவிக்கவில்லை. ஒரு சில இடங்களில் அரசியல் கலந்த நகைச்சுவையும் தெளித்து இருக்கிறார்கள். அதை இன்னும் கொஞ்சம் செய்து இருக்கலாம்

படத்தில் நல்லவனாக வரும் அன்பரசு பாத்திரத்தை விட வில்லன் பாத்திரமாக வரும் ஜீவா அருமையாக நடித்து இருக்கிறார். இருவருமே சிறுவர்கள் தான் ஆனால் நடிப்பை பார்த்தால் அப்படி தெரியவில்லை. நல்லவனாக நடிப்பது எளிது ஆனால் வில்லனாக நடிக்கும் போது பார்ப்பவர்களுக்கு வெறுப்பு வர வேண்டும். அதை கச்சிதமாக செய்து இருக்கிறார் ஜீவா என்ற பாத்திரத்தில் நடித்த சிறுவர். மொத்தத்தில் நல்ல தரமான படம் பார்த்த திருப்தி. கண்டிப்பாக மிஸ் பண்ணக் கூடாத படம்

விஜய் கட்சியின் சின்னம் என்னவாக இருக்கும்

2009-06-10T20:39:00.009+05:30

கல்லூரி படித்து கொண்டு இருந்த காலத்தில் ஒரு நாள் வெள்ளிக்கிழமை அன்று மதிய நேரம் வழக்கம் போல் மாணவர்கள் எல்லோரும் கட் அடிக்க திட்டம் போட்டனர். வெள்ளிக்கிழமை மதியம் என்றால் சினிமாவுக்கு சென்று ரகளை செய்வது தான் வழக்கம். அன்றும் அதே மாதிரி எல்லோரும் தயாராகி கொண்டு இருக்க என்ன படம் போகலாம் என்ற கேள்வி வந்த போது ஏதோ ஒரு புது பையன் நடிச்சிருக்கான் அவன் படத்துக்கு போகலாம் என்று சிலர் சொன்னார்கள். எதுக்குடா கண்ட கண்டவன் நடிச்ச படத்துக்கெல்லாம் போகனும் நம்ம தியேட்டரில் ஷகீலா படம் போட்டிருக்கான். அங்கே போனா குடுத்த காசுக்கு ஏதாவது பாத்துட்டு வரலாம் என்று குரூப்பில் உள்ள ஒரு அனுபவஸ்தர் சொல்ல அதற்கு முதல் நண்பர் டேய் மச்சான் இதுவும் ஷகீலா படம் மாதிரி தான்டா இருக்கும். அதுல ஒரு சோப்பு போடுற சீன் எல்லாம் இருக்குடா. இதுல என்ன கொடுமைனா இந்த படத்தை இயக்கியது அந்த பையனோட அப்பாவாம் என்று அந்த படத்தின் குவாலிபிகேஷன்களை அவர் அடுக்க ஒருவழியாக எல்லோரும் பிட்டு படம் பார்க்க கிளம்பிவிட்டார்கள். மச்சான் எனக்கு ஏற்கனவே தலை வலிக்கிற மாதிரி இருக்கு என்னை மேலும் டார்ச்சர் பண்ணாதீங்க என்று சொல்லி நான் எஸ்கேப் ஆகிவிட்டேன்

அந்த படத்தில் நடிச்ச புது பையன் இன்று தமிழ் சினிமாவில் பெரிய ஆள். சந்திரமுகி மட்டும் வந்து இவரது சச்சினை காலி பண்ணவில்லை என்றால் இன்று எல்லா ரஜினி மன்றங்களும் விஜய் மன்றங்களாகி இருக்கும். பாபா தோல்விக்கு பின் ரஜினி ரசிகர்களை குறிவைத்து வலைவீசி வந்தார்கள். ரஜினி அரசியலுக்கு அதோ இதோ என்று இன்னும் கண்ணாமூச்சி காட்டிக் கொண்டு இருக்க. விஜயகாந்த் உள்ளே இறங்கி அதகளப்படுத்த நம்ம விஜய்யும் இப்போதே அஸ்திவாரம் போட்டு வருகிறார். ஜே.கே.ரித்தீஷ் அதிரடியாக அரசியலில் குதித்து எம்.பி. ஆகிவிட்டது வேறு இவரின் அரசியல் பிரவேசத்தை இன்னும் தள்ளி போடக்கூடாது என்ற நிலைக்கு தள்ளிவிட்டது. இவருக்கு உண்மையிலேயே அரசியல் ஆசை இருக்கிறதோ இல்லையோ இவரது தந்தைக்கு நிரம்பவே இருக்கிறது. போஸ்டர்களில் எல்லாம் விஜய், எம்.ஜி.ஆர். உடன் அவரது தந்தை தவறாமல் இடம் பெற்றுவிடுகிறார். அதுவும் எம்.ஜி.ஆர். ஸ்டைலில் கண்ணாடி வேறு அணிந்து கொள்கிறார்

இந்த மாதம் விஜய்யின் பிறந்தநாள் வருகிறதாம் அன்று கண்டிப்பாக விஜய்யின் அரசியல் குறித்து அறிவிப்புகள் வெளிவரலாம் என்று எதிர்பார்க்கப்படுகிறது. ஏற்கனவே உண்ணாவிரத மேடையில் நம் உண்ணாவிரதம் வெற்றி, நமக்கு கிடைத்த பிரியாணி ஆர்டர்கள் இதை சொல்கின்றன என்று பேசி அரசியலை கலகலக்க வைத்தனர். இதே மாதிரி பல கலாட்டாக்கள் நடக்கலாம் என்று எதிர்பார்ப்பு கூடிக் கொண்டே போகிறது

பிரியாணி பொட்டலத்தை தொண்டர் முகத்தில் விசிறி அடித்து விஜயகாந்த் புரட்சி செய்தார், விஜய் தரப்போ உண்ணாவிரத மேடைக்கே பிரியாணியை வரவழைத்து புரட்சி செய்தது. தொடர்ந்து மொக்கைகளாக கொடுத்து வந்த விஜயகாந்துக்கு தொப்புளில் பம்பரம் விட்ட படம் வந்து கைகொடுத்தது. ஆனால் பம்பரம் சின்னம் வேறொரு கட்சிக்கு ஒதுக்கப்பட்டுவிட்டதால் கிட்டத்தட்ட அதே மாதிரி இருக்கும் சின்னம் அவருக்கு கிடைத்தது. அதே மாதிரி விஜய்க்கும் சோப்பு படம் ஓரளவுக்கு கைகொடுத்தது. அவருக்கு என்ன சின்னம் கிடைக்கும் என்று பொறுத்து இருந்து பார்க்கலாம்

கலைஞர் லேப்டாப் (சிறந்த மாணவர்களுக்கு)

2009-06-09T09:00:00.003+05:30

தோழர்களே! நீங்களே முடிவு செய்து கொள்ளுங்கள். நாட்டில் ரத்த ஆறு ஓட வேண்டுமா அல்லது கலைஞர் தலைமையில் நல்லாட்சி தொடர வேண்டுமா என்று

கல்வியில் சிறந்த மாணவர்களுக்கு தங்கள் படிப்புக்கு உதவியாக லேப்டாப் வழங்கப்படும் என்று கலைஞர் அறிவித்து உள்ளார். இதன் படி பத்தாம் வகுப்பு தேர்வில் தமிழ்வழி பயின்று சிறந்த 1000 மாணவர்களுக்கும் மற்றும் சிறந்த 1100 மாணவர்களுக்கும் லேப்டாப் வழங்கப்படும் என்று கலைஞர் அறிவித்து அதன்படி பல மாணவர்களுக்கு லேப்டாப் வழங்கப்பட்டுள்ளன

கலைஞரை எதற்கெடுத்தாலும் குறை சொல்பவர்கள் இந்த லேப்டாப் திட்டத்துக்கு என்ன சொல்ல போகிறார்கள் என்று தெரியவில்லை. அவர்களுக்காக வேண்டுமானல் ஒரு ஆலோசனை வழங்கலாம்.

பிரசாந்த் நடித்த ஒரு படத்தில் விவெக் வையாபுரிக்கு கம்ப்யூட்டர் கற்று கொடுப்பார். இவ்வளவு தான்டா கம்ப்யூட்டர், ஏதாவது சந்தேகம் இருந்தால் கேள் என்பார். அதற்கு வையாபுரி இதில் சன் டிவி வருமா என்று கேட்டு விவேக்கை அதிரச் செய்வார். அதே மாதிரி கலைஞரை விமர்சிக்கும் அதிமேதாவிகள் கலைஞர் லேப்டாப்பில் ஜெயா தொலைக்காட்சி வரவில்லை, மக்கள் தொலைக்காட்சி வரவில்லை என்று பதிவுகள் எழுதினால் கொஞ்சம் நாட்கள் இவர்கள் செய்யும் காமெடியை வைத்து ஜாலியாக பொழுது போகும்

கலைஞர் லேப்டாப்

இந்தியாவில் படித்து டாக்டர் ஆன ஒரு இலங்கை அகதி

2009-06-08T21:12:00.000+05:30

பல பதிவர்களுக்கு யாரையாவது தாக்கி எழுதுவதே பழக்கமாகிவிட்டது போல் தெரிகிறது. சொந்த சரக்கு இல்லாதவன் தான் இப்படி பிறரை தாக்கி பிழைப்பு நடத்தும் கேவலமான வேலையை செய்வான். முதலில் முதல்வர் கலைஞர் அவர்களை தாக்கி எழுதினார்கள், பின்னர் சோனியா காந்தியை மிக கேவலமாக எழுதினார்கள் தற்போது இந்தியா என்ற நாட்டை தாக்கி எழுதிவருகிறார்கள்

இந்தியா தரப்பில் எந்த தவறுமே இல்லை என்று சொல்ல வரவில்லை. இங்கே உள்நாட்டிலேயே தமிழன் பல பிரச்சினைகளுக்கு இடையே தான் வாழ்ந்து வருகிறான். முல்லைப் பெரியாறு, காவிரின், தமிழக மீனவர்கள் என்று இங்கேயே தமிழனுக்கு ஏகப்பட்ட பிரச்சினைகள். தமிழன் சந்திக்கும் பிரச்சினைகளுக்கு எல்லாம் தமிழர்களிடையே ஒற்றுமை இல்லாததே காரணம். இந்திரா காந்தி அம்மையார் படுகொலை செய்யப்பட்ட போது வட மாநிலங்களில் சீக்கியர்களை குறி வைத்து தாக்கினார்கள். ஆனால் ராஜீவ்காந்தி புலிகளால் படுகொலை செய்யப்பட்டபோது தமிழர்ளை வெளி மாநிலத்தவர் எவரும் தாக்கவில்லை. நம் சக தமிழனே புலிகளுக்கு நீ தானே ஆதரவளித்தாய் என்று உடன்பிறப்புகளை தாக்கினார்கள்

நாம் சொல்ல வருவது என்னவென்றால் எப்போதும் யாரையாவது வசைபாடியே எல்லோரையும் எதிரியாக பார்க்காதீர்கள். புலிகளுக்கு ஆதரவாக எழுதிய சில பதிவர்களையும் கூட நீங்கள் எங்கள் உணர்வுகளை புரிந்து கொள்ளாமல் எழுதுகிறீர்கள் நாய்கள், பேய்கள் என்று திட்டுகிறார்கள். இப்போதும் உங்களுக்கு எந்த உதவியும் இல்லை என்றாலும் அவர்கள் ஏதோ கொஞ்சம் ஆறுதல் வார்த்தைகளாவது எழுதுகிறார்கள்

குறிப்பாக உங்களுக்கு ஆதரவாக இயங்குவதாக காட்டிக் கொள்வதற்காக உணர்ச்சிவசப்பட்டு எழுதுவர்களிடம் எச்சரிக்கையாகவே இருங்கள். இதற்கு நல்ல உதாரனம் வைகோ தான். நன்றாக உணர்ச்சிவசப்பட்டு பேசுவார் ஆனால் அவரால் ஏதாவது பத்து பைசாவுக்கு பிரயோஜனம் இருக்கிறதா. அது மாதிரி தான் வலையில் இயங்கும் சில குள்ள நரி பதிவர்களும்

சரி இப்போது தலைப்புக்கு வருவோம். தமிழ்நாட்டு தமிழன் எப்படி பல பிரச்சினைகளுக்கு மத்தியில் வாழ்ந்து வருகிறானோ அது மாதிரி இலங்கையில் இருந்து அகதிகளாக வந்து முகாமகளி இருப்பவர்களும் சிலர் வெற்றிக் கொடி நாட்டி இருக்கிறார்கள். இவர்கள் நெடுங்காலமாகவே எம்முடன் வாழ்ந்து வருபவர்கள். இவர்களை நாங்கள் பிரித்து பார்த்ததில்லை. எம்மை போலவே பிரச்சினைகளை சமாளித்து வாழ்க்கையை நடத்தி வருபவர்கள். பிறரை பழித்து பேசி நாய் பிழைப்பு நடத்துபவர்கள் இல்லை. இது குறித்து மேலான தகவல்களுக்கு இங்கே உள்ள சுட்டியை சொடுக்கவும்

ஒரு இலங்கை அகதி...

பாமகவிலிருந்து புதுச்சேரி ராமதாஸ் திடீர் விலகல்

2009-06-06T20:59:00.001+05:30

புதுச்சேரி: புதுச்சேரி முன்னாள் பாமக எம்.பி பேராசிரியர் ராமதாஸ் திடீரென பாமகவிலிருந்தும், அரசியலை விட்டும் விலகி விட்டார். மீண்டும் பேராசிரியர் பணிக்கு அவர் திரும்பி விட்டார்.

புதுச்சேரி பல்கலைக்கழகத்தின் சமுதாயக் கல்லூரியில் பணியாற்றி வந்தவர் பேராசிரியர் ராமதாஸ். பாமக நிறுவனர் டாக்டர் ராமதாஸின் அழைப்பை ஏற்று பாமகவில் இணைந்து செயல்பட்டார்.

பாமகவின் முக்கிய கொள்கைகள் வகுத்தலில் பங்காற்றியவர் ராமதாஸ். பாமகவின் பிரபலமான மாதிரி பட்ஜெட்டுக்களை உருவாக்குவதில் முக்கியப் பங்காற்றினார்.

கடந்த லோக்சபாவில் புதுச்சேரி தொகுதியில் போட்டியிட்டு வெற்றி பெற்று எம்.பியாக செயல்பட்டு வந்தார்.

நடந்து முடிந்த லோக்சபா தேர்தலிலும் அவர் போட்டியிட்டார். ஆனால் காங்கிரஸ் வேட்பாளர் நாராயணசாமியிடம் தோல்வியுற்றார்.

இந்த நிலையில் திடீரென பாமகவை விட்டும், அரசியலை விட்டும் விலகி விட்டார் ராமதாஸ்.

இதுகுறித்து பாமக மாநில ஒருங்கிணைப்பாளர் தன்ராஜ் (இவர் கள்ளக்குறிச்சி தொகுதியில் போட்டியிட்டு தோல்வி அடைந்த முன்னாள் திண்டிவனம் எம்.பி.) கூறுகையில்,

பேராசிரியர் ராமதாஸ் குடும்ப சூழல் மற்றும் உடல்நிலை காரணமாக பா.ம.க. கட்சியின் அடிப்படை உறுப்பினர் பதவி உள்பட அனைத்து பொறுப்புகளில் இருந்தும் விலகி உள்ளார். தனது விலகல் கடிதத்தை கட்சி தலைமைக்கு அனுப்பி உள்ளார். இனி அவர் அரசியலில் ஈடுபடமாட்டார்.

எம்.பி.யாக இருந்தபோது அவர் சிறப்பான முறையில் பணிகளை செய்தார். பல்கலை கழகத்திற்கு அவரது பணி தேவைப்படுவதால் அவர் மீண்டும் அந்த பணிக்கு சென்றுள்ளார் என்று தெரிவித்துள்ளார்

செய்தி நன்றி: தட்ஸ்தமிழ்

கலைஞர் பிறந்தநாள் விழா கொண்டாட்டம்

2009-06-06T09:00:00.003+05:30

செய்திக்கு இங்கே சுட்டவும்

நாட்டிலேயே சிறந்த மாநிலம் தமிழகம்-நிதிக் கமிஷன்

2009-06-05T19:12:00.002+05:30

சென்னை: இந்தியாவிலேயே மிக வேகமான வளர்ச்சி அடைந்து வரும் மாநிலம் தமிழகம் தான் என்று மத்திய நிதி கமிஷன் தலைவர் விஜய் கேல்கர் கூறியுள்ளார்.

மத்திய வரி வருவாயை பகிர்ந்து கொள்வது தொடர்பாக முதல்வர் கருணாநிதி மற்றும் அதிகாரிகளுடன் ஆலோசனை நடத்திய பின் விஜய் கேல்கர் நிருபர்களிடம் கூறுகையில்,

தமிழ்நாடுதான் இந்தியாவிலேயே மிக வேகமான வளர்ச்சி அடைந்து வரும் மாநிலமாக விளங்குகிறது.

2007-08ம் ஆண்டில், தேசிய அளவில் மொத்த உள்நாட்டு உற்பத்தியில் தனி நபரின் பங்களிப்பு ரூ.27,502 ஆக இருந்தது. ஆனால் தமிழகத்தில் இது ரூ.32,080 ஆக இருந்தது. இது மிகச் சிறப்பான சாதனையாகும்.

தமிழகத்தில் மனிதவள மேம்பாட்டு குறியீடுகள் சிறப்பாக உள்ளன. கல்வியறிவும் அதிகமாக உள்ளது. குழந்தை இறப்பு வீதமும் குறைந்துள்ளது. மேலும், தமிழகத்தில் மக்கள் தொகை வளர்ச்சி விகிதமும் மிகக் குறைவாக உள்ளது.

ஏழை மக்களுக்கான சமூகப் பாதுகாப்பு திட்டங்களும் சிறப்பாக உள்ளன.

தமிழகத்தில் 2007-08ம் ஆண்டு வரி அல்லாத வருவாய் ரூ.3,304 கோடியாக இருந்தது. இது 2008-09ம் நிதியாண்டில் ரூ.5,645 கோடியாக அதிகரித்துள்ளது. இது, அரசு நிலங்களை தொழில் நிறுவனங்களுக்கு நீண்ட கால குத்தகை விடுவது என்ற தைரியமான முடிவால் கிடைத்த லாபமாகும். இதை மற்ற மாநிலங்களும் பின்பற்றுமாறு பரிந்துரைப்போம்.

சாலை, மேம்பாலம், குடிநீர் வினியோகம் மற்றும் சுகாதாரத் திட்டங்களிலும் தமிழகம் சிறந்து விளங்கி வருகிறது. தமிழகத்தில் மின்வாரிய செயல்பாடும் சிறப்பாக உள்ளது. அதில் உள்ள சில பிரச்சினைகளை தீர்ந்து விட்டால், மின்துறையில் தமிழகம் மற்ற மாநிலங்களுக்கு முன்மாதிரியாக விளங்கும்.

நகர்ப்பகுதி குடியேற்றம் இந்தியாவிலேயே தமிழகத்தில்தான் மிக அதிகமாக உள்ளது. 2001ல் 44 சதவீதமாக இருந்த நகர்ப்புற குடியேற்றம் 2010ல் 54 சதவீதமாக அதிகரிக்கும்.

அதே போல தேசிய ஊரக வேலைவாய்ப்புத் திட்டம் இந்த மாநிலத்தில் மிகச் சிறப்பாக அமல்படுத்தப்பட்டிருக்கிறது. இத் திட்டத்தின்கீழ், நாட்டின் 22 சிறந்த மாவட்டங்களில் தமிழகத்தில் 3 மாவட்டங்கள் தேர்ந்தெடுக்கப்பட்டு்ள்ளன.

தமிழ்நாடு எப்போதுமே மற்ற மாநிலங்கள் பின்பற்றத்தக்க வகையில், முன்னோடி மாநிலமாக திகழ்ந்து வருவது கவனிக்கத்த்ககது.

மத்திய வரி வருவாயில் இருந்து ரூ.25,000 கோடி நிதியை வழங்க வேண்டும் என்றும் தமிழகம் கோரியுள்ளது. அதை கவனமாக பரிசீலிப்போம்.

இந்த சிறப்பான வெற்றிகளை ஈட்டியுள் தமிழக அரசுக்கு பாராட்டுகள் என்றார்

செய்தி நன்றி: தட்ஸ்தமிழ்

தமிழினத் தலைவர் வாழ்க!

2009-06-05T14:16:00.000+05:30

மத்திய வரி வருவாயை பகிர்ந்து கொள்வது தொடர்பாக முதல்வர் கருணாநிதி மற்றும் அதிகாரிகளுடன் ஆலோசனை நடத்திய பின் விஜய் கேல்கர் நிருபர்களிடம் கூறுகையில்,

தமிழ்நாடுதான் இந்தியாவிலேயே மிக வேகமான வளர்ச்சி அடைந்து வரும் மாநிலமாக விளங்குகிறது.

2007-08ம் ஆண்டில், தேசிய அளவில் மொத்த உள்நாட்டு உற்பத்தியில் தனி நபரின் பங்களிப்பு ரூ.27,502 ஆக இருந்தது. ஆனால் தமிழகத்தில் இது ரூ.32,080 ஆக இருந்தது. இது மிகச் சிறப்பான சாதனையாகும்.

தமிழகத்தில் மனிதவள மேம்பாட்டு குறியீடுகள் சிறப்பாக உள்ளன. கல்வியறிவும் அதிகமாக உள்ளது. குழந்தை இறப்பு வீதமும் குறைந்துள்ளது. மேலும், தமிழகத்தில் மக்கள் தொகை வளர்ச்சி விகிதமும் மிகக் குறைவாக உள்ளது.

ஏழை மக்களுக்கான சமூகப் பாதுகாப்பு திட்டங்களும் சிறப்பாக உள்ளன.

தமிழகத்தில் 2007-08ம் ஆண்டு வரி அல்லாத வருவாய் ரூ.3,304 கோடியாக இருந்தது. இது 2008-09ம் நிதியாண்டில் ரூ.5,645 கோடியாக அதிகரித்துள்ளது. இது, அரசு நிலங்களை தொழில் நிறுவனங்களுக்கு நீண்ட கால குத்தகை விடுவது என்ற தைரியமான முடிவால் கிடைத்த லாபமாகும். இதை மற்ற மாநிலங்களும் பின்பற்றுமாறு பரிந்துரைப்போம்.

சாலை, மேம்பாலம், குடிநீர் வினியோகம் மற்றும் சுகாதாரத் திட்டங்களிலும் தமிழகம் சிறந்து விளங்கி வருகிறது. தமிழகத்தில் மின்வாரிய செயல்பாடும் சிறப்பாக உள்ளது. அதில் உள்ள சில பிரச்சினைகளை தீர்ந்து விட்டால், மின்துறையில் தமிழகம் மற்ற மாநிலங்களுக்கு முன்மாதிரியாக விளங்கும்.

நகர்ப்பகுதி குடியேற்றம் இந்தியாவிலேயே தமிழகத்தில்தான் மிக அதிகமாக உள்ளது. 2001ல் 44 சதவீதமாக இருந்த நகர்ப்புற குடியேற்றம் 2010ல் 54 சதவீதமாக அதிகரிக்கும்.

அதே போல தேசிய ஊரக வேலைவாய்ப்புத் திட்டம் இந்த மாநிலத்தில் மிகச் சிறப்பாக அமல்படுத்தப்பட்டிருக்கிறது. இத் திட்டத்தின்கீழ், நாட்டின் 22 சிறந்த மாவட்டங்களில் தமிழகத்தில் 3 மாவட்டங்கள் தேர்ந்தெடுக்கப்பட்டு்ள்ளன.

தமிழ்நாடு எப்போதுமே மற்ற மாநிலங்கள் பின்பற்றத்தக்க வகையில், முன்னோடி மாநிலமாக திகழ்ந்து வருவது கவனிக்கத்த்ககது.

மத்திய வரி வருவாயில் இருந்து ரூ.25,000 கோடி நிதியை வழங்க வேண்டும் என்றும் தமிழகம் கோரியுள்ளது. அதை கவனமாக பரிசீலிப்போம்.

இந்த சிறப்பான வெற்றிகளை ஈட்டியுள் தமிழக அரசுக்கு பாராட்டுகள் என்றார்.

(நன்றி : தட்ஸ்தமிழ்)

கலைஞர் பிறந்தநாள் கொண்டாட்டங்கள்

2009-06-03T15:52:00.004+05:30

சட்டமன்றத்தில் கலைஞர்!

2009-06-03T12:50:00.002+05:30

குளித்தலை தொகுதி வேட்பாளராக 1957-ல் ஜெயித்து தமிழக சட்டசபையில் நுழைந்த கலைஞர் கருணாநிதிக்கு இந்த ஆண்டு சட்டசபையில் அவரது பொன்விழா ஆண்டு. இந்த 50 ஆண்டுகளில், சட்டசபையில் கருணாநிதி உதிர்த்த நகைச்சுவை முத்துக்கள் பலப் பல. அவற்றில் சில முத்துக்கள் மலரும் நினைவுகளாக இங்கே..!

பீர் முகம்மது: "விவசாயக் கூலிகளுக்குக் கருத்தடை ஆபரேஷன்கள் அதிக அளவில் செய்யப்படுகிறது. இதனால் விவசாயிகள் எண்ணிக்கை குறைந்துவிடும் ஆபத்து இருக்கிறது. அரசு இதை உடனடியாகத் தடை செய்ய வேண்டும்!"

கருணாநிதி: "கருத்தடை செய்துகொள்ள வேண்டும் என்று அரசு யாரையும் கட்டாயப்படுத்தவில்லை. பீர் முகம்மது கூட அவரது தந்தைக்கு 33&வது பிள்ளை என்பதைத் தெரிவித்துக்கொள்கிறேன்." (8.3.68)

**

கே.விநாயகம்: "மெரீனா கடற்கரையின் ஒரு பகுதியில் லவ்வர்ஸ் பார்க் இருக்கிறது. அங்கு மற்றவர்கள் நுழையாமல், காதலர்கள் சுதந்திரமாக இருக்கும் நிலையை அரசு ஏற்படுத்தித் தருமா?"

கருணாநிதி: "இந்த விஷயத்தில் விநாயகத்துக்கு எந்த இடைஞ்சலும் இல்லாமல் பார்த்துக்கொள்ளப்படும்." (14.3.69)

**

ஜேம்ஸ்: "மத்திய மாநில அரசுகளுக்கு இடையே அதிகாரங்களைப் பகிர்ந்துகொள்வது பற்றி ஆராய அமைக்கப்பட்டு இருக்கும் ராஜமன்னார் குழு, 'ஒன் சைடெட் லவ்' போலத் தான் இருக்கிறது."

கருணாநிதி: "ஒன் சைடெட் லவ்வின் கஷ்ட நஷ்டங்களை நான் கண்டதில்லை!" (26.2.70)

**

அப்துல் லத்தீப்: "கூவம் ஆற்றில் முதலைகள் இருப்பதாகச் செய்திகள் வருகின்றன. அதனால், அங்கே அசுத்தம் குறைக்கப்பட்டு இருக்கிறது. அசுத்தத்தைப் போக்க கூவம் ஆற்றில் அரசு முதலைகள் விடுவது பற்றி ஆலோசிக்குமா?"

கருணாநிதி: "ஏற்கெனவே அரசாங்கம் ஒரு கோடி ரூபாய்க்கு மேல் 'முதலை' கூவம் ஆற்றில் போட்டு இருக்கிறது." (8.12.71)

**

கோவை செழியன்: "ஆண்டவன் எல்லோருக்கும் சொந்தம். ஆகவே, கோயில்களை எல்லாம் தேசியமயமாக்கிவிட்டால் பிரச்னை இருக்காது அல்லவா?"

கருணாநிதி: "ஆண்டவர்களை தேசிய உடைமையாக்கும் உத்தேசம் இல்லை. ஆண்டவன்தான் அனைவரையும் தேசிய மயமாக்கி ரட்சிக்க வேண்டும்!" (18.12.71)

**

காமாட்சி: "மதுரை மீனாட்சிக்கு வைரக் கிரீடம், வைர அட்டிகை... இன்னும் இருக்கிற பல நகைகளின் மொத்த மதிப்பு எவ்வளவு?"

கருணாநிதி: "மீனாட்சிக்கு இருக்கிற சொத்தின் மதிப்பைச் சொன் னால், காமாட்சிக்குப் பொறாமை ஏற்படுமே!" (14.3.73)

**

கருணாநிதி: "நாங்கள் விலைவாசி போராட்டத்தில் ஈடுபட்டோம். அதுவும் ஒரு நாள் அடையாள மறியல்தான் செய்தோம். அதற்கே எங்களைப் பிடித்துக் காங்கிரஸ் காரர்கள் மூன்று மாதம் ஜெயிலில் போட்டுவிட்டார்கள்."

அனந்தநாயகி: "அப்படிப் போட்டதால்தான் நீங்கள் இன்றைக்கு இங்கே வந்து உட்கார்ந் திருக்கிறீர்கள்!"

கருணாநிதி: "அதனால்தான் நாங்கள் இப்போது அப்படிச் செய்யவில்லை. சிறைக்கு வந்த அன்றைக்கே விடுதலை செய்து விடுகிறோம்." (23.3.73)

**

சோனையா: "தமிழ்நாட்டில் ஆபாசப் படங்களை, புத்தகங்களை வெளியிட்டதற்காக எத்தனை பேர் மீது வழக்கு போடப்பட்டு இருக் கிறது... தண்டிக்கப்பட்டவர்கள் யார் என்பதை அறிய விரும்புகிறேன்."

கருணாநிதி: "பல பேர் மீது வழக்கு போடப்பட்டு இருக்கிறது. ஆனால், அந்த விவரங்களைக் கூறி, உறுப்பினர்களிடையே அவற்றை வாங்கிப் படிக்க வேண்டுமென்ற ஆர்வத்தைத் தூண்ட நான் விரும்ப வில்லை." (27.3.73)

**

பி.ஹெச்.பாண்டியன்: "புலி பசித் தாலும் புல்லைத் தின்னாது!"

கருணாநிதி: "புல் என்பது புல்லா, bullலா?" (16.2.1989)

**

பி.ஹெச்.பாண்டியன்: "ஹை கோர்ட்டில் நீதிபதிகள் என்றைக்கு ஓய்வு பெறுகிறார்கள் என்ற செய்தியை ஓர் ஆண்டுக்கு முன்பே வாங்கி விட்டால், வழக்குகள் தேங்காது. இதற்கு முதல்வர் என்ன சொல் கிறார்?"

கருணாநிதி: " 'காலி'கள் ஏற்படாமல் தடுப்பதற்குப் பாண்டியன் சொன்னது நல்ல யோசனைதான்!" (7.4.89)

**

ஆர்.சிங்காரம்: "இந்த சட்டமன்றத்தில் நிலைய வித்வான்கள் சிலர் இருக்கிறார்கள். அவர்கள்தான் எப்போது பார்த்தாலும் வாசித்துக் கொண்டே இருக்கிறார்கள். இது நியாயம்தானா? புதிய வித்வான் களுக்கு வாய்ப்பு தர வேண்டாமா? நாங்கள் எல்லாம் புதிய வித்வான் கள்!"

கருணாநிதி: "நான் ஏறத்தாழ 25 ஆண்டுகளாக இங்கே இருக்கிறேன். நானும் பழைய நிலைய வித்வான் தானா? நான் வாசிக்கலாமா, கூடாதா?" (4.5.89)

**

நூர்முகம்மது: "கன்னியாகுமரி மக்களின் கோரிக்கைப்படி முதல் வருடைய கருணை கொண்ட கடைக்கண் பார்வை குமரியின் மீது திருப்பப்பட்டு, அம் மக்களின் குறை தீர்க்கும் வகையில் தொழிற் சாலையை அமைக்க, முதல்வர் முன் வருவாரா?"

கருணாநிதி: "குமரியின் மீது கடைக்கண் பார்வை வைக்கின்ற அளவுக்கு எனக்கு வயது இல்லை இப்போது!" (6.5.89)

**

பி.வி.ராஜேந்திரன்: "உப்பு உற்பத்தி மரணப் படுக்கையில் கிடக்கிறது. மரணமே அடைந்து, அது சவப்பெட்டிக்குள் சென்று கொண்டு இருப்பதை உணர்கிறீர்களா?"

கருணாநிதி: "தேர்தல் அறிக்கையில் சொன்னது எல்லாம் சவப்பெட்டிக்குள் போய்விட்டதா என்று கேட்கிறார்கள். சவப்பெட்டிக்குள் போனாலும் அது அழுகாமல் இருக்க, அதற்கும் உப்புதான் தேவை!" (20.1.90)

**

ரகுமான்கான்: "இந்திரா காந்தியைக் கொலை செய்ய முயற்சித்ததாகப் பொய் வழக்கு போட்டார்கள். கலைஞர், பேராசிரியர் போன்றவர்கள் எல்லாம் கூட ஜாமீனில்தான் இருக்கிறார்கள்!"

கருணாநிதி: "தவறான தகவல்! என்னையும் பேராசிரியரையும் அந்த வழக்கில் விடுதலை செய்துவிட்டார்கள். இவர்தான் விடுதலை செய்ய மறுக்கிறார்." (9.4.90)

**

வி.பி.துரைசாமி: "ஆஞ்சநேயர் கோயிலில் அசையும் சொத்து எவ்வளவு? அசையா சொத்து எவ்வளவு?"

கருணாநிதி: "அசையும் சொத்து, அங்கே வந்து போகும் பக்தர்கள். அசையா சொத்து ஆஞ்சநேயர்!" (24.4.90)

**

குமரி அனந்தன்: "நான் தொலைபேசியில் பேசியபோது, டிராக் நம்பர் செவன் என்று குரல் வருகிறது. இப்படி ஒரு குரல் வந்ததுமே எனக்கு ஐயப் பாடு..."

கருணாநிதி: "குமரி அனந்தனுக்கு அப்படியரு கர்ண கடூரமான வார்த்தை காதிலே விழுந்திருக்கிறது. சில நேரங்களில் காதல் வசனங்கள்கூட கிராஸ் டாக்கிலே கேட்கலாம். அதையும் முயற்சித்துப் பாருங்கள்." (7.5.90)

**
தொகுப்பு : எம். பரக்கத் அலி
நன்றி : ஜூனியர் விகடன்

ஆயிரம் பிறைகண்ட அகன்ற வானமே!

2009-06-03T11:51:00.003+05:30

ஆயிரம் பிறைகண்ட அகன்ற வானமே!
காது கொடுத்துக் கேள் தம்பி என்றன்
கருணாநிதி எனும் அரிய கழகத்தம்பி!
ஏதுமறியாத்தமிழர் தூய வாழ்வை
எனக்குப்பின் சீர்படுத்தும் மறவன் நீதான்
என்று அறிஞர் அண்ணா எழுதிவைத்த உயிலைச்
சட்ட வடிவமாக்கிய தானைத் தலைவா!

சாதனையால் களம் அமைத்து
சரித்திரத்தை வடிவமைத்து
எழுத்தால் அணிவகுத்து
உடன்பிறப்புக்களை
இதயத்தால் ஒருங்கிணைத்து,
ஏக்கப்பாட்டுகளை எதிரிகள் பாடிட
வாக்குச்சீட்டுகளால் வாகை சூடியவர்
தலைவர் கலைஞர்!

உங்கள் எழுதுகோல்
உங்களின் விமர்சகர்களுக்குப்
பூஜ்யம் தந்தது
உன் நிழலை நம்பியவர்களுக்கு
ராஜ்ஜியம் தந்தது!

சூறாவளிப் பிரச்சாரப் புயல்களை எல்லாம்
தன் ஒற்றைப் பெருமூச்சால் காணாமல்
போகச் செய்த ஐந்தமிழே!
பாய்ந்து வந்த விமர்சனக் கணைகளை எல்லாம்
வெற்றிமாலையாக்கித் தோளில் சூடிய சூரியச் சுடரொளியே!

சாதாரணக் கண்களுக்குத்தான்
அது சக்கரம் வைத்த நாற்காலி,
சரித்திரத்திற்குத் தெரியும் அது,
அசோகச் சக்கரத்தின் உயிர்நாடி என்று!

மருத்துவர்களின் ஊசிகளைக் காட்டிலும்
மாற்றணிக்காரர்களின் வார்த்தைகள் தாம் அதிகம்
தைத்தன அதிகமாய் உன் தளர்மேனியை!
அதனால்-வெற்றியை மருந்தாக்கி, வேதனையைத்
தணித்தார், தமிழகத்தின் துணை முதல்வர்

ஓய்வென்ற சொல்லையே
உச்சரித்தறியாத தானைத் தலைவரே!
“வியூகத்திற்குள் மாட்டிக் கொண்ட
அபிமன்யு” எனக் கழகத்தைச்
சொல்லின் கணிப்புகள்
எண்ணிக்கை விளையாட்டில்
இறுதியிடம் என்று எழுதித் தீர்த்தன பேனா முனைகள்!

கணிப்பாளர்களின் கண்களுக்குத் தொகுதி
மட்டுந்தான் தெரிந்தது, தமிழனத் தலைவா!
உன் கண்களுக்குத் தான்
தமிழனின் இதயப்பகுதி புரிந்தது!
மாற்று அணியினர் அறிவார்களா? நீங்கள்
மக்களின் மனத்தைப் படிப்பதில்
பல்கலைக் கழகம் என்பதை!

தேர்தலுக்காக நடிக்கும் மனிதர்களிடையே
தீர்வுகளுக்காகத் துடிக்கும் உன்னதத் தலைவரே!
எதிராளியின் இருட்டு முகாம்களிலும்
கண்ணிய விளக்கேற்றி வைக்கும்
கன்னித் தமிழே!

இயக்கத்தில் கோளாறை வைத்துக் கொண்டு
இயந்திரக் கோளாறு பற்றிப் பேசும்
மனிதர்களுக்கும் நீ மன்னிப்பை வழங்குகிறாய்...
ஏழைகளின் வயிற்றில் தீயாய் நின்ற பசியை
அமுதசுரபியால் அணைத்த
நம்பிக்கை நட்சத்திரமே!

மனிதகுல வரலாற்றின்
மகத்தான் முன்னுரையே!
இந்தியாவின் இதயத்தில்
எழுந்துநிற்கும் வியப்புக்குறியே!
பல்லாண்டுப்பல்லாண்டுப் பல்லாயிரத்தாண்டு
பலகோடி நூறாயிரம் ஆண்டுகள் நீங்கள் வாழவேண்டும்!
உங்கள் அரவணைப்பில் நாடு வாழவேண்டும்!

- மாண்புமிகு மத்திய அமைச்சர் ஜெகத்ரட்சகன்

தமிழ்மணம் மாற்றத்துக்கு லக்கிலுக் காரணமா?

2009-06-02T02:58:00.004+05:30

இந்த இடுகை லக்கிலுக் புகழ்பாடுவதாக யாராவது அசெளகரியப்பட்டால் தயவுசெய்து முதலில் இந்த இடுகையை வாசித்துவிட்டு வரவும்
தமிழ்மண மகுடம் - ஜனநாயகத்துக்கு எதிரான மண்குடம்!

இன்று தமிழ்மணம் பல மாற்றங்களை அடைந்து நிஜமாகவே மணம் வீசுவதாக சிலர் மெய்சிலிர்க்கிறார்கள். இன்று தமிழ்மணம் செய்து இருக்கும் மாற்றங்களை ஆறு மாதங்களுக்கு முன்பாகவே லக்கிலுக் தன் இடுகையில் ஆலோசனைகளாக வழங்கி இருக்கிறார். தமிழ்மணம் மகுடம் பகுதியில் இடம் பெற உதவும் வாக்கெடுப்பு முறை மற்றும் சூடான இடுகைகள் குறித்த அவருடைய கருத்துக்களை வரிக்கு வரி அப்படியே பின்பற்றி இன்று புதுப்பொலிவுடன் காட்சி அளிக்கிறது தமிழ்மணம்

தலைப்பை மட்டும் ஏடாகூடமாக வைத்து கொண்டு உள்ளே வாந்தி எடுக்கும் இடுகைகளை எழுதுபவர்களுக்கும், உள்ளே மேட்டரே இல்லாமல் தலைப்பில் சூ என்ற ஒற்றை எழுத்தில் ஆரம்பிக்கும் வார்த்தைகளை வைத்து காலம் தள்ளியவர்களுக்கும் ஆப்பு பலமாக வைக்கப்படுள்ளது. அதுவும் நேற்று சோனியா காந்தி அவர்களை பற்றிய இடுகை அருவருப்பின் உச்சகட்டம். தமிழ்மணத்தின் இந்த மாற்றமாவது அவர்களை திருத்துமா என்று காலம் தான் சொல்ல வேண்டும்

இங்கே இணைக்கப்பட்டுள்ள படத்தை வைத்து தினமணி பத்திரிக்கை வக்கிரமான கமெண்டுகளை வெளியிட்டதாக நண்பட் ஒருவர் கவலை தெரிவித்து இருந்தார். செயேந்திரர் குறித்து கூட ஏடாகூடமான செய்திகள் வந்தன அப்போது தினமணி இதே மாதிரி வக்கிரமான கமெண்டுகளை வெளியிட்டு இருந்தால் மிகவும் பொருத்தமாக இருந்திருக்கும்

அஞ்சாநெஞ்சனை மறக்கமாட்டோம்!

2009-06-01T14:48:00.003+05:30

சென்னை, வண்ணாரப்பேட்டை பெஸ்ட் பிரண்ட்ஸ் நிறுவனம் சார்பில் ஆண்டு தோறும் கோடை விடுமுறை நாட்களில் இந்தியா முழுவதும் டூர் செல்வது வழக்கம். அதே போல 25 வது முறையாக இந்த ஆண்டும் சுற்றுலா செல்ல முடிவு செய்தனர்.

140 பேர் 3 பிரிவுகளாக ரயிலில் டிக்கெட் எடுத்தனர். 20-ந் தேதி டெல்லி சென்றனர். 23-ந் தேதி ஆக்ராவை சுற்றி பார்த்தனர். 24-ந் தேதி அரித்துவார் சென்றனர். 25-ந் தேதி காஷ்மீர் சென்று அங்கு 4 நாட்கள் தங்கி மலை பிரதேசங்களை கண்டுகளித்தனர்.

காஷ்மீரில் அனைத்து இடங்களையும் பார்த்து விட்டு 29-ந் தேதி காஷ்மீரில் இருந்து 12.25 மணிக்கு விமானம் மூலம் டெல்லி சென்று அங்கிருந்து 6.45 மணிக்கு புறப்படும் ஜி.டி. எக்ஸ்பிரஸ் ரயில் மூலம் சென்னை வருவதற்கு டிக்கெட் பதிவு செய்திருந்தனர்.

ஆனால் விமானம் 12.25 மணிக்கு புறப்படாமல் மாலை 4 மணிக்கு புறப்பட்டு இரவு 7 மணிக்குத்தான் டெல்லி வந்தடைந்தது. இதனால் சுற்றுலா பயணிகள் ரயிலைப் பிடிக்க முடியாமல் போனது.

ஆவேசமும், ஆத்திரமும் அடைந்த பயணிகள் விமானத்தை விட்டு இறங்காமல் போராட்டம் செய்தனர். உடனே விமான அதிகாரிகள் வேண்டிய எல்லா ஏற்பாடுகளையும் செய்து தருவதாக உறுதியளித்துள்ளனர்.

இதனை நம்பிய பயணிகள் விமானத்தை விட்டு கீழே இறங்கி உள்ளனர். ஆனால் அதிகாரிகள் எதுவும் செய்யாமல் அப்படியே நழுவி விட்டனர். இதனால் பயணிகள் விமான நிலையத்தில் இருக்க இடம் இல்லாமல் குடிக்க தண்ணீர் இல்லாமலும், முதியவர்களும், குழந்தைகளும் தவித்துள்ளனர். உடனே சுற்றுலா பயணிகள் தமிழ் பத்திரிகையாளர்களை தொடர்பு கொண்டுள்ளனர். அவர்கள் விரைந்து வந்து அவர்களுக்கு ஆறுதல் கூறினார்கள்.

இந்த நிலையில்தான் மத்திய அமைச்சர் மு.க.அழகிரி டெல்லி வரும் தகவல் அவர்களுக்குக் கிடைத்தது.

இதையடுத்து அழகிரியைப் பார்த்து சொன்னால் விமோச்சனம் கிடைக்கும் என்று நம்பி அவரது வருகைக்காக காத்திருந்தனர். இரவு 11.45 மணிக்கு மு.க. அழகிரி டெல்லி வந்தார்.

மத்திய அமைச்சரான பின்னர் அவர் டெல்லி வந்தது அதுதான் முதல் முறை. அவரைப் பார்த்த சென்னை பயணிகள், கண்ணீருடன் நடந்த விபரத்தை கூறி உள்ளனர்.

அவர்களை அமைதிப்படுத்தி ஆறுதல் கூறினார் அழகிரி. பின்னர் அவர்களில் ஒருவரின் செல்போன் எண்ணை வாங்கிக் கொண்டார். இங்கேயே இருங்கள் பத்து நிமிடத்தில் நானே போன் செய்கிறேன் என்று கூறி விட்டு கிளம்பினார்.

சொன்னது போலவே பத்து நிமிடத்தில் போன் செய்த அழகிரி, 2 பஸ்களை அனுப்பியுள்ளேன். அதில் ஏறி தமிழ்நாடு இல்லம் வந்து சேருங்கள் என்று தெரிவித்தார்.

மலர்ச்சி அடைந்த பயணிகள் பஸ்களில் ஏறி தமிழ்நாடு இல்லம் சென்றனர். அங்கு மு.க.அழகிரி அவர்களை வரவேற்று எம்.பி.க்கள் தங்கும் 13 அறைகளை ஒதுக்கி அங்கு போய் தங்குங்கள் என்று பயணிகளை கேட்டுக் கொண்டார்.

அத்தோடு நில்லாமல், அதிகாலை 3.45 மணிக்கு அட்டகாசமான சாப்பாடு, காபி போன்றவற்றை வழங்கினார். பின்னர் அரசு அதிகாரி ஒருவரை அங்கேயே தங்கி, சென்னை பயணிகளுக்குத் தேவையானதை செய்யுமாறு உத்தரவிட்டார்.

பிறகு ரயில்வே அமைச்சர் மம்தா பானர்ஜியை தொடர்பு கொண்டு, சென்னை பயணிகளின் நிலையைக் கூறி, அவர்களுக்காக தனிப் பெட்டி ஒன்றை தமிழ்நாடு செல்லும் ரயில் ஒன்றில் இணைத்து அனுப்ப உதவ வேண்டும் என்று கோரிக்கை விடுத்தார்.

மம்தாவும் அதை ஏற்று அன்று தமிழ்நாடு செல்லும் தமிழ்நாடு எக்ஸ்பிரஸ் ரயிலில் தனிப் பெட்டியை இணைக்க ரயில்வே அதிகாரிகளுக்கு உத்தரவிட்டார். இதையடுத்து சென்னை பயணிகள் அந்த தனிப் பெட்டியில் ஏறி சென்னை வந்து சேர்ந்தனர்.

புறப்படும் முன்பு மு.க.அழகிரியை தமிழக பயணிகள் சந்தித்து கண்ணீர் மல்க பூங்கொத்து, பொன்னாடை வழங்கி நன்றி தெரிவித்தனர். நீங்கள் மட்டும் இல்லாவிட்டால் எங்கள் கதி என்ன ஆயிருக்கும் என்றே தெரியவில்லை இந்த உதவியை என்றும் மறக்க மாட்டோம் என்று கூறிவிட்டு விடை பெற்றனர்.

இன்று காலை 7.45 மணிக்கு தமிழ்நாடு எக்ஸ்பிரஸ் ரயில் சென்னை வந்து சேர்ந்தது. பயணிகளை உறவினர்கள் ஆனந்த கண்ணீருடன் வரவேற்றனர்.

சுற்றுலா பயணிகளில் ஒருவரான கோவில்பட்டியைச் சேர்ந்த ஜெயராமன் கூறுகையில், நாங்கள் குழந்தைகளுடன் டெல்லி விமான நிலையத்தில் தவித்துக்கொண்டிருந்தோம். அப்போது கடவுள் போல மு.க. அழகிரி வந்தார். நாங்கள் அவரிடம் எங்கள் நிலை மையை கூறினோம்.

உடனே அவர் எங்களிடம் முதலில் நீங்கள் சாப்பிட்டீர்களா மிகவும் அன்போடு விசாரித்து, கவலைப்படாதீர்கள் நான் இருக்கிறேன் என்று கூறி 2 பஸ் மூலம் எம்.பி.க்கள் தங்கும் விடுதிக்கு அழைத்து சென்று 13 அறைகளை ஒதுக்கி தங்க வைத்து, சாப்பாடு, காப்பி என அனைத்து வசதிகளையும் செய்து தந்தார். மு.க.அழகிரியின் மனிதாபிமானத்தை எங்கள் வாழ்நாளில் மறக்கவே மாட்டோம் என்றார்.

அனிதா என்பவர் கூறுகையில், நாங்கள் பாஷை தெரியாமல் தவித்துக் கொண்டிருந்தோம். சாப்பாடும், தண்ணீரும் இல்லாமல் குழந்தைகள் தவித்துக் கொண்டிருந்தன. அப்போது மத்திய அமைச்சர் மு.க.அழகிரி வருவதாக கூறினர்.

நாங்கள் அவர் வருகையை எதிர்பார்த்து கொண்டிருந்தோம். இரவு 11.45 மணிக்கு வந்தார். உடனே அவரை சந்தித்து எங்கள் நிலைமையை எடுத்து கூறினோம். அவர் உடனே எங்களுக்கு வேண்டிய அனைத்து வசதிகளையும் செய்து எங்களை பத்திரமாக சென்னைக்கு அனுப்பி வைத்தார். அவருக்கு எங்கள் வாழ்நாள் முழுவதும் மு.க. அழகிரிக்கு நன்றி சொல்ல கடமைப்பட்டிருக்கிறோம்.

இன்று காலை 7.50 மணிக்கு எங்களை தொடர்பு கொண்டு பத்திரமாக ஊர் போய் சேர்ந்தீர்களா என்றும் விசாரித்தார் என்றார்.

(நன்றி : தட்ஸ்தமிழ்)

தோல்வியால் சோர்ந்துவிடாதீர்கள் எதிரிகளே

2009-05-29T17:39:00.003+05:30

நேற்று திருமண விழா ஒன்றில் பேசிய கலைஞர் அவர்கள் ஆரியர் - திராவிட போராட்டம் பற்றி பேசிவிட்டாராம் உடனே பொங்கி எழுந்துவிட்டார்கள் வலையுலக நடுநிலைவாதிகள். நடுநிலைவாதிகள் என்றால் கலைஞரை மட்டும் விமர்சிக்க வேண்டும் என்று விதி இருக்கிறது போலும். கலைஞரின் பேச்சில் குற்றம் மட்டுமே கண்டுபிடிப்பார்கள் என்பதற்கு இதைவிட வேறு சிறந்த உதாரணம் தேவை இல்லை.

கலைஞரின் பேச்சில் முதல் வரியிலேயே அவர் சொன்னது தோல்வியால் துவண்டுவிடாதீர்கள் எதிரிகளே எங்களை தொடர்ந்து விமர்சித்து கொண்டே இருங்கள் என்று சொன்னார். அப்படி சொன்னதோடு நிற்காமல் எதிரிகளுக்கு தேவையான பாயிண்டுகளையும் அவரே எடுத்து கொடுத்து இருக்கிறார். அது தான் ஆரியர் - திராவிட போராட்டம். கலைஞர் சொன்னது போலவே விமர்சிக்க ஆரம்பித்துவிட்டார்கள் எதிரிகள். கலைஞரை பின்பற்றுவதில் உடன்பிறப்புகளையும் மிஞ்சிவிட்டார்கள்

யார் ஒருவர் தன் தாளங்களுக்கு ஏற்ப மற்றவர்களை ஆட்டுவிக்கிறாரோ அவரே உண்மையாண தலைவர். அந்த வகையில் எதிரிகளின் நாடித் துடிப்பை மிக துல்லியமாக அறிந்து வைத்து இருக்கிறார் கலைஞர். சோர்ந்துவிடாதீர்கள் எதிரிகளே

இதுவும் டைம்ஸில் வந்த கார்ட்டூன் தான்

2009-05-27T18:49:00.003+05:30

சிலர் கலைஞர் மீது சேறு பூசுவதை தங்கள் முழு நேர தொழிலாக கொண்டு இயங்குகிறார்கள். அவர்கள் பூசுவதற்கு கைகளில் சேறு எடுக்கும் போது முதலில் அசுத்தமாவது அவர்கள் கைகள் தான் என்பதை மறந்துவிடுகிறார்கள்

சின்ன ஐயாவும் - பிரபல பதிவரும்

2009-05-26T08:57:00.002+05:30

நம்முடைய கருத்துக்களும் வாதங்களும் எவ்வளவு தான் நேர்மையானதாகவும் நியாயமானதாகவும் இருந்தாலும் தேவையற்ற பொருத்தமற்ற வார்த்தைகளால் வலுவிழந்து வீரியமிழந்து விழலுக்கிறைத்த நீராகிவிடும் என்ற ஆதங்கத்தில் எழுதியது தான் இந்த இடுகை

எதிரணி தலைவர்கள் எல்லோரையும் விமர்சிக்கிறீர்கள் ஆனால் சின்ன ஐயாவை மட்டும் கண்டுகொள்ளாமல் சைலண்டாக இருக்கிறீர்கள் என்று கேட்ட தோழருக்காக சின்ன ஐயா ஸ்பெஷல். சின்ன ஐயா மீது எனக்கு ஓரளவு மதிப்பு இருந்தது உண்மைதான். டாக்டர் ஐயா தன் கொள்கைப்படி இந்த தேர்தலுக்கும் கூட்டணி தாவ முடிவு செய்த போது நம்ம சின்ன ஐயா நல்லா தான போயிட்டிருக்கு, இங்கேயே செட்டில் ஆகிவிடலாம் என்று டாக்டரிடம் சொன்னதாக கேள்வி. ஆனால் டாக்டர் ஐயா தன் கொள்கையில் உறுதியாக இருக்கவே கூட்டணியும் மாறியாச்சு

கூட்டணி மாறியதால் கழகத்துக்கு எதிராக பேச வேண்டுமே. அப்போது தான் பிரச்சார கூட்டம் ஒன்றில் சின்ன ஐயா தனது புகழ் பெற்ற மாமா பேச்சை பேசினார். சின்ன ஐயா அவர்களே நீங்கள் சொன்னவர்கள் எல்லோரும் ராஜ்யசபைக்கு போவதற்கு பிற கட்சிகளின் தயவை நம்பி இருக்கவில்லை ஆனால் நம்முடைய நிலைமையை கொஞ்சம் யோசித்து பார்க்க வேண்டும். சேலையோ வேட்டியோ துவைக்கவில்லை என்றால் (நன்றி: விஜயகாந்த்) கொல்லை புறம் அல்ல டில்லியின் எல்லைப்புறத்துக்கே போக முடியாது

சின்ன ஐயா யாரோ எழுதி கொடுத்து தான் பேசினார் என்பது தெளிவாக தெரிகிறது அவர் பிரயோகப்படுத்திய வார்த்தைகளை வைத்து பார்க்கும் போது சின்ன ஐயாவுக்கு எழுதி் கொடுத்தது ஒரு பதிவராக இருக்க வேண்டும் அதுவும் நிச்சயம் ஒரு பிரபல பதிவராக இருக்க வேண்டும் என்ற ஐயம் எழுவதை தவிர்க்க முடியவில்லை

பா.ம.க. அணிவகுப்பு

2009-05-25T19:56:00.002+05:30

வெள்ளைக்கார துரை மாதிரி சதா கோட்டு சூட்டு சகிதமாக காட்சி தரும் சின்ன ஐயா அம்மா முன்னிலையில் மட்டும் வெள்ளை வேட்டி வெள்ளை சட்டைக்கு மாறி பச்சை தமிழனாக ஆகிவிடுவார்

விஜயகாந்த் கெட்டப்புகளில் மிகவும் ரசித்தது

2009-05-24T08:08:00.003+05:30

இதே கெட்டப்பை கண்டினியூ செய்தால் தயாரிப்பாளர்களுக்கு விக் செலவாவது மிச்சம் ஆகும்

இத்தாலிய ராணி இந்திய ராணி ஆன கதை

2009-05-23T20:31:00.007+05:30

வர வர பதிவர்களின் காமெடி டைம் எல்லை மீறி போய் கொண்டு இருக்கிறது. நேற்று வரை திருமதி.சோனியா காந்தி அவர்களை எப்படி எல்லாம் வசை மாறி பொழிந்தார்கள் இத்தாலிய ராணி என்று சொல்லி வந்தார்கள். இன்று ஒரே நாளில் இத்தாலிய ராணி அவர்களுக்கு எல்லாம் இந்திய ராணி ஆகிவிட்டார். அதற்கு காரணம் மந்திரி சபை தொடர்பாக தொடர்ந்து வரும் இழுபறி தான்

இதே காங்கிரஸ் அரசு தானே தமிழர்களை கொல்ல துணை போவதாக நேற்று வரை சொல்லி வந்தார்கள் இன்று அதே காங்கிரசுக்கு இவர்கள் துதி பாடுகிறார்களே. இப்போதாவது புரிகிறதா இவர்களுக்கு இருப்பதெல்லாம் தமிழன் மீது உள்ள பற்றா அல்லது தி.மு.க. மீது உள்ள வெறுப்பா என்று. தமிழ்நண்டு கதையில் வரும் நண்டுகள் யாரென்று தெரிகிறதா இப்போது

வெறும் ஜாதி கட்சி நடத்துபவர்களே 7 + 1 என்று கறாராக பேசி காரியத்தை கச்சிதமாக முடிக்கிறார்கள். எதிர்ப்புகளை எல்லாம் தாண்டி வெற்றி பெற்று கொடுத்துவர்கள் என்பதால் இழுபறி இருக்கதானே செய்யும். மன்மோகன் சிங் அவர்களே தி.மு.க. அமைச்சர்கள் திரும்பி அமைச்சரவையில் இடம் பெற வேண்டும் என்று விருப்பம் தெரிவித்து இருக்கிறார்

தமிழ்நண்டு பதிவர்கள் இத்தனை நாள் திருமதி.சோனியா காந்தி அவர்களை அர்ச்சனை செய்து வந்தார்கள் இனிமேல் தினம் தினம் காவடி தான்

3 கேபினட் - கலைஞர் கொடி பறக்குதடா

2009-05-22T19:31:00.001+05:30

தி.மு.கழகம் தேர்தலில் வெற்றி பெற்றுவிடக் கூடாது என்று கங்கணம் கட்டிக் கொண்டு கூட்டணி அமைத்தார்கள், வசைமாறி பொழிந்தார்கள் ஆனால் எல்லா தடைகளையும் தாண்டி, கணிப்புகளையும் மீறி கழகம் பெரு வெற்றி பெற்றது. தேர்தல் முடிந்த பின்னரும் சும்மா இருந்தார்களா எப்படியாவது மத்திய அரசில் தி.மு.க.வின் செல்வாக்கு கூடிவிடாமல் போவதற்கு என்னவெல்லாம் செய்ய முடியுமோ அதை எல்லாம் செய்தார்கள். அப்படி செய்வதற்கு இவர்களுக்கு என்ன அருகதை இருக்கிறது என்றும் தெரியவில்லை. ராஜ்ய சபா உறுப்பினராக இருந்த காலத்தில் அவர்கள் எத்தனை முறை அவையில் பேசி இருப்பார்கள். இத்தகையவர்கள் தான் தமிழ்நாட்டு நலனுக்காக(?) இப்போது ஒவ்வொரு தொலைக்காட்சி சேனல்களாக பேசி வருகிறார்கள்

கோடை காலத்தில் சூரியனின் உக்கிரம் அதிகமாக தான் இருக்கும் அதற்கு நிறைய தண்ணீர் நிறைய குடிக்கலாம் அல்லது ஏசி அறையில் அமர்ந்து கொள்ளலாம் அதை எல்லாம் விட்டு விட்டு சூரியனை போர்வை போர்த்தி மூடிவிடலாம் என்று நினைத்து கொண்டு இருப்பவர்களை ஒன்றும் செய்ய முடியாது

கலைஞரின் செல்வாக்கை குறைத்து மதிப்பிடுபவர்கள் எல்லாம் செல்லா காசாகி தான் போவார்கள்

ஜெ தோல்வி, சோ மகிழ்ச்சி

2009-05-21T08:59:00.001+05:30

நடந்து முடிந்த தேர்தலில் செல்வி ஜெயலலிதா தலைமையிலான அ.தி.மு.க. கூட்டணி படுதோல்வி அடைந்தது குறித்து துக்ளக் ஆசிரியர் திரு.சோ ராமசாமி அவர்கள் மிகுந்த மகிழ்ச்சி வெள்ளத்தில் மிதப்பதாக அவரது பேட்டிகள் மூலம் உணர முடிகிறது. திரு.சோ அவர்களின் இந்த மகிழ்ச்சிக்கு இரு காரணங்கள் இருக்கின்றன

முதலாவது, அவர் தேர்தலுக்கு முன்பிருந்தே சொல்லி வந்த விஷயமான, ஈழ பிரச்சினை தேர்தலில் எதிரொலிக்காது என்ற அவரது கருத்து உறுதிப்படுத்தப்பட்டது. தேர்தலுக்கு முன் ஜெயலலிதாவின் தனி ஈழ நிலைப்பாட்டுக்கு முன்னேயே தமிழக பாரதீய ஜனதாவினர் ஈழ ஆதரவு நிலையை எடுத்தனர். அது பிடிக்காத சோ அவர்கள் சென்னையில் மோடி கலந்து கொண்ட நிகழ்ச்சியில் தமிழக பாரதீய ஜனதாவினரை மேடையிலேயே மோடி முன்னிலையில் வறுத்து எடுத்தார். இந்த விழாவில் கலந்து கொண்ட திரு.டோண்டு ராகவனே இதற்கு சாட்சி. சோவின் அறிவுரைக்கு பின் தமிழக பாரதீய ஜனதாவினர் தங்களது ஈழ ஆதரவை தூக்கி கிடப்பில் போட்டனர். தமிழக பாரதீய ஜனதாவை அவர்களின் ஈழ ஆதரவுக்காக வறுத்தெடுத்த சோ செல்வி ஜெயலலிதாவின் ஈழ ஆதரவை கண்டு பெரிதாக எதுவும் விமர்சிக்கவில்லை. அதில் தனக்கு உடன்பாடு இல்லை என்று மட்டும் சொல்லி வந்தார். இப்போது தேர்தல் முடிந்த பின் அவர் அளித்துள்ள பேட்டியில் தான் நினைத்தது போலவே நடந்துவிட்டதாக மிகவும் பெருமையுடன் கூறி இருக்கிறார்

சோ அவர்களின் மகிழ்ச்சிக்கு இரண்டாவது காரணம். காங்கிரஸ் தனிப்பெரும் கட்சியாக வந்து இருப்பது தானாம். காங்கிரஸின் இந்த வெற்றியால் அது தி.மு.க. போன்ற கட்சிகளின் இடையூறு இல்லாமல் செயல்பட முடியுமாம். அதாவது தனக்கு இரண்டு கண்கள் போனாலும் பரவாயில்லை எதிரிக்கு ஒரு கண்ணாவது போனதே என்கிற அல்ப மகிழ்ச்சி தான் அது. என்ன இருந்தாலும் ராஜகுரு அல்லவா

அ.தி.மு.க. கூட்டணி தோற்றது எப்படி?

2009-05-20T07:51:00.006+05:30

கவிப்பேரரசு கண்ணதாசன் வாழ்வில் நிகழ்ந்த ஒரு சம்பவம். கவிப்பேரரசு ஒரு கல்லூரி விழாவுக்கு சென்று இருந்தார். அப்போது ஓவ்வொரு மாணவராக மேடை ஏறி தங்கள் கவிதையை வாசித்து கொண்டு இருந்தனர். தொடர்ந்து மேடை ஏறி கவிதை வாசிப்பதற்காக காத்து இருந்த ஒரு மாணவர் கவிப்பேரரசுவிடம் எப்படி உங்களால் மட்டும் அருமையக கவிதை எழுத முடிகிறது என்று கேட்டு இருக்கிறார். கவிப்பேரரசு அந்த மாணவரின் கவிதையை வாங்கி பார்த்துவிட்டு அந்த கவிதையை தான் வைத்து கொண்டு தன் கவிதையை அந்த மாணவரிடம் கொடுத்துவிட்டார். அந்த மாணவரின் முறை வந்தது. அவர் கவிப்பேரரசுவின் கவிதையை வாசித்து காட்டினார். அவ்வளவாக வரவேற்பு இல்லை

இறுதியாக கவிப்பேரரசு மேடை ஏறி அந்த மாணவரின் கவிதையை வாசித்து காட்டினார். வரிக்கு வரி கரகோஷம் அரங்கத்தை அதிரவைத்தது. இது ஒரு பத்திரிக்கை துணுக்கில் படித்தது

நம்ம மக்கள் மேட்டர் என்னன்னு மட்டும் பார்க்கமாட்டாங்க அத யாரு சொல்றாங்க என்பதையும் கண்டிப்பா பார்ப்பாங்க

மூன்றெழுத்து, மூன்றெழுத்து, மூன்றெழுத்து

2009-05-18T08:58:00.002+05:30

அண்ணா என்பது மூன்றெழுத்து
தம்பி என்பது மூன்றெழுத்து

செல்வி என்பது மூன்றெழுத்து
தோல்வி என்பது மூன்றெழுத்து

அம்மா என்பது மூன்றெழுத்து
அய்யோ என்பது மூன்றெழுத்து

அய்யா என்பது மூன்றெழுத்து
ஆப்பு என்பது மூன்றெழுத்து

அன்பு என்பது மூன்றெழுத்து
வம்பு என்பது மூன்றெழுத்து

வைக்கோ என்பது மூன்றெழுத்து
போய்கோ என்பது மூன்றெழுத்து

தோழர் என்பது மூன்றெழுத்து
சீனர் என்பது மூன்றெழுத்து

வெற்றி என்பது மூன்றெழுத்து
நன்றி என்பது மூன்றெழுத்து, மூன்றெழுத்து, மூன்றெழுத்து

கிங்மேக்கர் கலைஞர்

2009-05-16T13:25:00.003+05:30

முதலில் வெற்றிக்கனியை கழகத்துக்கு உரித்தாக்கிய வாக்காளர் பெருமக்களுக்கும், களப்பணி ஆற்றிய லக்கி போன்ற தோழர்களுக்கும், தோழர் திருமா போன்ற கூட்டணி கட்சியினருக்கும் கழகம் சார்பாக நன்றியினை தெரிவித்து கொள்கிறோம்

தினப்படி மூன்று வேளை சாப்பிட்டார்களோ இல்லையோ கலைஞரை தூற்றி மூன்று வேளை பதிவு எழுதினார்கள், அவர்கள் பிரயோகப்படுத்திய வார்த்தைகள் எல்லாம் அச்சிட முடியாதவை. *ட்டிக் கதைகளையே தணிக்கை செய்த தமிழ்மணம் இவர்களின் வார்த்தைகளை கண்டுகொள்ளாதது மட்டுமல்லாமல் கழகம் தோற்பதற்கு இந்த வாரம் வரை தனது நட்சத்திரங்களாக கழக எதிர்ப்பாளர்களை களமிறக்கி அழகு பார்த்தது. நடுநிலையாக இருக்க வேண்டிய தமிழ்மணம் கட்சி பத்திரிக்கை போல் ஒரு கட்சி தளமானது, அதற்கு மாற்றம்நம்பி என்ற முகமூடி வேறு. அவர்களுக்கு மக்கள் கொடுத்தது மரண அடி. வசைபாடிய வாயெல்லாம் ஓய்ந்து போய் இருக்கும் அடுத்த தேர்தல் வரைக்கும் மூடிகிட்டு இருங்கள் அன்பின் சொந்தங்களே. ஒரு பத்து பேர் சேர்ந்து கொண்டு ஏதோ இணையமே தங்கள் கைகளில் இருப்பது போல் நடந்து கொண்டார்கள். அவர்களுக்கு ஜால்ரா தட்டுவதற்கு ஒரு செம்மறி ஆட்டு கூட்டம் வேறு சொந்த அறிவை எல்லாம் எங்கே சென்று அடகு வைத்தார்களோ

இந்த வெற்றி பணத்தினால் கிடைத்த வெற்றி என்று மெத்தப் படித்த மேதாவிகள் ஏற்கனவே சொல்ல ஆரம்பித்துவிட்டார்கள். இருக்கட்டும், போன மாதம் வரை நம் கூட்டணியில் இருந்து எல்லாத்தையும் அனுபவித்துவிட்டு போன வாரம் கூட்டணி மாறி நமக்கு எதிராக ஓட்டு கேட்டார்களே, இவர்களை மாதிரி குழி பறிப்பவர்கள் எல்லாம் வேறு எப்படி பேசுவார்கள் அவர்கள் புத்திக்கு ஏற்ற மாதிரி தானே பேசுவார்கள். இவர்கள் கேட்ட மாதிரியே மக்கள் அவர்களுக்கு சவுக்கடி கொடுத்து இருக்கிறார்கள். நாளை கூட்டணி என்று மீண்டும் நம்மிடமே வருவார்கள் நாம் தான் எச்சரிக்கையாக இருக்க வேண்டும்

ஞாபகம் வருதே, ஞாபகம் வருதே

2009-05-14T05:06:00.010+05:30

veerasamy vidu tirappu 3
Uploaded by PERIYAR - Discover videos of people, family and friends.

இயக்குநர் சீமானின் சமீபத்திய நடவடிக்கைகளை பார்த்தபோது இந்த வீடியோ தான் ஞாபகம் வந்தது. வீடியோ கொஞ்சம் நீளமாததால் முழுவதுமாக இன்னும் பார்க்கவில்லை. முதல் சில நிமிடங்கள் மட்டுமே பார்த்தேன். வார்த்தைக்கு வார்த்தை பாப்பான், பாப்பான் என்றவர் இப்போது அம்மாவை வணங்குகிறேன் என்கிறார். வைகோவுக்கு ஒரு பொடா மாதிரி இவருக்கு என்ன காத்து இருக்கிறதோ என்பது தெரியவில்லை. கலைஞர் ஆட்சி என்பதால் எளிதில் வெளியே வந்தாச்சு இல்லை என்றால் வைகோ மாதிரி ஓராண்டு உள்ளே இருக்க வேண்டியது தான்

கோவியார் எழுதிய பதிவு ஒன்றை பார்க்க நேரிட்டது. மிகவும் காமெடியாக இருந்தது அவரது பதிவு. தி.மு.க. சாதனைகளை சொல்லி ஓட்டு கேட்காமல் ஞாபகம் வருதே, ஞாபகம் வருதே என்று பயமுறுத்தி ஓட்டு கேட்பதாக குறைபட்டு இருந்தார். நடுநிலைவியாதி என்று சொல்லிக் கொள்ளும் அவர் அதற்கான காரணங்களை தேடி அலைவது தான் அந்த பதிவில் அப்பட்டமாக தெரிந்தது. சென்ற முறை சட்டமன்ற தேர்தலில் தி.மு.க. தோற்று செல்வி ஜெயலலிதா முதல்வரானாரே அந்த தேர்தலில் தி.மு.க. ஆட்சி மீது எந்த புகாரும் கிடையாது, கழகம் சாதனைகளை சொல்லி தான் தேர்தலை சந்தித்தது ஆனால் நம் மக்கள் கவிழ்த்துவிட்டார்கள். அப்போது தி.மு.க. தோற்றதற்கு பணப் புழக்கம் இல்லாதது தான் காரணம் என்று சொல்லப்பட்டது. அதையே மாற்றி இந்த தேர்தலில் பணம் விளையாடுகிறது என்று சொல்கிறார்கள். இவர்களுக்கு வேண்டியதெல்லாம் தி.மு.க. தோற்க வேண்டும். மற்றபடி இவர்கள் சொல்வதில் எந்த முகாந்திரமும் இருப்பதாக தெரியவில்லை

தேர்தல் முடிந்ததும் செல்வி ஜெயலலிதா All options are open என்று சொன்னதை யாராவது கோவியாருக்கு அர்த்தத்துடன் விளக்கி சொன்னால் பரவாயில்லை. அவருக்கு இன்னமும் அ.தி.மு.க. - காங்கிரஸ் கூட்டணி பற்றி எதுவும் தெரியவில்லை. ஒருவேளை அவர் நடுநிலையான அறிக்கைகளை மட்டுமே தேடிப்பிடித்து வாசிப்பார் போல் தெரிகிறது

எத்தனையோ பேர் கலைஞரை தூற்றி எழுதி வருகிறார்கள் அவர்களுக்கு எல்லாம் பதில் சொல்லி நேரத்தை வீணடிக்க விரும்பவில்லை. அவர்கள் மீண்டும் நம் அணிக்கு வரும் காலம் வெகு தூரத்தில் இல்லை. ஆனால் கோவியார் போன்ற நடுநிலைவியாதிகளுக்கு ரீச் அதிகம் என்பதால் தான் இந்த எதிர்வினை பதிவு மற்றபடி அவர் என்றுமே நம் உடன்பிறப்பு தான்

தேர்தல் நெருங்க நெருங்க தமிழ்மணம் தீவிர தி.மு.க. எதிர்ப்பாளர்களை தனது நட்சத்திரங்களாக அறிமுகப்படுத்திய அரசியலை எத்தனை பேர் கவனித்தார்கள் என்று தெரியவில்லை அதுவும் தேர்தல் நடக்கும் இந்த வாரம் மற்றம்நம்பி என்ற மூகமூடி வாயிலாக. இந்த முகமூடி வலைப்பதிவு ஆரம்பிக்கப்பட்ட பின்னணியில் உள்ள நுண்ணரசியல் இப்போது தான் புரிகிறது. ஐந்தாண்டு காலம் கொலைகார கூட்டணியில் அங்கம் வகித்துவிட்டு தேர்தலுக்கு் முந்தைய நாள் ஈழம் சிடியை ஒளிபரப்பிய மக்கள் தொலைக்காட்சிக்கும் தமிழ்மணத்துக்கும் எந்த வித்தியாசமும் இருப்பதாக தெரியவில்லை. தைலாபுரத்தில் இருந்தாலும் அமெரிக்காவில் இருந்தாலும் ஒரே மனோபாவத்துடன் செயல்படும் அவர்களின் ஒற்றுமை புல்லரிக்க வைக்கிறது

ஜெ - சோனியா மீண்டும் நட்பு?

2009-05-08T17:38:00.003+05:30

கடந்த நாடாளுமன்ற தேர்தல் பிரச்சாரத்தின் போது செல்வி ஜெயலலிதா ஒவ்வொரு மேடையிலும் மறக்காமல் ஒரே விஷயத்தை திரும்ப திரும்ப சொல்லி ஓட்டு கேட்டார் அது என்ன தெரியுமா? தன் கணவரை கொன்ற கட்சியினருடன் சோனியா கூட்டு வைத்து இருக்கிறார் அதனால் அவர் பதிபக்தி இல்லாதவர் என்று மேடைதோறும் முழங்கி வந்தார். தி.மு.க. புலி ஆதரவு கட்சி என்பது ஜெயலலிதாவின் டிரேட் மார்க் பிரச்சாரம் என்பது உலகப் பிரசித்தி. இதை எல்லாம் அடித்தட்டு மக்கள் வேண்டுமானால் மறந்து போய் இருக்கலாம் அவர்களுக்கு அன்றாடப் பிரச்சினைகளே ஆயிரம் இருக்கிறது ஆனால் டைம் பாஸுக்காக இணையத்தில் உலவிக் கொண்டு ஈமெயில்களை பார்வேர்டு செய்து கொண்டு இருக்கும் படித்த பாமரர்கள் மறந்துவிட்டிருக்க முடியாது. இன்று கூட்டத்தில் கலக்கவில்லை என்றால் நாளை கும்மிக்கு ஆள் இருக்காதே என்ற கவலை அவர்களுக்கு

இந்த முறை தேர்தல் பிரச்சாரத்தின் போது இந்த "பதிபக்தி" மேட்டரை கண்டு கொள்ளாதது மட்டுமல்லாமல் மேடைதோறும் கலைஞரை காய்ச்சி எடுக்கும் ஜெயலலிதா மறந்தும் கூட சோனியா பற்றி வாயே திறக்கவில்லை. இந்த தேர்தல் சூடு பிடிக்கும் முன்னரே காங்கிரஸ் கூட்டணிக்கு முயற்சி செய்தவர் ஜெயலலிதா. காங்கிரஸில் உள்ள சில கோஷ்டிகளும் இதை தான் விரும்பின. ஆனால் காங்கிரஸ் மேலிடம் ஏற்கனவே கலைஞர் கூட்டணியில் இருப்பதால் அதை கண்டு கொள்ளவில்லை. ஆனால் தற்சமயம் அ.தி.மு.க.வுக்கு சாதகமான சில நடவடிக்கைகளை செய்து வருகிறது. ராகுல் காந்தியின் பேச்சும் இதை உறுதி செய்கிறது. ஜெயலலிதா தரப்பில் இருந்தும் இதற்கு மறுப்பு இன்னும் வரவில்லை

தேர்தலுக்கு முந்தைய கூட்டணி போல் தேர்தலுக்கு பிந்தைய கூட்டணி என்று ஒன்றும் இருக்கிறது அந்த கூட்டணி எப்படி வேண்டுமானாலும் இருக்கலாம். அது காங்கிரஸ் - அ.தி.மு.க. கூட்டணியாக கூட இருக்கலாம் அதனால் எவனோ ஒருவன் தன் சுயநலனுக்காக கொளுத்திப் போட்டான் என்பதற்காக செம்மறி ஆட்டு கூட்டம் போல் அ.தி.மு.க.வுக்கு ஓட்டு கேட்கும் படித்த பாமரர்களை நினைத்தால் நகைப்பாக இருக்கிறது

வைகோவுக்கு சவால்

2009-05-07T17:33:00.003+05:30

ஈழம் பெற்று தந்துவிடுவேன் என்று சொன்னதற்காக கேட்ட ஆறு தொகுதிகள் கிடைக்காவிட்டாலும் பரவாயில்லை நாலு சீட்டுகள் கிடைத்தாலே போதும் என்று அ.தி.மு.க.வுடன் கூட்டணி வைத்து இருப்பதாக சொல்லும் வைகோ அவர்களே உங்களுக்கு ஒரு சவால். உங்கள் கூட்டணி கட்சி தலைவியுடன் ஒரே மேடையில் உங்கள் டிரேட் மார்க் பேச்சான ரத்த ஆறு பேச்சை பேச முடியுமா. அல்லது குறைந்தபட்சம் பிரபாகரன் பேரையாவது ஜெயலலிதா முன்னிலையில் உச்சரிக்க முடியுமா? ஏற்கனவே ஒரு முறை ரத்த ஆறு என்று பேசிவிட்டு பின்னர் "அந்த" அர்த்தத்தில் கூறவில்லை என்று அந்தர் பல்டி அடித்ததும் அதன் பிறகு வாயை பொத்திக் கொண்டு சமர்த்தாக இருப்பதற்கும் என்ன காரணம் வைகோ அவர்களே

ஜெயலலிதாவின் தேசியவாத முகமூடி கிழிகிறது

2009-05-06T18:24:00.003+05:30

ஈழத்துக்கு ஆதரவாக பேசியது இந்திய இறையாண்மைக்கு எதிரானது அல்ல என்று செல்வி ஜெயலலிதா கூறி இருக்கிறார் ஆனால் இந்திய ராணுவ வாகனங்களை அடித்து நொறுக்கிய கூட்டத்தினர் ஜெயலலிதாவின் தோழமை கட்சியின் கொடியினை அல்லவா ஏந்தி வந்தார்கள். அந்த கட்சியின் தலைவரோ ஆம் அதை செய்தது நாங்கள் தான் என்று இறுமாப்புடன் சொல்கிறார். இதை எல்லாம் ஜெயலலிதா ஆமோதிக்கிறாரா? இன்னும் கொடுமை என்னவென்றால் சோ ராமசாமி முதலான கடைந்தெடுத்த தேசியவாதிகள் கூட மூடிக் கொண்டு இருப்பது தான். இவர்களின் தேசியவாத வேஷம் ஈழத்துடன் முடிந்துவிட்டதா அடுத்தது தமிழீழத் தாய் வேஷம் தான் இன்னும் கொஞ்ச நாளைக்கு

ஜெயலலிதாவின் கைக்குட்டையில் மறைந்து கொண்டு கல்லெறிபவர்கள்

2009-05-05T19:44:00.002+05:30

கலைஞர் சோனியாவின் புடவையில் ஒளிந்து இருக்கிறார் என்று சில புத்தி சுவாதீனம் இல்லாத பிறவிகள் எழுதி வருகிறார்கள். கலைஞராவது பரவாயில்லை ஒரு மாநில முதல்வர் அவருக்கென்று சில அதிகார விதிமுறைகள் இருப்பதால் அவற்றுக்கு கட்டுப்பட்டு நடக்கிறார். ஆனால் இந்த புத்தி சுவாதீனம் இல்லாதவர்களோ ஜெயலலிதாவின் கைக்குட்டையில் அல்லவா மறைந்து கொண்டு கல்லெறிகிறார்கள்

தமிழர்களே யாருக்கு உங்கள் ஓட்டு?

2009-05-05T19:08:00.002+05:30

தி .மு. க அல்லது அ .தி .மு .க அல்லது விஜயகாந்த் அணிக்கு அளிக்காத வாக்கு உபயோகம் இல்லை. டில்லியில் மத்திய ஆட்சியை அமைக்க போகும் அரசை தீர்மானிக்கும் தேர்தலில் சின்ன அணிகளுக்கு ஒட்டு போடுவது எதையும் சாதிக்காது. எனவே நன்கு சிந்தித்து நல்ல அணிக்கு ஓட்டளிக்க வேண்டும்.

காங்கிரசை கவனித்தால்.

1. இப்போதுள்ள பிரதமர் மன்மோகன் சிங் குறை சொல்ல முடியாதவர்.

2.இந்த 5 ஆண்டுகளில் முன் எப்போதும் இல்லாதவகையில் பல்வேறு திட்டங்கள் தமிழகத்தில் கொண்டுவரப்பட்டுள்ளன.

3. நெய்வேலி பழுப்பு நிலக்கரி நிறுவனம் மூலம் பல்வேறு மின் உற்பத்தி நிலையங்கள் கட்டப்பட்டு வருகின்றன.

4. முன் எப்போதும் இல்லாதவகையில் நெடுஞ்சாலைகள் அகல படுத்தப்பட்டு உலகத்தரத்திற்கு போடப்பட்டு வருகின்றன .

5.பல்வேறு உலக தொழிற்சாலைகள் தமிழ் நாட்டில் அமைக்க பட்டு வருகின்றன.

6. இரயில் போக்குவரத்துக்கு மேம்பட்டுள்ளது.

7. மின்சாரம், இரயில் , பஸ் கட்டணம் ஏற்றபடவிலை.

8. புதிய மேம்பாலங்கள் பல்வேறு சாலைகளில் கட்டப்பட்டு போக்குவரத்து நெருக்கடி குறைக்கப்பட்டுள்ளது. கத்திபாரா ஜங்ஷனில் இப்போது ஒரு மணித்துளி கூடநெரிசலில் காத்து நிற்க வேண்டாம்.

9.பல்வேறு வேலை வாய்ப்பு திட்டங்கள். ( கணிப்பொறியால் )

10.அரசாங்க உழியர்களுக்கு சம்பள உயர்வு ( கணிப்போறி வேலைக்கு சமமாக) .

11. பல் வேறு ஊர்களிலிருந்து சென்னைக்கு புதிய பஸ் விடப்பட்டுள்ளது.

12. அரசு உழியர்களுக்கு சிறப்பு மருத்துவ ஏற்பாடு

பல்வேறு மக்கள் நல பணிகள். உதாரணமாக- கர்ப்பிணி பெண்களுக்கு ஊட்ட உணவுக்காக நிதி உதவி, ஏழை பெண்கள் திருமண உதவி , நூறு நாள் வேலை திட்டம், இலவச டிவி, காஸ் அடுப்பு, விவசாய கடன் தள்ளுபடி, இனிமேல் விவசாய கடன்களுக்கு வட்டி கிடையாது, உழவர் சந்தை போன்ற திட்டங்கள்.

புதிய வரி இல்லாமல், கட்டணங்களை ஏற்றாமல், இவ்வளவு திட்டங்களை கொண்டு வருவதற்கு வசதியாக இரண்டு அரசுகளும் ஒத்த கூட்டணியாக இருக்கவேண்டும்.
எனவே தி. மு.க அணிக்கு வாக்களித்தல் நமக்கு நன்மை உண்டு.

இதை படிப்பவர்கள் பலர் நல்ல வேளையில் இருக்கலாம் . ஏன் இலவச திட்டங்கள் நீங்கள் என கேட்கலாம். ஏழைகளும் மக்கள் தான். நமது சாப்பாடு அவர்களின் வியர்வையில் விளைந்த முத்து என எண்ணி பார்க்க வேண்டும். அவர்களால் விவசாயத்தின் மூலம் கிடக்கும் வருவாயில் சேமிக்க முடியாது. எதுவும் வாங்க முடியாது. நம்மால் முடிந்த அளவு உதவி செய்யவேண்டும். அப்படி சேயும் உதவி கடவுள்களுக்கு சென்று சேரும்.

அப்படி இல்லாவிட்டால் ஜெயா உதவியுடன் மதிய ஆட்சி வந்தால், கலைஞரை குறை கூறவே ஜயாவிற்கு நேரம் போதாது.

எனவே நன்கு சிந்தித்து ஒட்டு போடுங்கள். கருணை உள்ள கலைஞருக்கா? அல்லது ஒரே கையெழுத்தில் ஒரு லட்சத்து எழுபத்திரெண்டாயிரம் பேரை வீட்டுக்கு அனுப்பி அவர்கள் குடும்பத்தை நிர் மூலமாக்கிய ஜெயாவுக்கா? எண்ணி பாருங்கள். .உங்கள் வீட்டு பெண்மணிகள், குழந்தைகள் ஆகியோரை கேளுங்கள். பின் ஒட்டு போடுங்கள்.

(நன்றி : உமா)

தி.மு.க.வுக்கு ரஜினி ரசிகர்கள் ஆதரவு

2009-05-04T20:08:00.002+05:30

செய்தி நன்றி - தட்ஸ்தமிழ்.காம்

கரூர்: கரூர் திமுக வேட்பாளர் கே.சி.பழனிச்சாமிக்கு கரூர் ரஜினி ரசிகர் மன்றம் ஆதரவு தெரிவித்துள்ளது.

இதை கரூர் மாவட்ட ரஜினி மன்றத் தலைவர் ராஜா தெரிவித்துள்ளார்.

இது குறித்து ராஜாவிடம் கேட்டபோது, இந்த தேர்தலில் ரசிகர்கள் யாருக்கு பிரியமோ அவர்களுக்கு இஷ்டம் போல் வாக்களிக்கலாம் என்று தலைவர் ரஜினி காந்த் கூறியுள்ளார்.

மேலும் சூப்பர் ஸ்டார் ரஜினியின் படத்தையோ, மன்ற கொடியையோ நாங்களும் சரி, மற்ற மன்றத்தினரும் சரி எந்த சூழ்நிலயிலும் யாருக்கு ஆதரவாகவும் பயன்படுத்த மாட்டோம்.

எங்கள் மாவட்டத்தைப் பொறுத்தவரை கடந்த 30 ஆண்டுகளாக எங்கள் மன்றம் நடத்தும் விழாக்களிலும், நல திட்ட உதவி வழங்கும் நிகழ்ச்சியிலும் கே.சி. பழனிசாமி கலந்து கொண்டு தேவையான உதவிகளை வழங்கி வருகின்றார்.

அதனால் எங்கள் ரசிகர் மன்ற நிர்வாகிகள் ஒன்று கூடி பேசியபோது கரூர் எம்பியும், திமுக வேட்பாளருமான கே.சி.பழனிசாமிக்கு ஆதரவு தர முடிவு செய்துள்ளோம்.

கடந்த பல வருடங்களாக எதையும் எதிர்பாராமல் தேவையறிந்து உதவி செய்த கே.சி.பழனிசாமிக்கு ஆதரவாக வாக்களிப்பது என்று தீர்மானம் நிறைவேற்றியுள்ளோம் நாங்களும் சரி, எங்கள் தலைவரும் சரி, என்றும் நன்றியை மறக்க மாட்டோம் என்றார்.

கரூர் பாராளுமன்றத் தொகுதி கரூர், திருச்சி, புதுக்கோட்டை, திண்டுக்கல் ஆகிய 4 மாவட்டங்களில் வருகின்றது. இதனால் இந்த 4 மாவட்டத்தைச் சேர்ந்த ரஜினி ரசிகர் மன்றங்களும் திமுக வேட்பாளர் கே.சி. பழனிசாமிக்கு ஆதரவு தெரிவித்துள்ளனர். இதனால் அதிமுகவினர் கடும் அதிர்ச்சி அடைந்துள்ளனர்.

முதல்வரின் மே தினப் பரிசு - பஸ் கட்டணம் குறைப்பு

2009-05-02T09:07:00.001+05:30

பேரூந்து பயணக் கட்டணம் குறைப்பு என்று செய்திகள் வந்தன நம்ம தேர்தல் அதிகாரி நரேஷ் குப்தாவின் கவனத்தை வேறு அது (உடனே) ஈர்த்துவிட்டது. பேரூந்து பயணக் கட்டணங்களில் எந்த மாற்றமும் இல்லை என்று அரசு தரப்பில் பதில் அளிக்கப்பட்டுள்ளது. நம்ம முதல்வர் ஏன் தான் இவ்வளவு அப்பாவியா பொறுப்பா பதில் சொல்கிறாரோ. ராமதாஸ் மாதிரி ஈழம் பற்றி பேசுவது அன்புமணியின் வேலை இல்லை அது பிரணாப் முகர்ஜியின் வேலை என்று சொல்லிவிட்டு போவதற்கு முதல்வருக்கு இன்னும் அரசியல் முதிர்ச்சி போதவில்லையோ

டாக்டர் ராமதாஸின் "தசாவதாரம்" - படங்கள்

2009-04-30T09:06:00.000+05:30

ஓபனிங் சீன், சும்மா ஒரு பில்டப்புக்காக

இது போன மாசம்

இது இந்த மாசம்

போன வாரம்

சில வாரங்களுக்கு முன்

சில மாதங்களுக்கு முன்

தங்கபாலுவுக்கு தோஸ்த்

எளிமையான தலைவருடன்

பொழுது போகலைனா

அடுத்த கூட்டணி பற்றிய ஆலோசனை

பிரபாகரன் இல்லாத ஜெயலலிதாவின் ஈழம்

2009-04-29T08:54:00.006+05:30

ஜெயலலிதாவும் சிங்களவனும் கிட்டத்தட்ட ஒரே மாதிரி தான் பேசுகிறார்கள். சிங்களவன் என்ன சொல்கிறான் என்றால், ஈழத்துக்கு இங்கே இடமில்லை வேண்டுமானால் வேறு இடம் பார்த்துக் கொள்ளுங்கள் என்று. ஜெயலலிதா தனி ஈழம் அமைந்தே தீரும் என்கிறார் ஆனால் பிரபாகரனை பற்றி ஒன்றும் குறிப்பிடவில்லை. பிரபாகரன் இல்லாத இத்தகைய ஈழம் அமையத் தான் பலர் ஜெயலலிதாவுக்கு ஓட்டு போடுமாறு வெட்கமே இல்லாமல் கேட்கிறார்கள். சூது வாது தெரியாத அப்பாவி ஈழத் தமிழ்ப் பதிவர்களும் இவர்களை நண்பர்களாக எண்ணிக் கொண்டு இருக்கிறார்கள்

என்ன சொன்னார் ஜெயலலிதா என்பதை ஆராயாமலே பப்பர மிட்டாய் பார்த்த பட்டிக்காட்டன் போல் தலை ஆட்டுகிறது ஒரு கூட்டம். நாளை ஜெயலலிதா வேறு எதாவது சொன்னாலும் இதே மாதிரி தான் தலை ஆட்டும் அந்த கூட்டம். ஜெயலலிதா நெருங்கிய நட்பு பேணிய சங்கராச்சாரியார், ஜெயலலிதா விமரிசையாக திருமணம் நடத்திக் காட்டிய வளர்ப்பு மகன் கதை எல்லாம் மறந்து போய்விட்டது போல் இவர்களுக்கு. அவர் அகராதியில் இன்று நண்பர்களாக இருப்பவர்கள் நாளை என்ன வேண்டுமானாலும் ஆகலாம். ஈழத் தமிழ் பதிவர்கள் இந்த தலையாட்டும் கூட்டத்தை நம்பி இருக்கவில்லை என்றாலும் குறைந்தபட்சம் இவர்களின் உள்நோக்கத்தையாவது தெரிந்து கொள்ள வேண்டும்

தனி ஈழம் பற்றி பேசிய ஜெயலலிதா வெளிப்படையாக பிரபாகரனை பற்றி எதுவும் சொல்லவில்லை தான் ஆனால் பிரபாகரன் பற்றி தான் முன்னர் கூறிய கருத்துக்களை இன்னும் திரும்ப பெறவில்லையே. பிரபாகரனை இந்தியாவுக்கு கொண்டு வர வேண்டும் என்று சொன்னதையோ, புலிகளை தீவிரவாதிகள் என்று சொன்னதையோ அவர் இன்னும் மறுக்கவில்லை. மாறாக இத்தனை நாட்கள் வேனில் சென்று பிரச்சாரம் செய்த ஜெயலலிதா, இந்த தேர்தலில் தீவிரவாதிகள் மூலம் தனது உயிருக்கு அச்சுறுத்து இருப்பதால் ஹெலிகாப்டரில் செல்வதாக இரு தினங்களுக்கு முன்னர் கூட குறிப்பிட்டு இருக்கிறார். இவர் பாஷையில் தீவிரவாதிகள் என்றால் யார் என்று சொல்ல தேவை இல்லை

சரி, திடீரென்று அடுத்த பொதுக்கூட்டத்தில் ஜெயலலிதாவும் பிரபாகரன் எனது நண்பர் என்று சொல்லிவிட்டால் என்ன செய்வீர் என்று கேட்கலாம். அவர் சொன்னாலும் சொல்வார், தேர்தல் நேரம் அல்லவா அதனால் எது வேண்டுமானாலும் சொல்லுவார். தூங்கும் கலை வல்லுநர் இப்போது தான் கூரியரில் ஒரு சி.டி. அனுப்பினார். அதை பார்த்த பின் தான் தெரிந்தது பிரபாகரன் எனது நண்பர் என்று ஒரு டுபாக்கூர் கதையை அவிழ்த்து விடுவார். அந்த கதையையும் பரப்புவதற்கு தான் ஒரு கூட்டம் தயாராய் இருக்கிறதே

ஜெயலலிதா விடாக்கண்டராம் அதனால் எப்படியும் ஈழம் பெற்று தந்துவிடுவார் என்று மாலனே ஒத்துக் கொள்கிறார். ஏற்கனவே கச்சத் தீவை மீட்பேன் என்று சூளுரைத்தவர் தானே இந்த விடாக்கண்டர், கச்சத் தீவு என்னானது என்று கொஞ்சம் மாலன் கேட்டு சொல்வாரா. அதோ பார் காகம் என்று நாம் சொன்னால் நம்பமாட்டார்கள் அதுவே அதோ பார் வெள்ளை காகம் என்று அவர்கள் சொன்னால் ஆமாம் அதுவும் தலைகீழாக பறக்கிறது என்று இவர்களும் சேர்ந்து கொள்வார்கள். நல்லா இருங்கடே!!

ரவிசங்கர் ஜெயலலிதாவுக்கு காட்டிய சி.டி

2009-04-27T17:21:00.002+05:30

ஜெயலலிதாவின் வாயில் இருந்து ஈழம் என்ற வார்த்தையை ஒலிக்க வைத்ததற்காக ரவிசங்கருக்கு நன்றி சொல்லியே ஆக வேண்டும். இத்தனை நாள் இவர் வெறும் வாழும் கலை வல்லுநர் என்று மட்டும் தான் நினைத்து வந்தேன் இப்போது தான் தெரிந்தது இவர் பல கலை வல்லுநர் என்பது. ஈழத்தமிழர் என்று யாரும் இல்லை இலங்கை தமிழர் என்று தான் சொல்ல வேண்டும், போர் என்றால் மக்கள் மரிக்க தான் செய்வார்கள் என்று பேசியும், பிரபாகரனை இலங்கையால் பிடிக்க முடியாவிட்டால் இந்திய படை சென்று பிடிக்க வேண்டும் என்று தீர்மானமும் நிறைவேற்றியவர் ஆயிற்றே ஜெயலலிதா

ஆனால் இங்கு நாம் முக்கியமாக கவனிக்க வேண்டியது ஒரு விஷயம் இருக்கிறது. இத்தனை வருடம் ஜெயலலிதா கூடவே இருந்து வைகோ ஈழம் பற்றி பேசி வந்தார் அப்போதெல்லாம் ஜெயலலிதா காதில் போட்டுக் கொள்ளவில்லை, மகனின் ராஜ்யசபா சீட்டுக்காக ராமதாஸும் அம்மையார் பக்கம் வந்து தன் சீட்டு பேரத்தை மறைக்க ஈழ்ப் பிரச்சினையை கையில் எடுத்தார் அப்போதும் அம்மையார் காதில் போட்டுக் கொள்ளவில்லை. ரவிசங்கர் ஜெயலலிதாவுக்கு போட்டு காண்பித்ததாக சொல்லப்படும் வீடியோ சி.டி.க்கள் போன்ற சி.டி.க்கள் பல மாதங்களாகவே பெரியார் திராவிட கழகத்தினரால் விநியோகிக்கப்பட்டு வருகிறது அப்போதும் ஜெயலலிதா இறங்கி வரவில்லை. ஆனால் ரவிசங்கர் சொன்ன உடனேயே கேட்டுவிட்டார். ஈழம் ஆனாலும் அது அது சொல்வதற்கு கூட தராதரம் வேண்டும் போல் தெரிகிறது. நாளைக்கு ஈழம் தொடர்பாக எந்த உதவியானாலும் வைகோவோ, ராமதாஸோ அல்லது வேறு யாருமோ சொன்னால் ஜெயலலிதா கேட்பார் என்று எதை வைத்து சொல்கிறார்கள் அதற்கும் ரவிசங்கர் அல்லவா வந்து சொல்ல வேண்டும். இதோ தற்போது நடந்து வரும் பிரச்சாரக் கூட்டத்தில் கூட வைகோவை மேடையில் நிற்க வைத்தவர் தானே ஜெயலலிதா

முதலில் கலைஞரை வலைப்பக்கங்களில் வசைமாறி பொழிந்தார்கள், அப்புறம் 49ஓ என்று சொல்லி வந்தார்கள், தற்போது தேர்தல் நெருங்க நெருங்க வெளிப்படையாகவே அ.தி.மு.க.வுக்கு வாக்களியுங்கள் என்று சொல்லி வருகிறார்கள். ஜெயலலிதா உண்ணாவிரதம் இருந்தால் தியாகம் என்கிறார்கள் கலைஞர் இருந்தால் நாடகம் என்கிறார்கள் இதை எல்லாம் வைத்து பார்க்கும் போது ஏதோ உள்குத்து இருப்பதாகவே எண்ணத் தோன்றுகிறது. பூனை வெளியே வந்துவிட்டது என்ற கதையாக தான் இருக்கிறது

மேலே உள்ள படத்துக்கும் இடுகைக்கும் என்ன சம்மந்தம் என்று நினைத்தவர்களுக்கு, அந்த படத்தை கிளிக்கி தெரிந்து கொள்ளவும்

எப்படி இருந்த வைகோ ... படங்கள்

2009-04-27T08:46:00.004+05:30

மிகவும் மகிழ்ச்சியாக காணப்படுகிறார்களே!! அன்புச் சகோதரர் மாதிரி இதுவும் ஒரு அன்புச் சகோதரியோ

நாங்கள் சொன்னால் இலங்கை கேட்பதில்லை என்று வெள்ளை மாளிகையே அறிக்கைவிட்டு இருக்கிறது ஜெயலலிதா ஈழம் பெற்று தருவேன் என்று சொன்னதால் தாங்கள் அ.தி.மு.க. கூட்டணிக்கு வாக்களிக்கப் போவதாக் சில மெத்தப் படித்த மேதாவிகள் சொல்லி வருகிறார்கள். முதலில் போர் நிறுத்தத்துக்கு வழிய பாருங்க அண்ணாச்சிகளா அப்புறமா மற்றதை பற்றி யோசிக்கலாம். இல்லாத ஊருக்கு ஒருவர் வழி சொல்வாராம் அந்த ஊருக்கு இவங்க எல்லாம் போவாங்களாம்

ம.ம.க.வுக்கு ஜெயலலிதா வைத்த செக்

2009-04-17T08:57:00.001+05:30

கூட்டத்தோடு கூட்டமாக கலைஞரை கும்முபவர்களுடன் ம.ம.க.வும் சமீபத்தில் சேர்ந்து கொண்டது. முதலில் தி.மு.க. கூட்டணியில் இருந்த ம.ம.க. தங்களுக்கு ஒரு தொகுதிக்கு அதிகமாக தரவில்லை என்பதால் முறுக்கிக் கொண்டு போனது. கலைஞராவது ஒரு தொகுதி கொடுக்க முன்வந்தார், ஆனால் அவர் ம.ம.க. வாக்கு வங்கியில் ஓட்டை போட நினைக்கவில்ல. தி.மு.க. கூட்டணியில் உள்ள மற்றொரு முஸ்லிம் அமைப்பான முஸ்லிம் லீக்கிற்கு ஒரு தொகுதியை ஒதுக்கியுள்ளார். தி.மு.க.வுக்கு முஸ்லிம் ஓட்டு தேவை இல்லை என்று எழுதிய அதே வலைப்பதிவில் வெற்றியை நோக்கி முஸ்லிம் லீக் என்று சில நாட்கள் கழித்து மற்றொரு இடுகை வந்துள்ளது. ஒரே ஒரு தொகுதியை கொடுத்தாலும் அந்த வெற்றியை மிகவும் எளிதாக்கி கொடுத்து இருக்கிறார் கலைஞர்

முறுக்கிக் கொண்டு போன ம.ம.க.வோ தன் தொகுதிகளுள் ஒன்றாக மத்திய சென்னையை தேர்ந்தெடுத்தது. முஸ்லிம்கள் கணிசமாக இருக்கும் தொகுதி என்பதால் இங்கு போட்டியிட முடிவு செய்தது. தி.மு.க.வின் வாக்கு வங்கியாக கருதப்படும் முஸ்லிம்களின் ஓட்டு இதனால் பிரிக்கப்படும் என்று எதிர்பார்க்கப்பட்டது. இதில் ஓரளவு உண்மை இருந்தாலும் இதனால் தி.மு.க.வின் வெற்றியை அது பாதிக்கும் என்று சொல்லிவிட முடியாது. அ.தி.மு.க.வின் வேட்பாளராக எஸ்.எஸ்.சந்திரன் அறிவிக்கப்பட கழகத்தின் வேட்பாளரான தயாநிதி மாறனுக்கு அதிகம் போட்டி இருக்காது என்று கருதப்பட்டது. இத்தகைய சூழ்நிலையில் ஜெயலலிதா தன் கட்சி வேட்பாளரை மாற்றியதோடு அல்லாமல் புதிய வேட்பாளராக ஒரு முஸ்லிம் வேட்பாளரை அறிவித்து இருக்கிறார். ஏற்கனவே கழகத்திடம் முறுக்கிக் கொண்டு போன ம.ம.க. தன்னை அ.தி.மு.க. அரவணைக்கும் என்று எதிர்பார்த்தது. ஆனால் ஜெயலலிதாவோ அவர்களை கண்டு கொள்ளாதது மட்டும்மலாமல் அவர்களின் வாக்கு வங்கிக்கே வேட்டு வைத்து இருக்கிறார்

இந்த வேட்பாளர் தேர்வின் மூலம் தேர்தலுக்கு முன்னரே அ.தி.மு.க.வுக்கு முஸ்லிம் வேட்பாளரை நிறுத்திய பிரதான கட்சி என்ற பெயர் கிடைத்துள்ளது. மேலும் இந்த வேட்பாளர் தேர்வால் ம.ம.க.வுக்கு போக வேண்டிய முஸ்லிம் ஓட்டுகளும் பிரிக்கப்படும். மேலும் தயாநிதி மாறன் தொகுதி என்பதால் இந்த தொகுதியின் வெற்றியை எந்த அளவுக்கு ஜெயலலிதா எதிர்பார்த்து இருக்கிறார் என்பதும் சந்தேகம் தான். ம.ம.க.வுக்கு ஓரளவு வாக்கு வங்கி இருக்கிறது என்பதாலேயே ஜாதி ஓட்டுகளை மட்டுமே எண்ணி பழக்கபட்ட ராமதாஸும் ஓடோடிச் சென்று ம.ம.க.வின் ஆதரவை கேட்டு நின்றார். ஆனால் அதற்கும் வழியில்லாமல் செய்துவிட்டார் ஜெயலலிதா. அவரின் இந்த வேட்பாளர் மாற்ற முடிவால் அ.தி.மு.க.வுக்கு லாபமோ இல்லையோ கண்டிப்பாக ம.ம.க.வுக்கு பெரும் நஷ்டமே மிஞ்சும்

இன்டெல் நிறுவனத்தின் முன்னாள் தலைமை நிர்வாக அதிகாரி திரு.கிரெய்க் பாரட்டுடன் முன்னாள் மத்திய அமைச்சர் திரு.தயாநிதி மாறன்

இவரை உங்களுக்கே தெரியும்

ராமதாஸின் கனவை நிறைவேற்றிய கலைஞர்

2009-04-15T06:23:00.005+05:30

இந்த பதிவு எழுது முன் சக உடன்பிறப்புகளுடன் மீண்டும் ஒருமுறை உறுதிப்படுத்திக் கொண்ட பிறகே எழுதினேன் ராமதாஸ் இன்னமும் திரும்ப நம்ம கூட்டணிக்கே வரவில்லையே என்று. அவர் எப்போ எந்த கூட்டணியில் இருப்பார் என்றே சொல்ல முடியாது. மக்கள் தொலைக்காட்சியில் வானிலை நிலவரம் மாதிரி ராமதாஸின் கூட்டணி நிலவரத்தையும் தினமும் சொன்னால் மிகவும் வசதியாக இருக்கும். ராமதாசுக்கு இவ்வளவு பில்டப் போதும் என்று நினைக்கிறேன்

நம்ம ராமதாசுக்கு கூட்டணி மாறுவதை தவிர மேலும் சில பொழுதுபோக்குகள் உண்டு. அதாவது அவ்வப்போது ஏதாவது சினிமா நடிகரை வம்பிழுப்பது. பாபா படம் வந்த போது ரஜினியுடன் வம்பிழுத்தார், பாபா படப்பெட்டியை தூக்கிக் கொண்டு ஓடினார்கள். அடுத்து விஜயகாந்தையும் சிலகாலம் உரசிப் பார்த்தார் விருத்தாசலத்தில் விழுந்த செம அடிக்கு அப்புறம் கொஞ்சமாக அடக்கி வாசிக்கிறார்

நடிகர்களுடன் மோதிக் கொள்வதை தவிர மீதி நேரங்களில் தமிழ், தமிழ் கலாச்சாரம் என்றும் சில சமயங்களில் காமெடி பண்ணுவார். சில வருடங்களுக்கு முன் தமிழ் படங்களுக்கு தமிழில் தான் பெயர் வைக்க வேண்டும் என்று சொல்லி சில திரைப்படங்கள் வெளிவரும் நேரத்தில் பிரச்சினை செய்தார் அதில் முக்கியமானது மும்பை எக்ஸ்பிரஸ். மும்பை எக்ஸ்பிரஸ் படத்தின் பெயரை மாற்ற சொல்லி பல திரை அரங்குகளில் பிரச்சினை செய்ததோடு அல்லாமல் ஒரு திரை அரங்கில் திரையையும் கிழித்தார்கள். ஆனால் கமல் அவர்களை சட்டை செய்யவே இல்லை. கமல் மட்டுமல்ல திரையுலகை சேர்ந்த யாருமே இவரை கண்டுகொள்ளவே இல்லை

மரம் வெட்ட முடிந்த ராமதாஸால் இந்த விஷயத்தில் ஒரு புல்லை கூட புடுங்க முடியவில்லை. ஆனால் இப்போது பார்த்தோமானால் எல்லா படங்களுமே தமிழ் பெயர் தாங்கி வருகின்றன. இதற்கு காரணம் யார். ராமாதாஸின் மரம் வெட்டும் கோடாரியால் சாதிக்க முடியாததை கலைஞர் தன் கையில் உள்ள பேனாவால் ஒரு கையெழுத்து போட்டு சாதித்தார்

வாரணம் ஆயிரம் என்று பெயரை தமிழில் வைத்துவிட்டு உள்ளே முழுக்க ஆங்கில வசனங்கள் வைத்ததை பற்றி இங்கே சொல்ல வரவில்லை. ஒரு போரட்டத்துக்கு இரு தலைவர்களின் அனுகுமுறையை பற்றி தான் சொல்ல வருகிறோம். படப் பெட்டியை தூக்கிக் கொண்டு போவதாலோ திரையை கிழிப்பதாலோ முடியாத காரியத்தை விவேகத்தோடு செய்து முடித்தவர் தான் கலைஞர்

ரத்த ஆறு ஓடும் என்று பேசுபவர்களால் ரத்த ஆறு ஓட வைக்கவே முடியும் அவர்களால் ஒரு தீர்வையும் முன் வைக்க முடியாது. ஏற்கனவே ஒரு தேசத்தில் ரத்த ஆறு ஓடுவது போதாதா இவர்களுக்கு இங்கேயும் ரத்த ஆறு ஓட வேண்டுமா

அ.தி.மு.க. ஆட்சி - "துக்ளக்" மக்களே மறந்து போச்சா

2009-04-14T11:34:00.007+05:30

இன்று திடீரென்று தமிழ் ஆர்வலர்களாக மாறி தி.மு.க. இலங்கைக்கு உதவி செய்யும் காங்கிரசுக்கு துணை போகிறது என்று முதலை கண்ணீர் வடிக்கும் சந்தர்ப்பவாதிகளே நீங்கள் தலைமுறை தலைமுறையாக ஆதரித்து வரும் அ.தி.மு.க. ஆட்சியின் போது என்ன நடந்தது என்பது மறந்துவிட்டதா

சங்கராச்சாரியார் நேபாளம் தப்பி செல்ல போகிறார் என்று சொல்லி அவரை ஒரு கிரிமினலை துரத்துவது போல் துரத்தி சென்று பிடித்தது யார் ஆட்சியில், சங்கரமடத்துக்குள் போலீஸ் நுழைந்தது யார் ஆட்சியில், சங்கராச்சாரியார் பெண்களுடன் செல்போனில் அரட்டை அடிக்கிறார் என்று பத்திரிக்கைகளில் செய்தி வந்தது யார் ஆட்சியில். அன்று நீங்கள் எல்லாம் கூனிக் குறுகி நின்றீர்களே இன்று நீங்கள் எல்லாம் தமிழ் ஆர்வலர்களா???

முதல்வர் பதவி முட்டாள்களுக்கு உறுத்தல்!

2009-04-13T14:33:00.001+05:30

ஈழத்தமிழர்கள் குறித்து வெளிப்படையான தன் எண்ணத்தைச் சொல்லி அல்லது ஈழத்தமிழர்களின் நலனுக்காக கலைஞர் பதவி துறப்பாரா ? என்று அரைவேக்காட்டுத்தானமான கேள்விகள் எழுகின்றன.

ராஜிவ் காந்தி கொலையை திமுக தூண்டிவிட்டு நடத்தியதாக வாக்களர்களை நம்ப வைத்து பின் வாசல் வழியாக உள்ளே நுழைந்த ஜெயலலிதாவை அடுத்த தேர்தலின் போதே வாக்காளர்கள் உணர்ந்து கொண்டு வீட்டுக்கு அனுப்பினர். தன் வெற்றிக்கு இராஜிவின் மரணம் மூலதனம் என்பதை ஒப்புக் கொள்ள மறுத்த ஜெ தன் செல்வாக்கால் வெற்றி பெற்றதாக ஒரு கட்டத்தில் அறிவித்து காங்கிரசாருக்கு எரிச்சலை ஏற்படுத்தினர்.

ஜெ வின் அரசியலை நன்றாக புரிந்து கொண்ட மக்கள் அடுத்த தேர்தலில் ஆண்டிப்பட்டியில் அவரை புறமுதுகிட்டு ஓட வைத்தனர். 1996 ல் நடந்த தேர்தலில் கலைஞரின் திமுக ஐந்து ஆண்டுகளுக்கு ஆட்சிபுரிந்து சமத்துவ புரம், ஏழைப்பெண்களுக்கு இலவச திருமணம் போன்று பல நல்ல திட்டங்களைக் கொண்டுவந்தது.

ஜெ ஆட்சியில் கிராமங்களில் கஞ்சி தொட்டி திறந்தது போன்ற அவல நிலை எதுவும் இல்லாவிட்டாலும் 'பணப் புழக்கம் இல்லை' என்ற பொய்பிரச்சாரத்தை ஆதிக்க பத்திரிக்கைகளுக்கு பேட்டியாக கொடுத்து அதைப்பற்றியே அந்த பத்திரிக்கைகளில் தலையங்கமாக எழுத / பேச வைத்து மக்கள் மனதில் அப்படி ஒரு எண்ணத்தை ஏற்படுத்தினார் ஜெ. இதற்காக அவரது குலக்கொழுந்துகளான சோ வகையறாக்கள் பெரிதும் உதவினர்.

அதுமட்டுமல்ல லெட்டர் பேடு கட்சிகளையெல்லாம் கூட்டணியில் சேர்ந்து கொண்டு மாபெரும் கூட்டணி என்ற மாயை ஏற்படுத்தியும், மதிமுக - திமுக கடைசி கட்ட மோதல்களில் தனித் தனியாக பிரிந்ததன் மூலம் குறைந்த வாக்கு வேறுபாட்டில் பல இடங்களிலும், மூப்பனார் தாமாக தந்த தமாகா கூட்டணி (செத்தும் கெடுத்தார் இந்த சீதக்காதி) தயவினாலும் அதிமுக வெற்றி பெற்றது.

இதையெல்லாம் அரசியல் அறிந்தவர்களுக்கு நன்கு தெரியும், ஜெயலலிதாவுக்கு தனிப்பட்ட செல்வாக்கு என்ற இமேஜ் அவர் ஆண்டிப்பட்டியில் யானையின் காதில் புகுந்த சிற்றெறும்பான சுகவனத்திடம் தோற்றபோதே உடைந்துவிட்டது. சென்ற தேர்தலில் கூட்டணிக்காக ஜெ எவ்வளவோ முயன்றும் காங்கிரஸ் அதிமுகவை நெருங்கும் வாய்ப்பு அமையவில்லை என்பதால் வேறு வழியின்றி தானே விலங்கு மாட்டிய வைகோவிற்கு தன் கையால் பூச்செண்டு கொடுத்து போஸ் கொடுத்தார். அரசியலில் நேர்மையோ, வெட்கமோ எதுவும் இல்லை என்பதற்கு சாட்சியாக இருவரின் புகைப்படமும் வரலாறு படைத்தது. தமிழின வரலாற்றில் எட்டப்பனுக்கு இணையான இடம் வைகோவுக்கும் கிடைத்தது.

கடைசியாக நடந்த தேர்தலில் அதிமுக இமாலய வெற்றி பெறும் என்றும் அதிமுகவுக்கு வாக்களிக்க வேண்டும் என்று வெட்கத்தை விட்டு சோ ராமசாமி போன்றவர்கள் தங்கள் பத்திரிகைகளில் எழுதினார்கள். ஜெ. விசுவாசம் கொண்ட வடநாட்டு பத்திரிகைகள் அதிமுகவுக்கு ஏதோ பெரிய மக்கள் ஆதரவு இருப்பது போலவும், அவர் தென்னாட்டு மார்க்கெட் தாட்சர் போலவும் சித்தரித்து கட்டுரைகளையும், கருத்துக்கணிப்புகளையும் எழுதினார்கள்.

திமுக - கூட்டணி கட்சிகள் வெற்றிபெரும் என்று ஒரு சிலர் மட்டுமே சொன்னார்கள். அவர்களும் கூட திமுக தனித்து ஆட்சி அமைப்பதற்கு வாய்ப்பு இல்லை என்றே சொன்னார்கள். ஏனென்றால் கூட்டணி கட்சிகளுக்கு எட்டாம் வள்ளலை போல இடங்களை வாரியிறைத்து திமுகவை பலமற்றதாக்கியிருந்தார் கலைஞர்.

என்னன்னவோ முயற்சித்தும் அதிமுக வெற்றி பெறமுடியவில்லை. போதாக்குறைக்கு விஜயகாந்த் ஒருபக்கம் அதிமுக வாக்கு வங்கி வாக்காளர்களில் உள்ள திரை ரசிகர்களை இழுக்க, திரைப்பட ஹீரோவுக்கு ஒட்டுப்போடும் வாக்காளர்களின் பெரும் பகுதியை அதிமுக இழந்தது.

********

தற்போது எந்த விதத்திலும் கலைஞர் ஆட்சியை கவிழ்க்க முடியாது என்பதால் ஈழப்பிரச்சனையில் தங்களுக்கு அக்கறை உள்ளது போல் காட்டிக் கொள்வதற்காக கலைஞரைப் பார்த்து 'ஈழத் தமிழர் நலனுக்காக பதவி விலக தயாரா?' என்று கேட்கிறார்கள், இதன் மூலம் கலைஞர் அக்கறை இல்லாதவர் என்ற பிம்பத்தை ஏற்படுத்துவது, ஒரு வேளை கலைஞர் கோபப்பட்டு பதவியை தூக்கி எரிந்தால் தேர்தலில் தில்லுமுல்லு செய்து, சோ ராமசாமி மூலமாக யாரையாவது வளைத்து (வைகோ எப்பவுமே அனாதைதான்) மீண்டும் ஆட்சியைப் பிடிக்கலாம் என்ற நப்பாசை ஜெவுக்கும், அவரை ஆதரிக்கும் மரம்வெட்டி கோமாளிகளுக்கும் ஏற்பட்டு இருக்கிறது.

கலைஞர் ஈழத்தமிழர்களுக்காக தியாகம் செய்யாதவாரா?

இராஜிவ் காந்தி கொலையில் அவருக்கு நேரடி தொடர்பு இருப்பது போல் குற்றம் சுமத்திய போது, மறுத்து எதுவும் பேசாமல் தான் செய்யாத குற்றத்திற்கு தண்டனையாக கிடைத்த தேர்தல் தோல்வியில் துவண்டுவிடாமல் இருந்தது. தன் மீது விழுந்த வீன் பழியை எந்த மேடையிலும் சொல்லிக் காட்டி அனுதாபம் தேடாதது இதெல்லாம் தியாகம் இல்லையா? தான் குற்றமற்றவர், விடுதலை போராட்ட அமைப்புகள் தான் இதற்கெல்லாம் காரணம் என்று அவர் வெளிப்படையாகவே சொல்லி இருக்க முடியும் தானே?

ஏன் சொல்லவில்லை. தானே அவ்வாறு சொன்னால் தமிழர் எவருமே ஈழத்தமிழர்களுக்கு குரல் கொடுக்க முன்வரமாட்டார்கள் என்ற உயர்ந்த எண்ணமே காரணம். தான் பேசாமல் இருந்துவிட்டால் அவர் கருத்தையே அக்கறை உள்ள பலரும் ஈழத்தமிழர்கள் குறித்த கருத்தாக பேசுவார்கள் என்பதே காரணம். அவர் வெளிப்படையாக பேசினால் அதை மலின அரசியல் ஆக்கி காங்கிரசிடம் ஆதாயம் அடைய முயல்வார்கள். அது தமிழ்நாட்டு நலனுக்கும், ஈழத்தமிழர் நலனுக்கும் கேடாக போய்விடும் என்பதாலேயே மெளனமாக இருந்தார், இருக்கிறார்.

இப்போது சொல்லுங்கள். கலைஞர் ஈழத்தமிழர்களுக்காக தியாகம் செய்யாதவரா ?
முட்டாள்களின் எண்ணத்தில் இருப்பது ஈழத்தமிழர்களின் மீதான அக்கறையா? அல்லது கலைஞர் அமர்ந்திருக்கும் முதல்வர் நாற்காலியா?

வைகோவுக்கு வந்த கட்டளை பலன் தருமா

2009-04-13T07:54:00.006+05:30

அ.தி.மு.க.வுடன் நெடுங்காலமாக கூட்டணி வைத்து இருக்கும் ம.தி.மு.க. தலைவர் வைகோ இந்த தேர்தலுக்கான தொகுதி ஒதுக்கீட்டில் தனக்கு உரிய மரியாதை தரப்படாததோடு உதாசீனப்படுத்தப்படுவதாகவும் உணர்ந்தார். கூட்டணியை விட்டு விலகி வேறு அணி அமைக்கும் அளவுக்கு அவர் புறந்தள்ளப்பட்டார். ஆனால் திடீரென்று நான்கு சீட்டுகளுக்கு சம்மதித்து தொகுதி உடன்பாடு கண்டார். இதற்கு வைகோவுக்கு ஈழத்து உறவுகளிடம் இருந்து வந்த அன்புக்கட்டளை தான் காரணம் என்று வலைப்பூவில் எழுதுகிறார்கள்

இந்த தேர்தலில் காங்கிரஸ் கூட்டணி தோற்கடிக்கப்பட்டால் தான் இந்தியாவிடம் இருந்து எந்தவொரு உதவியும் எதிர்பார்க்க முடியும் அதனால் தான் வைகோ அவமானப்பட்டாலும் பரவாயில்லை என்று கூட்டணியில் தொடர்வதாக சொல்லப்படுகிறது. இந்த தேர்தலில் அ.தி.மு.க.வும் பா.ஜ.க.வுடன் கூட்டணி இல்லை என்று சொல்லிவிட்டது. அப்படியே தேர்தலுக்கு பின் பா.ஜ.க.வுக்கு அ.தி.மு.க. ஆதரவு அளித்தாலும் தான் விரும்பியது நடக்காவிட்டால் ஜெயலலிதா பா.ஜ.க.வை சும்மா விடுவாரா என்பது சந்தேகமே. அத்வானியை நியாபக மறதிக்காரர் என்று விமர்சித்தது இதே ஜெயலலிதா தான்

ஜெயலலிதாவின் புலி எதிர்ப்பு உலக பிரசித்தி. ஒருவேளை இந்த தேர்தலில் காங்கிரஸ் கூட்டணி தோற்கடிக்கப்பட்டால் தன்னை மீறி பா.ஜ.க. புலிகளுக்கு உதவி செய்ய ஜெயலலிதா அனுமதிப்பாரா என்பதும் சந்தேகமே

இறுதியாக ஒரு கேள்வி, அப்படியே ஜெயலலிதா உதவுவதற்கு முன் வந்தாலும் தொகுதி பங்கீட்டுக்கே அடுறா ராமா தாண்டுறா ராமா என்கிற ரேஞ்சில் எல்லா கரணங்களும் போட்டு தான் பெற வேண்டி இருக்கிறது, நாலு சீட்டுக்கே நானிக் குறுகி நிற்க வேண்டி இருக்கிறது, ஈழத்துக்கான உதவிகள் மட்டும் கேட்ட உடனேயே கிடைத்து விடுமா

எல்லோரும் உணர்ச்சி வசப்பட்டு இருக்கும் இந்த நேரத்தில் எது எழுதினாலும் படிப்பவர்கள் படிப்பார்கள் என்கிற எண்ணத்தில் பலரும் எழுதிவருகிறார்கள், அவர்கள் எண்ணம் நிறைவேறினால் நமக்கும் மகிழ்ச்சி தான். கேட்டவுடனேயே உதவிகள் கிடைக்கும் என்றால் எல்லோருக்கும் மகிழ்ச்சி தான்

இதே கருத்தை கோவியார் தனக்கே உரிய பாணியில் இங்கே அலசி இருக்கிறார்
கொஞ்சம் புலம்பல்

தேர்தல் - முஸ்லிம்களுக்கு அல்வா

2009-04-11T09:46:00.005+05:30

சில தினங்களுக்கு முன் ஒரு பதிவை பார்க்க நேரிட்டது முஸ்லிம்கள் ஓட்டு எங்களுக்கு தேவை இல்லை தி.மு.க சூசகம்! என்றும் அதனால் இந்த தேர்தலில் தி.மு.க.வை புறக்கணிக்குமாறும் அந்த பதிவில் கேட்டுக் கொள்ளப்படிருந்தது. தி.மு.க.வுக்கு வாக்களிக்காவிட்டால் யார் வருவார்கள் என்று இவர்களுக்கு தெரியாதா?

தி.மு.க. தன் கூட்டணியில் உள்ள முஸ்லிம் லீக்கிற்கு ஒரு இடம் கொடுத்துள்ளது ஆனால் அ.தி.மு.க.வோ ஒரு முஸ்லிம் வேட்பாளரை நிறுத்தாததோடு மட்டுமல்லாமல் முஸ்லிம் இயக்கத்தை சேர்ந்த்த எந்த ஒரு கட்சியையும் திரும்பிக் கூடப் பார்க்கவில்லை. தன் கூட்டணியில் பல காலமாக இருக்கும் இருக்கும் முஸ்லிம் கட்சியானாலும் சரி தனக்கு வேண்டிய சீட் கிடைக்காததால் முறுக்கிக் கொண்டு போன ம.ம.க.வாகட்டும் அ.தி.மு.க. அவர்களை திரும்பி கூட பார்க்கவில்லை. ஏற்கனவே முஸ்லிம்களே இல்லாத அமைச்சரவையை நடத்திய பெருமைக்குரியவர் தான் ஜெயலலிதா

தி.மு.க.விடம் முறுக்கி கொண்டு போன எல்லா கட்சிகளின் நிலைமையையும் பார்த்தோம், கம்யூனிஸ்டுகளாகட்டும் வைகோவாகட்டும் எல்லோருமே கெஞ்சி கூத்தாடி தான் சீட்டுகளை பெற்றனர் அதுவும் அவர்கள் விரும்பிய சீட்டுகள் கூட கிடையாது. இதில் இருந்து தப்பித்தவர் ராமதாஸ் மட்டுமே அதுவும் அவர் வளர்த்து வைத்து இருக்கும் ஜாதி சங்கத்தால் மட்டுமே. அது இல்லை என்றால் அவருக்கும் இதே நிலை தான்

முஸ்லிம்களாகட்டும் ஈழம் ஆகட்டும் அல்லது வேறு யாரகட்டும் தமிழகத்தில் இரண்டே நிலைகள் தான் இங்கு ஏதாவது கிடைக்கும் அங்கு எதுவுமே கிடைக்காது. இங்கே தான் முறுக்கி கொள்ள முடியும் அங்கே போனால் சுருட்டிக் கொள்ள வேண்டும்

வில்லு - விஜய்க்கு நன்றி

2009-01-22T09:20:00.003+05:30

குருவி படத்தை பார்த்துவிட்டு வந்து வாய்க்கு வந்தபடி எல்லாம் வசைமாறி பழித்தவர்களுக்கு தனது வில்லு திரைப்படம் மூலம் சரியான பதிலடி கொடுத்த விஜய்க்கு நன்றிகள் பல. வில்லு படத்தை பார்த்து விட்டு நொந்து போனவர்கள் எல்லாம் குருவி படத்தை போற்றுகிறார்கள்

கலைஞருக்கு 'செம்மொழிச் செம்மல்' விருது!

2008-12-05T13:32:00.002+05:30

முதல்வர் கலைஞருக்கு டெல்லி தமிழ்ச் சங்கம் சார்பில் செம்மொழிச் செம்மல் விருது வழங்கப்பட்டது. இதற்கான விழா டெல்லி ராமகிருஷ்ணாபுரத்தில் உள்ள தமிழ்ச் சங்கத்தில் நேற்று நடந்தது. இதே நிகழ்ச்சியில் திருவள்ளுவர் சிலை நாட்டுவிழா, முத்தமிழ் தோரண வாயில் கால்கோள் விழா ஆகியவையும் நடந்தன. முதல்வர் கலைஞர் திருவள்ளுவர் சிலையை நாட்டி சிறப்புரை ஆற்றுகிறார்.

இதில் டெல்லி முதல்வர் ஷீலா தீட்சித், மத்திய உள்துறை அமைச்சர் ப.சிதம்பரம், நெடுஞ்சாலைத்துறை அமைச்சர் டி.ஆர்.பாலு, கவிஞர் வைரமுத்து ஆகியோரும் கலந்து கொண்டு உரையாற்றினர். சங்கத் தலைவர் கிருஷ்ணமணி தலைமையில் நடந்த இந்த நிகழ்ச்சியில் சங்கப் பொதுச் செயலாளர் முகுந்தன் வரவேற்புரை ஆற்றுகிறார், இணைச் செயலாளர் ராகவன் நாயுடு நன்றி கூறினார்.

செய்தி உதவி : கோவி கண்ணன் & தட்ஸ் தமிழ்

ஜெ.ஜெ. பிக்சர்ஸ் பெருமையுடன் வழங்கும் "இம்சை அரசி"

2008-12-03T09:13:00.008+05:30

தயாரிப்பு: செல்வி ஜெயலலிதா
கூட்டு தயாரிப்பு: தோழி சசிகலா
பட்ஜெட்: எந்திரன் 100 கோடி எல்லாம் ஒரு பட்ஜெட்டா இந்த படத்தில் ஒரு கல்யாண சீனுக்கே பல நூறு கோடிகள் செலவழித்துள்ளார்கள்
கதை: உலகமகா மேதாவி 'சோ'ராமசாமி
திரைக்கதை: மூத்த பதிவர் T.V.Radhakrishnan
இயக்கம்: செல்வி ஜெயலலிதா
வசனம்: வைகோ
மொழிபெயர்ப்பு: டோண்டு ராகவையங்கார்
பாடலகள்: 'மானாட மார்பாட' ஞாநி
வில்லன்: சுதாகரன்
வில்லி: சந்திரலேகா
அறிமுக வில்லன்: சங்கராச்சாரியார்
காமெடி: சுப்பிரமணிய சுவாமி
சண்டை பயிற்சி: வால்டர் தேவாரம்
உதவி இயக்குநர்கள்:
மதுசூதனன் ராமானுஜம்
வீ தெ பீப்பிள்
மாயவரத்து 'ஜெ' அடிவருடி மற்றும் பல பதிவுலக மேதாவிகள்

கதைச் சுருக்கம்: இது ஒரு முழு நீள நகைச்சுவை திரைப்படம். 'சோ'ராமசாமியும் டீமில் இருப்பதால் காமெடிக்கு பஞ்சமே கிடையாது. மதமாற்ற தடைச் சட்டம் பின்னர் வாபஸ், அரசு ஊழியர்கள் பணி நீக்கம் பின்னர் வாபஸ் போன்று ரசிகர்களின் வயிற்றை பதம் பார்க்கும் நகைச்சுவை காட்சிகள் ஏராளம்

பாடல் காட்சிகள்களுக்கு வெளிநாடு செல்லாமல் உள்ளூர் கொடாநாட்டிலேயே படம் பிடித்து இருப்பது மிகப் பெரிய ஆறுதல்

கிளைமாக்ஸ் சண்டைக் காட்சியில் ஒரு பேரூந்தை தீ வைப்பது போன்ற மயிர் கூசச் செய்யும் காட்சிகளும் உண்டு

பின் குறிப்பு: சிங்கப்பூர் விநியோகஸ்தருக்கு ஒரு நல்ல ஆளாக தேடிக் கொண்டு இருப்பதாக கேள்வி. ஆர்வம் இருப்பவர்கள் விண்ணப்பிக்கவும்

ஜெயலலிதா முதல்வராய் இருந்திருந்தால்....

2008-10-28T08:51:00.003+05:30

இந்த பதிவிற்கு தலைப்பு முதல்வராய் என்பதற்கு பதில் சாதியை பறைசாற்றும் விதமாக அமைத்து இருக்கலாம். ஆனால் அவர்கள் அளவுக்கு கீழே இறங்கி போக விரும்பவில்லை. நாம் ஏற்கனவே போலி பற்றிய பதிவில் சொன்னது போல் நாம் யாரும் பார்ப்பனீயத்தை பற்றி பேசுவதை நிறுத்திவிட்டால் அவர்களுக்கு பிழைப்பு ஓடாது. அதை அவர்களே கிளறிவிட்டுக் கொண்டு இருப்பார்கள். நாம் போலி பதிவில் சொன்னதை நூற்றுக்கு நூறு நிரூபித்து இருக்கிறார்கள் தங்கள் செயல் மூலம்

இலங்கை பிரச்சினை மூலம் அதிக கொள்ளை இலாபம் அடைந்தவர்கள் அவர்களே என்றால் மிகையாகாது. தமிழர்கள் என்றும் ஒன்று சேர்ந்துவிடக் கூடாது என்பது தான் அவர்கள் எண்ணம். அவர்களின் எண்ணத்தில் மண்ணை அள்ளி போட்டது இலங்கை பிரச்சினை. ஈழத் தமிழர்களுக்கு ஆதரவாக தமிழர்கள் ஒன்று சேர்வதை கண்டதும் அதற்கு முதலில் முட்டுக்கட்டை போட்டது அவர்கள் தான். இந்திய இறையாண்மை என்ற அஸ்திரத்தை ஏவினார்கள். அந்தோ பரிதாபம்! இப்போது யாரும் வெளிப்படையாக கருத்து தெரிவிப்பதற்கு கூட அஞ்சுகிறார்கள். அவர்களின் முதல் திட்டம் நிறைவேறிவிட்டது

பேசினாலே சட்டம் பாயும் நிலை ஏற்படுத்திவிட்ட பின்பு கலைஞர் என்ன செய்ய வேண்டும் என்று எதிர்பார்க்கிறார்கள் இவர்கள். அவர் தனது ஆட்சியை இழக்க வேண்டுமாம். அவர் ஆட்சியில் இருக்கும் போதே இந்த ஆட்டம் போடுகிறீர்களே அவர் ஆட்சியையும் பறித்துவிட்டால் நீங்கள் என்னென்ன செய்வீர்கள் என்று சொல்லவும் வேண்டுமோ. இவர்கள் வடிப்பது ஈழத்தமிழர்களுக்கான நீலிக் கண்ணீர் அல்ல. கலைஞர் ஆட்சியை காவு வாங்க காத்திருந்து காய்ந்த கண்களின் கண்ணீர்

சரி, நம் கேள்விக்கு வருவோம் "ஜெயலலிதா முதல்வராய் இருந்திருந்தால்.... " என்ன செய்து இருப்பார். கலைஞர் எடுத்த முயற்சியில் எந்த ஒரு துளியும் எடுக்காமல் கொடநாட்டில் ஓய்வு எடுக்க போயிருப்பார். அப்போது இவர்கள் வேறு மாதிரி எழுதிக் கொண்டு இருப்பார்கள்

நன்றி வைகோ

2008-10-24T19:26:00.002+05:30

பல வருடங்களுக்கு பிறகு தமிழ்நாட்டில் ஈழத் தமிழர்களுக்கு ஆதரவான நிலை உருவாகி இருந்தது. ஈழத்
தமிழர்களுக்கு ஆதரவாக பல தரப்பில் இருந்தும் ஆதரவுக் கரங்கள் நீண்டன. இதற்கெல்லாம் முத்தாய்ப்பாக
கலைஞர் அவர்களும் களம் இறங்கினார். இப்படிப்பட்ட சூழலில் ஆயுதம் ஏந்தி போராடுவேன் என்று பேசும்
அளவுக்கு வைகோவுக்கு என்ன அவசியம் வந்தது

உணர்ச்சி வசப்படுவதற்கு பெயர் போன வைகோ ஈழப் பிரச்சினையில் அதீத உணர்ச்சி வசப்படுவதில் எந்த வித
ஆச்சர்யமும் இல்லை. இன்று வரை கள்ளத் தோணியில் இலங்கை சென்று வந்ததை அவர் மறுத்ததாக
தெரியவில்லை. அப்படிப்பட்டவர் உணர்ச்சி வசப்பட்டு தீவிரவாதத்தை தூண்டும் வரை போனது மிகப் பெரிய
முட்டாள் தனம். தலைவர் பாதையை விட்டு விலகாத கண்ணப்பணும் தன் பங்குக்கு ஏதேதோ உளறிக் கொட்டி
இருக்கிறார்

வைகோ உணர்ச்சி மேலிடும் போது எந்த அளவுக்கும் செல்வார் என்பதை உலகுக்கு காட்டிவிட்டார். இங்கே
ஒன்றை நினைவுபடுத்தி கொள்ள விரும்புகிறேன். வைகோவை கழகம் நீக்கிய போது வைகோவால் தலைவர்
உயிருக்கு ஆபத்து என்ற உளவுத் துறையின் செய்தி ஆதாரமாக சொல்லப்பட்டது. ஆனால் வைகோவோ
ஸ்டாலினை கட்சியில் முன்னிலைப்படுத்துவதற்காக தன் மீது அபாண்ட பழி சுமத்தப்படுவதாக ஒப்பாரி
வைத்தார். அவர் உணர்ச்சி மேலிடும் போது தான் என்ன செய்கிறார் என்றே தெரியாமல் செயல்படுவார்
என்பதை அவருடைய சமீபத்திய பேச்சுக்கள் மீண்டும் நிரூபித்து இருக்கின்றன.
உங்கள் உண்மை முகத்தை உலகுக்கு வெளிக் காட்டி கொண்டதற்கு நன்றி வைகோ

அம்மாவின் கபட நாடகம் பாரீர்.

2008-10-16T12:52:00.003+05:30

அம்மாவின் கபட நாடகம் பாரீர்.

அட, இந்த அம்மா கூட இலங்கை தமிழருக்கு ஆதரவா பேசுதேனு ஒரு ஆச்சரியம்.. அதெல்லாம் ஒரு மன்னும் இல்லனு தெளிவு படுத்திய அம்மாவுக்கு நன்றி..

தந்தி அடியுங்கள் என்ற சொன்னவுடன் , என்ன தந்தி, பாராளுமன்ற உறுப்பினர் பதவியை ராஜினாமா செய்யச்சொல்ல வேண்டியது தானேனு அம்மா கத்துச்சி.. இப்போ அதுவே தீர்மானமாக அனைத்து கட்சிக்கூட்டத்துல வந்தப்ப, மொதல்ல, நான் சொன்னதுக்காத்தான் கருணாநிதி இப்படி முடிவு எடுத்தார்னு ஒரு அறிக்கை விட்டுச்சு.. அந்த பப்பு வேகல.. கலைஞர் எடுத்த இந்த முடிவுக்கு எல்லோரும் , ஆதரவு தந்தத பார்த்து அதுக்கு உள்ளே ஒரு உதறல்..

இப்பொ என்னடானா, அயிரெத்துட்டு கேள்வி கேட்குது.. அமைச்சர் பதவி விலகுவாங்களா.. அது இதுனு,

அட லூசே.. அனைத்து தமிழக பாராளுமன்ற உறுப்பினர்கள்னு தெளிவா சொல்லிட்டாங்களே அப்புறம் ஏன் ஒப்பாரி உனக்கு?? வக்கிருந்து உங்க கட்சி சார்ப்பா அனைத்து கட்சி கூட்டத்து போய் இருக்கனும்.. அத விட்டுட்டு லூசு முன்டம் மாதிரி அறிக்கை விடற... அதுக்கு அந்த வைக்கோல்சாமி வேற ஒத்து...

யம்மா.. நீ வழக்கம் போல, தாம்பரம் 2 வது முட்டுசந்துல அ தி மு க போராட்டம் , கிழக்கு சைதாப்பேட்டைல மூனாவது மூத்திர சந்துல ஆர்ப்பாட்டம்னு அறிக்கைவிட்ட்கிட்டு வேலைய பாரு.. லூசுத்தனமா, உனக்கு சம்பந்தமே இல்லாத தமிழர் பிரச்சனைக்கு தலைய விடாதே.. சரியா..

இது நீலிக்கண்ணீர் விடுது.. இலங்கை பிரச்சனை பற்றிய உன் மூஞ்சி லட்சணம் என்னனு ஊருக்கே தெரியும், இப்போ திடிர்னு நீ வந்து சும்மா ஆதரவு அறிக்கை விடுறீயா??

இதுல ரெண்டு பக்கம் இருக்கு , ஒரு பக்கத்தை ஆதரிக்கிறேன், இன்னொரு பக்கத்தை கடுமையா எதிர்க்கிறேன்னு அறிக்கை விட்டுது இந்த லூசு இரண்டு நாளைக்கு முன்னாடி.. இப்போ வந்திருக்க கடைசி அறிக்கைய பாருங்க.. என்ன நாடகம் ஆடுது இந்த புண்ணாக்கு.

லூசே, இப்போ சொல்றீயே.. இலங்கையில் தற்போது நடக்கும் உள்நாட்டுப் போரை நிறுத்தும் அதிகாரம் இந்திய அரசிடம் இல்லை நு , அட முன்டமே. அப்புறம் என்னத்துக்கு இங்கே இருந்து எதுக்கு அறிக்கை விட்டே?? மத்திய அரசில் இருக்கும் கருணாநிதி இதை பற்றி ஏன் பேசலனு..

லூசு அம்மாவின் பதில் - அட , கருனாநிதி இலங்கையோட அமைச்சரையில் இடம்பெற்றிருக்காருன்னா நெனைச்சுன்டிருக்கேன்... அவா கூட இல்லையா....

இலங்கை உள்நாட்டு விஷயத்தில் இந்திய அரசு தலையிட்டால், நம் நாட்டு உள் விவகாரத்தில் அண்டை நாடுகள் தலையிட வாய்ப்பு ஏற்படும். அப்பாவி இலங்கைத் தமிழர்கள் மீது தொடுக்கப்படும் ராணுவ தாக்குதல் உடனே நிறுத்தப்பட வேண்டும்' என்பது தான் தற்போதுள்ள முக்கிய பிரச்னை

லூசு அம்மா, இந்தியா தலையிடவும் கேட்கக்கூடாது, தாக்குதல்களும் நிக்கனும் . என்ன கணக்கு இது? அப்புறம் ஏன் இங்கே இருந்து அறிக்கை விடற அதுவும் மத்திய அரசுக்கும், மாநில அரசுக்கும் எதிரா..?

லூசு அம்மா பதில் - அட ஆமா, சரி சரி.. அப்போ , இந்தியால இருக்கு எல்லா எல் கே ஜி, யூ கே ஜி க்கும் 2 நாள் லீவு விட்டுடலாம், இலங்கை அரசு பயந்துடும்.. அப்படியும் பயப்படலனா... போயஸ் தோட்டம் பக்கத்துல இருக்க மூத்திர சந்துல ஒரு ஆர்ப்பாட்டம் நடத்தி நடுநடுங்க வெக்கலாம்..

இது ஓக்கே வாம் , அது ஓக்கே இல்லையாம்.. சரி இந்தியா தலையிட்டு பேசலாம்னா , அது கூடாதாம், அது இந்திய இறையான்மையை பாதிக்குமாம்..

அட லூசே , என்னத்தான் நிலை நு தெளிவா சொல்லு... நீ அரசியல் குளிர் காயறதுக்கு, நடுவுல பூந்து குளிர்காயாதே.. ஓடு உன் கொட நாடு எஸ்ட்டேட்டுக்கு,குளிர் காயனும்னா..

இந்தியா எதுவும் செய்ய முடியாதுனு பேசுற நீ மத்திய , மாநில அரசுக்கு எதிரா வாய் சவடால் அறிக்கை விடாம எல்லாத்தையும் பொத்திக்கிட்டு இரு.. சரியா.. இல்லைனா ராஜபக்சேக்கு எதிரா அறிக்கை விடு.. அத விட மாட்டே, ஏன்னா வைக்கோல்புலி ஏற்கனவே சொன்ன மாதிரி நீ சந்திரிக்காவின் ஊது குழல் தானே.. . வைக்கோல் புலி அதை இப்போ மறந்திருக்கலம்..

லூசு அம்மா - மத்திய மாநில அரசு இந்தியாவுலயா இருக்கு?? இது தெரியாம போச்சே...

ஓரணியில் திரளக் கூடாதோ?

2008-10-09T15:37:00.000+05:30

சரித்திரம் படைத்த தமிழர்
சாகிறார் என்ற செய்தி
செவியினில் எட்டியவுடன்
கதவு திறந்தது - மத்தியப் பேரரசு - நம்
கதறல் கேட்டு; கண்ணீர் துடைக்க
கரமும் நீட்டியது.

நாடு கடந்து வாழ்கின்ற
நார்வே தமிழ்ச் சங்க நண்பர்களும்;
நம்பிக்கை துளிர்த்திடக் கடிதம் எழுதி
நன்றி தெரிவிக்கின்றார்! இலண்டன்
நாடாளு மன்றத் தமிழ் உறுப்பினர் குழுவின்
நற்றமிழர் சார்பில் நமது முயற்சியைப் பாராட்டி
வீரேந்திர சர்மா வெளியிடுகிறார்,
விடியல் தோன்றுமென்று!
வெந்த புண்ணுக்கு மருந்தாக வன்றோ
வெளிநாட்டில் வாழ்கின்ற இன உறவுத்
தமிழர்களின் இதயம் துடிக்கிறது!
அமெரிக்க மருத்துவர் பஞ்சாட்சரம் என்பார்
அடைந்திடும் மகிழ்ச்சிக்கு அளவு தான் ஏது?

இலங்கைத் தமிழரசுக் கட்சித் தலைவர் சேனாதிராஜா, எம்.பி.,
இதயம் மலர இனிய வாழ்த்துக் கூறி இன்புறுகின்றார் -
வட அமெரிக்கத் தமிழ்ச் சங்கப் பிரதிநிதிகள் -
வாழ்த்துக்களை வாரியன்றோ இறைக்கின்றார்
வற்றாத அன்பைப் பொழிந்து இலங்கையில்
பொற்றாமரை போல் அமைதி பூத்திட தவமிருக்கின்றார் -
உலகத் தமிழ்ச் சாதி ஒன்று திரண்டு ஓர் உளம் கொண்டு
உதயமாகட்டும் ஈழத்தில் அமைதியென்று இறைஞ்சி நிற்கும்போது;
இங்குள்ள தமிழரிடை ஆயிரம் அரசியல் வேறுபாடு உண்டெனினும்
மூட்டை கட்டி அவற்றையெல்லாம் வைத்து விட்டு -
ஒன்றுபட்டு இலங்கைத் தமிழர் கேட்டை நீக்கிட
ஓரணியில் தான் திரளக் கூடாதோ?

- தலைவர் கலைஞர்

ஒகேனக்கல் திட்டம்

2008-10-08T12:43:00.003+05:30

ஒகேனக்கல் குடிநீர் திட்டம். இத்திட்டத்தால் தர்மபுரி, கிருஷ்ணகிரி பகுதிகளில் வாழும் 30 லட்சத்துக்கும் அதிகமான மக்கள் பயன்பெறுவர்.

இந்த திட்டத்துக்கான மேலான்மை பணிகளை கவனிப்பதற்கான நிறுவனத்தை தேர்ந்தெடுக்கும் பணிகள் இதுவரை நடைபெற்று வந்தன. பல நிறுவனங்களின் விண்ணப்பத்தில் இருந்து ஆராய்ந்து தற்பொழுது ஜப்பானின் நிப்பான் கோய் என்ற நிறுவனம் தேர்வு செய்யப்பட்டிருக்கிறது(ஆதாரம்: டைம்ஸ் ஆஃப் இந்தியா. அக்டோபர் 4 இதழ்). இந்நிறுவனம் திட்டத்தின் கட்டுமானத்திற்கு தேவைப்படும் தொழில்நுட்பங்கள் தொடர்பாக ஆராய்ந்து அது தொடர்பான பணிகளில் கை தேர்ந்தவர்களின் உதவியோடு சிவில் வேலைகளுக்கான நிறுவனங்கள் தேர்ந்தெடுக்கப்பட்டு, திட்டம் முடிவடையும்(2012) வரை அதன் நிர்வாகத்தில் ஈடுபடும்.

இந்த பணிகள் எல்லாமே முன்னதாகவே நிர்ணயிக்கப்பட்ட கால வரையறைக்குள்ளாகவே நடைபெற்று வருகின்றன.

தமிழக நதிகள் இணைப்பு திட்டம்

2008-10-07T21:12:00.003+05:30

தமிழகத்தில் காவிரி ஆற்றை குண்டாற்றுடன் இணைக்கும் திட்டத்துக்கான டென்டர் தமிழக அரசால் கோரப்பட்டுள்ளது. கடந்த ஆண்டு இத்திட்டத்திற்கான சாத்தியக்கூறுகள் பற்றி ஆராய குழு அமைக்கப்பட்டது. அடுத்து பட்ஜட்டிலேயும் அறிவிக்கப்பட்டது. சமீபத்தில் கலைஞர் திட்டத்துக்கான அடிக்கல் நாட்டினார். தற்பொழுது டென்டர் கோரப்பட்டு, விரைவில் இணைக்கும் பணிகள் துவங்கப்படவிருக்கிறது.

முதற்கட்டமாக காவிரியையும் வைகை ஆற்றுடனும் குண்டாற்றுனடனும் இணைக்கும் பணிகள் துவங்கப்படும். இணைப்பு நீளம் - 225 கி.மீ.

அடுத்தகட்டமாக தாமிரபரணியையும் கருமேனியாறையும் இணைக்கும் பணிகள் மேற்கொள்ளப்படும். இதன் மொத்த நீளம் - 369 கி.மீ.

ஆதாரம்.

கொக்கரித்த கூட்டமே... இங்கே பார்

2008-10-07T12:24:00.002+05:30

இதோ, கலைஞரின் கோரிக்கையை ஏற்று இந்திய அரசு, இலங்கை தூதரை அழைத்து, இலங்கை அரசின் தமிழர் விரோத போக்கிற்கு கடும் கண்டனங்களை பதிவு செய்திருக்கிறது. மேலும் தலைவர் கலைஞர் அவர்களால் வைக்கப்பட்ட மற்ற கோரிக்கைகள் மீதும் நடவடிக்கை எடுக்கப்படும் என்று பிரதமர் உறுதியளித்துள்ளார்..

இது நிச்சயம் கலைஞருக்கு வெற்றி.

அடேங்கப்பா.. ஓரிரு நாளில் எத்தனை நக்கல் பதிவுகள்.. தந்தி அனுப்புவது பற்றி நக்கலடித்து, எள்ளி நகையாடி.. , இதனால் நிகழப்போவது, தபால் அலுவலகத்துக்கு கூடுதல் வருமானம் மட்டுமே என்றெல்லாம் நக்கல் வேறு.
அதே போல, அவர் குறுஞ்செய்தி அனுப்பியுள்ளார் என்ற செய்தியை படித்துவிட்டு எத்துனை எள்ளல் , சிறுபிள்ளைத்தனமான பதிவுகள்.. 90 காசு கொடுத்து தொலைபேசியில் கூட பேசாமல், 25 பைசாவில் முடித்துவிட்டார் என்று எக்காளமிட்டது ஒரு கூட்டம்.. கலைஞர் என்றாலே வேப்பங்காயாக கசக்கும் அந்த கூட்டத்துக்கு.. என்ன செய்ய.. அவர் எது செய்தாலும் எதிர்க்கும் கூட்டம்..

இனிமேலாவது செய்தி தாள்களில் வரும் செய்திகளை அரைகுறையாக படித்துவிட்டு, குறை சொல்லவேண்டுமே என்று பதிவு போடாதீர்கள் நல்லவர்களே...

இன்று செய்திகள் தெளிவாகியுள்ளது. தந்தி அனுப்ப சொல்லிய கலைஞர், கடிதமும் கொடுத்தனுப்பி, தொலைபேசியிலும் பேசி, குறுஞ்செய்தியும் அனுப்பியுள்ளார்.. தந்தி என்பதும் மத்திய அரசின் கவனத்தை ஈர்க்கவும்., இது ஓட்டு மொத்த (சோ, ஜெ, சுவாமி போன்ற வகையறாக்கள் தவிர்த்து) தமிழினத்தின் ஏக்கம் என்பதை மத்திய அரசின் மனதில் பதிய வைக்கவுமே.. மற்றபடி, கலைஞர் கடிதம், தொலைப்பேசி மூலம் பேசியதன் விளைவாக இந்திய அரசு இந்த நடவடிக்கையை எடுத்துள்ளது.

தேவையே இல்லாமல், அனைத்திலும் கலைஞரை திட்டுவதற்கென்றே அலைகின்ற கூட்டமே, இப்போதாவது திருந்துங்கள்..

தலைவர் கலைஞர் அவர்களே, மீன்டும் ஒரு முறை நீங்கள் ஒரு தமிழினத்தலைவர் என்பதை நிரூபித்துள்ளீர்..வாழ்க கலைஞரே..

கலைஞரின் எண்ணி பார்க்க முடியாத சாதனைகள்

2008-10-03T17:47:00.003+05:30

ஆயிரம் விளக்கு மற்றும் சேப்பாக்கம் சட்டமன்ற தொகுதிகளில் மானிய விலையில் மளிகைப் பொருட்களை வழங்கி மாண்புமிகு ஊரக வளர்ச்சி மற்றும் உள்ளாட்சித்துறை அமைச்சர் திரு.மு.க.ஸ்டாலின் அவர்கள் பேசியதாவது :-

உத்தமர் காந்தியடிகளின் பிறந்த நாளை முன்னிட்டு முதலமைச்சர் கலைஞர் அவர்களால் தமிழ்நாட்டு மக்களுக்கு அர்ப்பணிக்கப்பட்டுள்ள அற்புத திட்டமான மானிய விலையில் 10 மளிகை பொருட்களை வழங்கும் விழாவில் கலந்துக் கொள்வதில் மிக்க மகிழ்ச்சியடைகிறேன். இன்று சென்னை மாநகரில் உள்ள 14 சட்டமன்ற தொகுதிகளிலும், மேலும், தமிழகம் எங்கும் உள்ள நகரம், ஒன்றியம், கிராமம் தோறும் இந்நிகழ்ச்சி எழுச்சியோடு நடைபெற்றுக் கொண்டிருக்கிறது. 2006 ஆம் ஆண்டு 5 ஆம் முறையாக தலைவர் கலைஞர் அவர்கள் ஆட்சிப் பொறுப்பு ஏற்ற பிறகு தமிழகத்தின் அனைத்து தரப்பு மக்களின் மேம்பாட்டிற்காக எத்தனையோ திட்டங்கள், எண்ணிப்பார்க்க முடியாத சாதனைகள் இந்த ஆட்சியில் தொடர்ந்து செயல்படுத்தப்பட்டுவருகிறது.

2006 ஆம் ஆண்டு தேர்தல் நேரத்தில் தலைவர் கலைஞர் அவர்கள் அளித்த உறுதி மொழிகள் எந்த அளவிற்கு நிறைவேற்றப்பட்டுள்ளது என்பதை நீங்கள் அறிவீர்கள். கிலோ அரிசி ரூ. 2 க்கு வழங்குவோம் என்று தேர்தல் நேரத்தில் சொன்னோம். அப்போது, எதிர்கட்சியினர் இது முடியுமா ? நடக்குமா ? சாத்தியமா ? என்றனர், மக்களை ஏமாற்றி வாக்குகளை பெறுவதற்காக நாம் சொன்னதாக விமர்சனம் செய்தனர். ஆனால், எதிர்கட்சியினர் பொய் பிரச்சாரத்தை, நீங்கள் நம்பவில்லை. தலைவர் கலைஞர் அவர்கள் அளித்த உறுதிமொழியை நம்பினீர்கள், வாக்களித்தீர்கள்.

வெற்றிபெற்ற தலைவர் கலைஞர் கோட்டைக்கு செல்லவில்லை, கோப்பை வரவழைத்து கிலோ அரிசி ரூ. 2 க்கான கையெழுத்திட்டு உத்தரவு பிறப்பித்தார். இப்போது, செப்டம்பர் 15 அண்ணா நூற்றாண்டு விழாவை முன்னிட்டு கிலோ அரிசி ஒரு ரூபாய்க்கு வழங்குகின்ற திட்டத்தினை கலைஞர் அவர்கள் தொடங்கியுள்ளார்கள். ஒரு ரூபாய்க்கு அரிசி வழங்கினால் போதுமா ? சாம்பார், குழம்பு சமைக்க முடியுமா ? என்று எதிர்கட்சி தலைவர் ஜெயலலிதா போன்றவர்கள் கேள்வி எழுப்பினார்கள்.

தற்போது, தலைவர் கலைஞர் அவர்கள் மளிகை பொருட்களின் விலையை குறைத்து மானிய விலையில் வழங்குகின்ற சிறப்பான திட்டத்தினை தொடங்கியுள்ளார்கள். மஞ்சள் தூள் 50 கிராம் ரூ. 2 க்கும், மல்லித்தூள் 250 கிராம் ரூ.18 க்கும், மிளகாய்த்தூள் 250 கிராம் ரூ. 14 க்கும், கடலை பருப்பு 75 கிராம் ரூ. 2 க்கும், வெந்தியம் 25 கிராம் ரூ. 1 க்கும், கடுகு 25 கிராம் ரூ. 1 க்கும், சோம்பு 25 கிராம் ரூ. 1.50 க்கும், மிளகு 25 கிராம் ரூ. 3 க்கும், சீரகம் 50 கிராம் ரூ. 5.50 க்கும், பட்டை மற்றும் கிராம்பு 10 கிராம் ரூ. 2 க்கும் ஆக மொத்தம் 10 பொருட்கள் ரூ. 50 க்கு ஒரே பொட்டலமாக வழங்கப்படுகிறது.

மளிகை பொருட்கள் சிலருக்கு தனித்தனியாக தேவைப்பட்டாலும், குறிப்பிட்ட பொருட்களை குறித்த விலைக்கு வாங்கிக் கொள்ளலாம். இவை மட்டும் இல்லாமல் நியாய விலைக்கடைகளில் தாய்மார்கள் குடும்பத்தை நடத்துவதற்கு வசதியாக துவரம் பருப்பு ஒரு கிலோ ரூ.32 க்கும், உளுத்தம்பருப்பு ஒரு கிலோ ரூ. 36 க்கும், பாமாயில் ஒரு லிட்டர் ரூ.40 க்கும், செறிவூட்டப்பட்ட கோதுமை மாவு ஒரு கிலோ ரூ. 11 க்கும், ரவா ஒரு கிலோ ரூ. 17 க்கும், மைதா ஒரு கிலோ ரூ.16 க்கும் மேற்கண்ட அத்தியாவசிய பொருட்களை அரசே மானியம் வழங்கி மக்களுக்கு குறைந்த விலையில் வழங்கிவருகிறது.

தமிழகத்தை பொறுத்த வரை 1 கோடியே 86 லட்சம் குடும்ப அட்டைதாரர்கள் மானிய விலையில் மளிகை பொருட்கள் வழங்கும் திட்டத்தில் பயன்பெறுவார்கள். சென்னை மாவட்டத்தில் உள்ள 21 லட்சத்து 52 ஆயிரம் குடும்ப அட்டை தாரர்களில் 18 லட்சத்து 14 ஆயிரம் குடும்ப அட்டைதாரர்கள், மானிய விலையில் மளிகை பொருட்கள் திட்டத்தில் பயன்பெறுவார்கள். குறிப்பாக ஆயிரம் விளக்கு சட்டமன்ற தொகுதியில் உள்ள 90 ஆயிரம் குடும்ப அட்டைதாரர்களில் 72 ஆயிரத்து 168 குடும்ப அட்டைதாரர்கள் பயன் அடைய உள்ளனர். அதேபோல் சேப்பாக்கம் சட்டமன்ற தொகுதியில் மொத்தம் உள்ள 91 ஆயிரத்து 271 குடும்ப அட்டை தாரர்களில் 78 ஆயிரத்து 716 குடும்ப அட்டைதாரர்கள் பயன்பெறுவர்கள்.

தலைவர் கலைஞரின்அரசில் நாளொரு மேனி, பொழுதொரு வண்ணமாக திட்டங்கள் மற்றும் சாதனைகள் செயல்படுத்தப்பட்டுவருகின்றன. சமுதாயத்தில் உள்ள அனைத்து தரப்பு மக்களும் ஏற்றம் பெற பல்வேறு திட்டங்களைஇந்த அரசு செயல்படுத்திவருகிறது. தலைவர் கலைஞர் ஆட்சியில் சொன்னதை மட்டும் அல்ல, சொல்லாததும் நடக்கிறது. ஒரு கிலோ 2 ரூபாய்க்கு அரிசி வழங்குவோம் என்றோம், ஆனால் தற்போது கிலோ அரிசி ஒரு ரூபாய்க்கு வழங்குகின்றோம்.

சத்துணவில் வாரம் 2 முட்டை வழங்குவோம் என்றோம், ஆனால் தற்போது வாரம் 3 முட்டைகள் வழங்குகின்றோம் அதுமட்டும் அல்ல முட்டை சாப்பிடாத குழந்தைகளுக்கு வாழைப்பழம் வழங்குகின்றோம். மகளிருக்கு திருமண உதவித்தொகையாக ரூ.15 ஆயிரம் வழங்குவோம் என்றோம், ஆனால் ரூ. 20 ஆயிரம் வழங்கிவருகிறோம். இப்படி பல்வேறு சாதனைகள் ! எண்ணிப்பார்க்க முடியாத சாதனைகள் ! கிலோ அரிசி ஒரு ரூபாய்க்கு வழங்குவது இந்தியாவில் மட்டும் அல்ல, உலகத்திலேயே தமிழகத்தை தவிர வேறு எங்கும் இல்லை. இப்படி, மக்களின் அடிப்படை தேவைகளை நிறைவேற்றிடும் உன்னத ஆட்சி, இந்த நல்ல அரசிற்கு தொடர்ந்து உங்கள் நல்லாதரவினை வழங்கிட வேண்டும். என்று மாண்புமிகு ஊரக வளர்ச்சி மற்றும் உள்ளாட்சித்துறை அமைச்சர் திரு. மு.க..ஸ்டாலின் அவர்கள் பேசினார்கள்.

தந்தையின் மரணத்தை கொண்டாடியவர்களுக்கு கூஜா தூக்கும் சன் டிவி

2008-09-26T08:13:00.004+05:30

மறைந்த திரு.முரசொலி மாறன் அவர்கள் கலைஞரின் அரசியல் வாழ்வில் நெடுங்காலம் அவருக்கு உறுதுணையாக இருந்தவர். கழகத்தில் தலைவருக்கு அடுத்தபடியாக உடன்பிறப்புகள் அதிக மரியாதை வைத்து இருந்த தலைவர் அவர். கலைஞர் எந்த முக்கிய முடிவு எடுத்தாலும் திரு.முரசொலி மாறன் அவர்களை கலந்து எடுப்பது வழக்கம். நள்ளிரவில் தலைவர் வீட்டுக்குள் புகுந்து அவரை கைது செய்ய போலீஸ் வந்த போது தலைவர் முதலில் வரச் சொன்னது திரு.முரசொலி மாறன் அவர்களை தான். உடல்நிலை சரியில்லாமல் பேஸ்மேக்கர் பொருத்தப்பட்டு இருந்த திரு.முரசொலி மாறன் அவர்களை போலீஸ் எப்படி கையாண்டது என்பதை நாம் எல்லோரும் தொலைக்காட்சியில் பார்த்தோம். அன்று இதை எல்லாம் ஒளிபரப்பிய அதே சன் தொலைக்காட்சி இன்று...

முரசொலிமாறன் இறந்த பொழுது தங்கள் கட்சி அலுவலகத்திலே பட்டாசு வெடித்து கொண்டாடிய ஜெயலலிதாவின் அறிக்கைகள் தினந்தோறும் சன் டிவி
செய்திகளில் ............

மேலும் வாசிக்க கலைஞரும் கலாநிதி மாறனும்